সর্গ 21

21.1

তৎ শ্রুত্বা বচনম্ তস্য স্নেহ পর্যাকুলাক্ষরম্ ।
সমন্যুঃ কৌশিকো বাক্যম্ প্রতি উবাচ মহীপতিম্ ॥১-২১-১॥

পূর্বম্ অর্থম্ প্রতি শ্রুত্য প্রতিজ্ঞাম্ হাতুম্ ইচ্ছসি ।
রাঘবাণাম্ অয়ুক্তোঽয়ম্ কুলস্য অস্য বিপর্যয়ঃ ॥১-২১-২॥

যদ্ ইদম্ তে ক্ষমম্ রাজন্ গমিষ্যামি যথা আগতম্ ।
মিথ্যা প্রতিজ্ঞঃ কাকুত্স্থ সুখী ভব সু হৃদ্ বৃতঃ ॥১-২১-৩॥

তস্য রোষ পরীতস্য বিশ্বামিত্রস্য ধীমতঃ ।
চচাল বসুধা কৃত্স্না দেবানাম্ চ ভয়ম্ ॥১-২১-৪॥

ত্রস্ত রূপম্ তু বিজ্ঞায় জগত্সর্বম্ মহান্ ঋষিঃ ।
নৃপতিম্ সুব্রতো ধীরো বসিষ্ঠো বাক্যম্ অব্রবীৎ ॥১-২১-৫॥

ইক্ষ্বাকূণাম্ কুলে জাতঃ সাক্ষাৎ ধর্ম ইব অপরঃ ।
ধৃতিমান্ সুব্রতঃ শ্রীমান্ ন ধর্মম্ হাতুম্ অর্হসি ॥১-২১-৬॥

ত্রিষু লোকেষু বিখ্যাতো ধর্মাত্মা ইতি রাঘব ।
স্ব ধর্মম্ প্রতিপদ্যস্ব ন অধর্মম্ বোঢুম্ অর্হসি ॥১-২১-৭॥

প্রতি শ্রুত্য করিষ্যে ইতি উক্তম্ বাক্যম্ অকুর্বতঃ ।
ইষ্টাপূর্ত বধো ভূয়াৎ তস্মাৎ রামম্ বিসর্জয় ॥১-২১-৮॥

কৃতাস্ত্রম্ অকৃতাস্ত্রম্ বা ন এবম্ শক্ষ্যন্তি রাক্ষসাঃ ।
গুপ্তম্ কুইশিক পুত্রেণ জ্বলনেন অমৃতম্ যথা ॥১-২১-৯॥

এষ বিগ্রহবান্ ধর্ম এষ বীর্যবতাম্ বরঃ ।
এষ বিদ্য অধিকো লোকে তপসঃ চ পরায়ণম্ ॥১-২১-১০॥

এষো অস্ত্রান্ বিবিধান্ বেত্তি ত্রৈলোক্যে স চরাচরে ।
ন এনম্ অন্যঃ পুমান্ বেত্তি ন চ বেত্স্যন্তি কেচন ॥১-২১-১১॥

ন দেবা ন ঋষয়ঃ কে চিৎ ন অমরা ন চ রাক্ষসাঃ ।
গন্ধর্ব যক্ষ প্রবরাঃ স কিন্নর মহোরগাঃ ॥১-২১-১২॥

সর্ব অস্ত্রাণি কৃশাশ্বস্য পুত্রাঃ পরম ধার্মিকাঃ ।
কৌশিকায় পুরা দত্তা যদা রাজ্যম্ প্রশাসতি ॥১-২১-১৩॥

তে অপি পুত্রা কৃশাশ্বস্য প্রজাপতি সুতা সুতাঃ ।
ন এক রূপা মহাবীর্যা দীপ্তিমংতো জয়াবহাঃ ॥১-২১-১৪॥

জয়া চ সুপ্রভা চ এব দক্ষ কন্যে সুমধ্যমে ।
তে সূতে অস্ত্র শস্ত্রাণি শতম্ পরম ভাস্বরম্ ॥১-২১-১৫॥

পংচাশতম্ সুতান্ লেভে জয়া লব্ধ বরা বরান্ ।
বধায়াসুরসৈন্যানামপ্রমেয়ানরূপিণঃ - যদ্বা -বধায় অসুর সৈন্যানাম্ অপ্রমেয়ান্ অরূপিণঃ ॥১-২১-১৬॥

সুপ্রভা অজনয়ৎ চ অপি পুত্রান্ পংচাশতম্ পুনঃ ।
সংহারান্ নাম দুর্ধর্ষান্ দুরাক্রামান্ বলীয়সঃ ॥১-২১-১৭॥

তানি চ অস্ত্রাণি বেত্তি এষ যথাবৎ কুশিক আত্মজঃ ।
অপূর্বাণাম্ চ জননে শক্তো ভূয়ঃ চ ধর্মবিৎ ॥১-২১-১৮॥

তেন অস্য মুনি মুখ্যস্য ধর্মজ্ঞস্য মহাত্মনঃ ।
ন কিংচিদ্ অস্তি অবিদিতম্ ভূতম্ ভব্যম্ চ রাঘব ॥১-২১-১৯॥

এবম্ বীর্যো মহাতেজা বিশ্বামিত্রো মহা যশাঃ ।
ন রাম গমনে রাজন্ সংশয়ম্ গন্তুম্ অর্হসি ॥১-২১-২০॥

তেষাম্ নিগ্রহণে শক্তঃ স্বয়ম্ চ কুশিকাত্মজঃ ।
তব পুত্র হিতার্থায় ত্বাম্ উপেত্য অভি যাচতে ॥১-২১-২১॥

ইতি মুনি বচনাৎ প্রসন্ন চিত্তোরঘু বৃষভঃ চ মুমোদ পার্থিব অগ্র্যঃ ।
গমনম্ অভিরুরোচ রাঘবস্যপ্রথিত যশাঃ কুশিক আত্মজায় বুধ্যা ॥১-২১-২২॥