Utshovসর্গ 20
20.1
তৎ শ্রুত্বা রাজ শার্দূলো বিশ্বামিত্রস্য ভাষিতম্ ।
মুহূর্তম্ ইব নিস্সজ্ঞঃ সজ্ঞাবান্ ইদম্ অব্রবীৎ ॥১-২০-১॥
20.2
ঊন ষোডশ বর্ষো মে রামো রাজীব লোচনঃ ।
ন যুদ্ধ যোগ্যতাম্ অস্য পশ্যামি সহ রাক্ষসৈঃ ॥১-২০-২॥
20.3
ইয়ম্ অক্ষৌহিণী সেনা যস্য অহম্ পতিঃ ঈশ্বরঃ ।
অনয়া সহিতো গত্বা যোদ্ধ অহম্ তৈর্ নিশাচরৈঃ ॥১-২০-৩॥
20.4
ইমে শূরাঃ চ বিক্রান্তা ভৃত্যাঃ মে অস্ত্র বিশারদাঃ ।
যোগ্যা রক্ষোগণৈঃ যোদ্ধুম্ ন রামম্ নেতুম্ অর্হসি ॥১-২০-৪॥
20.5
অহম্ এব ধনুষ্পাণিঃ গোপ্তা সমর মূর্ধনি ।
যাবৎ প্রাণান্ ধরিষ্যামি তাবৎ যোত্স্যে নিশাচরৈঃ ॥১-২০-৫॥
20.6
নির্বিঘ্না ব্রত চর্যা সা ভবিষ্যতি সুরক্ষিতা ।
অহম্ তত্র আগমিষ্যামি ন রামম্ নেতুম্ অর্হসি ॥১-২০-৬॥
20.7
বালো হি অকৃত বিদ্যঃ চ ন চ বেত্তি বলাবলম্ ।
ন চ অস্ত্র বল সংয়ুক্তো ন চ যুদ্ধ বিশারদঃ ॥১-২০-৭॥
20.8
ন চ অসৌ রক্ষসা যোগ্যঃ কূট যুদ্ধা হি রাক্ষসা ।
বিপ্রয়ুক্তো হি রামেণ মুহূর্তম্ অপি ন উত্সহে ॥১-২০-৮॥
20.9
জীবিতুম্ মুনি শার্দূল ন রামম্ নেতুম্ অর্হসি ।
যদি বা রাঘবম্ ব্রহ্মন্ নেতুম্ ইচ্ছসি সুব্রত ॥১-২০-৯॥
20.10
চতুরংগ সমায়ুক্তম্ ময়া সহ চ তম্ নয় ।
ষষ্টিঃ বর্ষ সহস্রাণি জাতস্য মম কৌশিক ॥১-২০-১০॥
20.11
কৃচ্ছ্রেণ উত্পাদিতঃ চ অয়ম্ ন রামম্ নেতুম্ অর্হসি ।
চতুর্ণাম্ আত্মজানাম্ হি প্রীতিঃ পরমিকা মম ॥১-২০-১১॥
20.12
জ্যেষ্ঠে ধর্ম প্রধানে চ ন রামম্ নেতুম্ অর্হসি ।
কিম্ বীর্যাঃ রাক্ষসাঃ তে চ কস্য পুত্রাঃ চ কে চ তে ॥১-২০-১২॥
20.13
কথম্ প্রমাণাঃ কে চ এতান্ রক্ষন্তি মুনিপুংগব ।
কথম্ চ প্রতি কর্তব্যম্ তেষাম্ রামেণ রক্ষসাম্ ॥১-২০-১৩॥
20.14
মামকৈঃ বা বলৈঃ ব্রহ্মন্ ময়া বা কূট যোধিনাম্ ।
সর্বম্ মে শংস ভগবন্ কথম্ তেষাম্ ময়া রণে ॥১-২০-১৪॥
20.15
স্থাতব্যম্ দুষ্ট ভাবানাম্ বীর্যোত্সিক্তা হি রাক্ষসাঃ ।
তস্য তদ্ বচনম্ শ্রুত্বা বিশ্বামিত্রো অভ্যভাষত ॥১-২০-১৫॥
20.16
পৌলস্ত্য বংশ প্রভবো রাবণো নাম রাক্ষসঃ ।
স ব্রহ্মণা দত্ত বরঃ ত্রৈলোক্যম্ বাধতে ভৃশম্ ॥১-২০-১৬॥
20.17
মহাবলো মহাবীর্যো রাক্ষসৈঃ বহুভিঃ বৃতঃ ।
শ্রূয়তে চ মহারাজা রাবণো রাক্ষস অধিপঃ ॥১-২০-১৭॥
20.18
সাক্ষাৎ বৈশ্রবণ ভ্রাতা পুত্রো বিশ্রবসো মুনেঃ ।
যদা ন খলু যজ্ঞস্য বিঘ্ন কর্তা মহাবলঃ ॥১-২০-১৮॥
20.19
তেন সংচোদিতৌ তৌ তু রাক্ষসৌ চ মহাবলৌ ।
মারীচঃ চ সুবাহুঃ চ যজ্ঞ বিঘ্নম্ করিষ্যতঃ ॥১-২০-১৯॥
20.20
ইতি উক্তো মুনিনা তেন রাজা উবাচ মুনিম্ তদা ।
ন হি শক্তো অস্মি সংগ্রামে স্থাতুম্ তস্য দুরাত্মনঃ ॥১-২০-২০॥
20.21
স ত্বম্ প্রসাদম্ ধর্মজ্ঞ কুরুষ্ব মম পুত্রকে ।
মম চ এব অল্প ভাগ্যস্য দৈবতম্ হি ভবান্ গুরুঃ ॥১-২০-২১॥
20.22
দেব দানব গংধর্বা যক্ষাঃ পতগ পন্নগাঃ।
ন শক্তা রাবণম্ সোঢুম্ কিম্ পুনর্ মানবা যুধি ॥১-২০-২২॥
20.23
স তু বীর্যবতাম্ বীর্যম্ আদত্তে যুধি রাবণঃ ।
তেন চ অহম্ ন শক্তোঽস্মি সংয়োদ্ধুম্ তস্য বা বলৈঃ ॥১-২০-২৩॥
20.24
সবলো বা মুনিশ্রেষ্ঠ সহিতো বা মম আত্মজৈঃ ।
কথম্ অপি অমর প্রখ্যম্ সংগ্রামাণাম্ অকোবিদম্ ॥১-২০-২৪॥
20.25
বালম্ মে তনয়ম্ ব্রহ্মন্ নৈব দাস্যামি পুত্রকম্ ।
অথ কাল উপমৌ যুদ্ধে সুতৌ সুন্দোপসুন্দয়োঃ ॥১-২০-২৫॥
20.26
যজ্ঞ বিঘ্ন করৌ তৌ তে ন এব দাস্যামি পুত্রকম্ ।
মারীচঃ চ সুবাহুঃ চ বীর্যবন্তৌ সুশিক্ষিতৌ ॥১-২০-২৬॥
20.27
তয়োঃ অন্যতরম্ যোদ্ধুম্ যাস্যামি স সুহৃৎ গণঃ ।
অন্যথা ত্বনুনেষ্যামি ভবন্তম্ সহ বান্ধব ॥১-২০-২৭॥
20.28
ইতি নরপতি জল্পনাৎ দ্বিজেন্দ্রম্কুশিক সুতম্ সুমহান্ বিবেশ মন্যুঃ ।
সু হুত ইব মখে অগ্নিঃ আজ্য সিক্তঃসমভবৎ উজ্বলিতো মহর্ষি বহ্নিঃ ॥১-২০-২৮॥