সর্গ 19

19.1

তৎ শুর্ত্বা রাজ সিংহস্য বাক্যম্ অদ্ভুত বিস্তরম্ ।
হৃষ্ট রোমা মহাতেজা বিশ্বামিত্রোঽভ্যভাষত ॥১-১৯-১॥

সদৃশম্ রাজ শার্দূল তব এব ভুবি ন অন্যতঃ ।
মহাবংশ প্রসূতস্য বসিষ্ঠ ব্যপদেশিনঃ ॥১-১৯-২॥

যৎ তু মে হৃদ্ গতম্ বাক্যম্ তস্য কার্যস্য নিশ্চয়ম্ ।
কুরুষ্ব রাজ শার্দূল ভব সত্য প্রতিশ্রবঃ ॥১-১৯-৩॥

অহম্ নিয়মম্ আতিষ্ঠে সিধ্দ্যর্থম্ পুরুষর্ষভ ।
তস্য বিঘ্নকরৌ দ্বৌ তু রাক্ষসৌ কাম রূপিণৌ ॥১-১৯-৪॥

ব্রতে মে বহুশঃ চীর্ণে সমাপ্ত্যাম্ রাক্ষসাবিমৌ ।
মারীচঃ চ সুবাহুঃ চ বীর্যবন্তৌ সুশিক্ষিতৌ ॥১-১৯-৫॥

তৌ মাংস রুধির ওঘেণ বেদিম্ তাম্ অভ্যবর্ষতাম্ ।
অবধূতে তথা ভূতে তস্মিন্ নিয়ম নিশ্চয়ে ॥১-১৯-৬॥

কৃত শ্রমো নিরুত্সাহঃ তস্মাৎ দেশাৎ অপাক্রমে ।
ন চ মে ক্রোধম্ উত্স্রষ্টুম্ বুদ্ধিঃ ভবতি পার্থিব ॥১-১৯-৭॥

তথা ভূতা হি সা চর্যা ন শাপঃ তত্র মুচ্যতে ।
স্ব পুত্রম্ রাজ শার্দূল রামম্ সত্য পরাক্রমম্ ॥১-১৯-৮॥

কাক পক্ষ ধরম্ শূরম্ জ্যেষ্ঠম্ মে দাতুম্ অর্হসি ।
শক্তো হি যেষ ময়া গুপ্তো দিব্যেন স্বেন তেজসা ॥১-১৯-৯॥

রাক্ষসা যে বিকর্তারঃ তেষাম্ অপি বিনাশনে ।
শ্রেয়ঃ চ অস্মৈ প্রদাস্যামি বহুরূপম্ ন সংশয়ঃ ॥১-১৯-১০॥

ত্রয়াণাম্ অপি লোকানাম্ যেন খ্যাতিম্ গমিষ্যতি ।
ন চ তৌ রামম্ আসাদ্য শক্তৌ স্থাতুম্ কথম্ চ ন ॥১-১৯-১১॥

ন চ তৌ রাঘবাৎ অন্যো হন্তুম্ উত্সহতে পুমান্ ।
বীর্য উত্সিক্তৌ হি তৌ পাপৌ কাল পাশ বশম্ গতৌ ॥১-১৯-১২॥

রামস্য রাজ শার্দূল ন পর্যাপ্তৌ মহাত্মনঃ ।
ন চ পুত্র গতম্ স্নেহম্ কর্তুম্ অর্হসি পার্থিব ॥১-১৯-১৩॥

অহম্ তে প্রতি জানামি হতৌ তৌ বিদ্ধি রাক্ষসৌ ।
অহম্ বেদ্মি মহাত্মানম্ রামম্ সত্য পরাক্রমম্ ॥১-১৯-১৪॥

বসিষ্ঠোঽপি মহাতেজা যে চ ইমে তপসি স্থিতাঃ ।
যদি তে ধর্ম লাভম্ তু যশঃ চ পরমম্ ভুবি ॥১-১৯-১৫॥

স্থিরম্ ইচ্ছসি রাজেন্দ্র রামম্ মে দাতুম্ অর্হসি ।
যদি অভ্যনুজ্ঞাম্ কাকুত্স্থ দদতে তব মংত্রিণঃ ॥১-১৯-১৬॥

বসিষ্ঠ প্রমুখাঃ সর্বে ততো রামম্ বিসর্জয় ।
অভিপ্রেতম্ অসংসক্তম্ আত্মজম্ দাতুম্ অর্হসি ॥১-১৯-১৭॥

দশ রাত্রম্ হি যজ্ঞস্য রামম্ রাজীব লোচনম্ ।
ন অত্যেতি কালো যজ্ঞস্য যথা অয়ম্ মম রাঘব ॥১-১৯-১৮॥

তথা কুরুষ্ব ভদ্রম্ তে মা চ শোকে মনঃ কৃথাঃ ।
ইতি এবম্ উক্ত্বা ধর্মাত্মা ধর্মার্থ সহিতম্ বচঃ ॥১-১৯-১৯॥

বিররাম মহাতেজা বিশ্বামিত্রো মহামতিঃ ।
স তন্ নিশম্য রাজেন্দ্রো বিশ্বামিত্র বচঃ শুভম্ ॥১-১৯-২০॥

শোকেন মহতা আবিষ্টঃ চচাল চ মুমোহ চ ।
লব্ধ সংজ্ঞঃ ততো উতথায় ব্যষীদত ভয়ান্বিতঃ ॥১-১৯-২১॥

ইতি হৃদয় মনো বিদারণম্মুনি বচনম্ তদ্ অতীব শুশ্রুবান্ ।
নরপতিঃ অভবৎ মহান্ মহাত্মাব্যথিত মনাঃ প্রচচাল চ অসনাৎ ॥১-১৯-২২॥