Utshovসর্গ 18
18.1
নির্বৃত্তে তু ক্রতৌ তস্মিন্ হয়মেধে মহাত্মনঃ ।
প্রতি গৃহ্য অমরা ভাগান্ প্রতিজগ্মুঃ যথা আগতম্ ॥১-১৮-১॥
18.2
সমাপ্ত দীক্ষা নিয়মঃ পত্নী গণ সমন্বিতঃ ।
প্রবিবেশ পুরীম্ রাজা স ভৃত্য বল বাহনঃ ॥১-১৮-২॥
18.3
যথা অর্হম্ পূজিতাঃ তেন রাজ্ঞা চ পৃথিবীশ্বরাঃ ।
মুদিতাঃ প্রয়য়ুঃ দেশান্ প্রণম্য মুনি পুংগবম্ ॥১-১৮-৩॥
18.4
শ্রীমতাম্ গচ্ছতাম্ তেষাম্ স্বগৃহাণি পুরাৎ ততঃ ।
বলানি রাজ্ঞাম্ শুভ্রাণি প্রহৃষ্টানি চকাশিরে ॥১-১৮-৪॥
18.5
গতেষু পৃথিবীশেষু রাজা দশরথঃ পুনঃ ।
প্রবিবেশ পুরীম্ শ্রীমান্ পুরস্কৃত্য দ্বিজোত্তমান্ ॥১-১৮-৫॥
18.6
শাংতয়া প্রয়য়ৌ সার্ধম্ ঋষ্যশৃঙ্গঃ সুপূজিতঃ ।
অনুগম্যমানো রাজ্ঞা চ সানুয়াত্রেণ ধীমতা ॥১-১৮-৬॥
18.7
এবম্ বিসৃজ্য তান্ সর্বান্ রাজা সংপূর্ণ মানসঃ ।
উবাস সুখিতঃ তত্র পুত্র উত্পত্তিম্ বিচিংতয়ন্ ॥১-১৮-৭॥
18.8
ততো যজ্ঞে সমাপ্তে তু ঋতূনাম্ ষট্ সমত্যয়ুঃ ।
ততঃ চ দ্বাদশে মাসে চৈত্রে নাবমিকে তিথৌ ॥১-১৮-৮॥
18.9
নক্ক্ষত্রে অদিতি দৈবত্যে স্ব উচ্ছ সংস্থেষু পংচসু ।
গ্রহেষু কর্কটে লগ্নে বাক্পতা ইংদুনা সহ ॥১-১৮-৯॥
18.10
প্রোদ্যমানে জগন্নাথম্ সর্ব লোক নমস্কৃতম্ ।
কৌসল্যা অজনয়ৎ রামম্ সর্ব লক্ষণ সংয়ুতম্ ॥১-১৮-১০॥
18.11
বিষ্ণোঃ অর্ধম্ মহাভাগম্ পুত্রম্ ঐক্ষ্বাকু নংদনম্ ।
লোহিতাক্ষম্ মহাবাহুম্ রক্ত ওষ্টম্ দুংদুভি স্বনম্ ॥১-১৮-১১॥
18.12
কৌসল্যা শুশুভে তেন পুত্রেণ অমিত তেজসা ।
যথা বরেণ দেবানাম্ অদিতিঃ বজ্র পাণিনা ॥১-১৮-১২॥
18.13
ভরতো নাম কৈকেয্যাম্ জজ্ঞে সত্য পরাক্রমঃ ।
সাক্ষাৎ বিষ্ণোঃ চতুর্থ ভাগঃ সর্বৈঃ সমুদিতো গুণৈঃ ॥১-১৮-১৩॥
18.14
অথ লক্ষ্মণ শত্রুঘ্নৌ সুমিত্রা অজনয়ৎ সুতৌ ।
বীরৌ সর্ব অস্ত্র কুশলৌ বিষ্ণোঃ অর্ধ সমন্বিতৌ ॥১-১৮-১৪॥
18.15
পুষ্যে জাতঃ তু ভরতো মীন লগ্নে প্রসন্ন ধীঃ ।
সার্পে জাতৌ তু সৌমিত্রী কুLঈরে অভ্যুদিতে রবৌ ॥১-১৮-১৫॥
18.16
রাজ্ঞঃ পুত্রা মহাত্মানঃ চত্বারো জজ্ঞিরে পৃথক্ ।
গুণবংতঃ অনুরূপাঃ চ রুচ্যা প্রোষ্ঠ পদোপমাঃ ॥১-১৮-১৬॥
18.17
জগুঃ কলম্ চ গংধর্বা ননৃতুঃ চ অপ্সরো গণাঃ ।
দেব দুংদুভয়ো নেদুঃ পুষ্প বৃষ্টিঃ চ খাৎ পতৎ ॥১-১৮-১৭॥
18.18
উত্সবঃ চ মহান্ আসীৎ অয়োধ্যায়াম্ জনাকুলঃ ।
রথ্যাঃ চ জন সংবাধা নট নর্তক সংকুলাঃ ॥১-১৮-১৮॥
18.19
গায়নৈঃ চ বিরাবিণ্যো বাদনৈঃ চ তথ অপরৈঃ ।
বিরেজুর্ বিপুলাঃ তত্র সর্ব রত্ন সমন্বিতাঃ ॥১-১৮-১৯॥
18.20
প্রদেয়াংশ্চ দদৌ রাজা সূত মাগধ বংদিনাম্ ।
ব্রাহ্মণেভ্যো দদৌ বিত্তম্ গো ধনানি সহস্রশঃ ॥১-১৮-২০॥
18.21
অতীত্য একাদশ আহম্ তু নাম কর্ম তথা অকরোৎ ।
জ্যেষ্ঠম্ রামম্ মহাত্মানম্ ভরতম্ কৈকয়ী সুতম্ ॥১-১৮-২১॥
18.22
সৌমিত্রিম্ লক্ষ্মণম্ ইতি শত্রুঘ্নম্ অপরম্ তথা ।
বসিষ্ঠঃ পরম প্রীতো নামানি কুরুতে তদা ॥১-১৮-২২॥
18.23
ব্রাহ্মণান্ ভোজয়ামাস পৌরান্ জানপদান্ অপি ।
উদদদ্ ব্রাহ্মণানাম্ চ রত্নৌঘম্ অমলম্ বহু ॥১-১৮-২৩॥
18.24
তেষাম্ জন্ম ক্রিয় আদীনি সর্ব কর্মাণি অকারয়ৎ ।
তেষাম্ কেতুঃ ইব জ্যেষ্ঠো রামো রতিকরঃ পিতুঃ ॥১-১৮-২৪॥
18.25
বভূব ভূয়ো ভূতানাম্ স্বয়ম্ ভূঃ ইব সম্মতঃ ।
সর্বে বেদ বিদঃ শূরাঃ সর্বে লোকহিতে রতাঃ ॥১-১৮-২৫॥
18.26
সর্বে জ্ঞানোপসংপন্নাঃ সর্বে সমুদিতা গুণৈঃ ।
তেষাম্ অপি মহাতেজা রামঃ সত্য পরাক্রমঃ ॥১-১৮-২৬॥
18.27
ইষ্টঃ সর্বস্য লোকস্য শশাংক ইব নির্মলঃ ।
গজ স্কন্ধে অশ্ব পৃষ্টে চ রথ চর্যাসু সম্মতঃ ॥১-১৮-২৭॥
18.28
ধনুর্বেদে চ নিরতঃ পিতুঃ শুশৄষণে রতঃ ।
বাল্যাৎ প্রভৃতি সুস্নিগ্ধো লক্ষ্মণো লক্ষ্মি বর্ধনঃ ॥১-১৮-২৮॥
18.29
রামস্য লোকরামস্য ভ্রাতুঃ জ্যেষ্ঠস্য নিত্যশঃ ।
সর্ব প্রিয় করঃ তস্য রামস্য অপি শরীরতঃ ॥১-১৮-২৯॥
18.30
লক্ষ্মণো লক্ষ্মি সংপন্নো বহিঃ প্রাণ ইব অপরঃ ।
ন চ তেন বিনা নিদ্রাম্ লভতে পুরুষোত্তমঃ ॥১-১৮-৩০॥
18.31
মৃষ্টম্ অন্নম্ উপানীতম্ অশ্নাতি ন হি তম্ বিনা ।
যদা হি হয়ম্ আরূঢো মৃগয়াম্ যাতি রাঘবঃ ॥১-১৮-৩১॥
18.32
অথ এনম্ পৃষ্ঠতঃ অভ্যেতি স ধনুঃ পরিপালয়ন্ ।
ভরতস্য অপি শত্রুঘ্নো লক্ষ্মণ অবরজো হি সঃ ॥১-১৮-৩২॥
18.33
প্রাণৈঃ প্রিয়তরো নিত্যম্ তস্য চ আসীৎ তথা প্রিয়ঃ ।
স চতুর্ভিঃ মহাভাগৈঃ পুত্রৈঃ দশরথঃ প্রিয়ৈঃ ॥১-১৮-৩৩॥
18.34
বভূব পরম প্রীতো দেবৈঃ ইব পিতামহঃ ।
তে যদা জ্ঞান সংপন্নাঃ সর্বৈঃ সমুদিতা গুণৈঃ ॥১-১৮-৩৪॥
18.35
হ্রীমন্তঃ কীর্তিমন্তঃ চ সর্বজ্ঞা দীর্ঘ দর্শিনঃ ।
তেষাম্ এবম্ প্রভাবাণাম্ সর্বেষাম্ দীপ্ত তেজসাম্ ॥১-১৮-৩৫॥
18.36
পিতা দশরথো হৃষ্টো ব্রহ্মা লোকাধিপো যথা ।
তে চ অপি মনুজ ব্যাঘ্রা বৈদিক অধ্যয়নে রতাঃ ॥১-১৮-৩৬॥
18.37
পিতৃ শুশ্রূষণ রতা ধনুর্ বেদে চ নিষ্টিতাঃ ।
অথ রাজা দশরথঃ তেষাম্ দার ক্রিয়াম্ প্রতি ॥১-১৮-৩৭॥
18.38
চিংতয়ামাস ধর্মাত্মা সহ উপাধ্যায়ঃ স বান্ধবঃ ।
তস্য চিংতয়মানস্য মংত্রি মধ্যে মহাত্মনঃ ॥১-১৮-৩৮॥
18.39
অভ্যাগচ্ছৎ মহাতেজা বিশ্বামিত্রো মহামুনিঃ ।
স রাজ্ঞো দর্শন আকাংক্ষী দ্বার অধ্যক্ষান্ উবাচ হ ॥১-১৮-৩৯॥
18.40
শীঘ্রম্ আখ্যাত মাম্ প্রাপ্তম্ কৌশিকম্ গাধিনঃ সুতম্ ।
তৎ শ্রুত্বা বচনম্ তস্য রাজ্ঞো বেশ্ম প্রদুদ্রুবুঃ ॥১-১৮-৪০॥
18.41
সংভ্রান্ত মনসঃ সর্বে তেন বাক্যেন চোদিতাঃ ।
তে গত্বা রাজ ভবনম্ বিশ্বামিত্রম্ ঋষিম্ তদা ॥১-১৮-৪১॥
18.42
প্রাপ্তম্ আবেদয়ামাসুঃ নৃপায়ৈঃ ইক্ষ্বাকবে তদা ।
তেষাম্ তৎ বচনম্ শ্রুত্বা সপুরোধাঃ সমাহিতঃ ॥১-১৮-৪২॥
18.43
প্রতি উজ্জগাম সংহৃষ্টো ব্রহ্মাণম্ ইব বাসবঃ ।
তম্ দৃষ্ট্বা জ্বলিতম্ দীপ্ত্যা তপসম্ সংশিত ব্রতম্ ॥১-১৮-৪৩॥
18.44
প্রহৃষ্ট বদনো রাজা ততঃ অর্ঘ্যম্ উপহারয়ৎ ।
স রাজ্ঞঃ প্রতিগৃহ্য অর্ঘ্যম্ শাস্ত্র দৃষ্টেন কর্মণা ॥১-১৮-৪৪॥
18.45
কুশলম্ চ অব্যয়ম্ চ এব পর্য পৃচ্ছৎ নরাধিপম্ ।
পুরে কোশে জনপদে বান্ধবেষু সুহৃত্সু চ ॥১-১৮-৪৫॥
18.46
কুশলম্ কৌশিকো রাজ্ঞঃ পর্যপৃচ্ছৎ সুধার্মিকঃ ।
অপি তে সংনতাঃ সর্বে সামংত রিপবো জিতাঃ ॥১-১৮-৪৬॥
18.47
দৈবম্ চ মানুষম্ চ এব কর্ম তে সাধু অনুষ্টিতম্ ।
বসিষ্ঠম্ চ সমাগম্য কুশলম্ মুনিপুংগবঃ ॥১-১৮-৪৭॥
18.48
ঋষীম্ চ তান্ যথা ন্যায়ম্ মহাভাগ উবাচ হ ।
তে সর্বে হৃষ্ট মনসঃ তস্য রাজ্ঞো নিবেশনম্ ॥১-১৮-৪৮॥
18.49
বিবিশুঃ পূজিতাঃ তেন নিষেদুঃ চ যথা অর্হতঃ ।
অথ হৃষ্ট মনা রাজা বিশ্বামিত্রম্ মহামুনিম্ ॥১-১৮-৪৯॥
18.50
উবাচ পরম উদারো হৃষ্টঃ তম্ অভিপূজয়ন্ ।
যথা অমৃতস্য সংপ্রাপ্তিঃ যথা বর্ষম্ অনূদকে ॥১-১৮-৫০॥
18.51
যথা সদৃশ দারেষু পুত্র জন্ম অপ্রজস্য বৈ ।
প্রণষ্টস্য যথা লাভো যথা হর্ষো মহোদয়ে ॥১-১৮-৫১॥
18.52
তথা এব আগমনম্ মন্যে স্বাগতম্ তে মহামুনে ।
কম্ চ তে পরমম্ কামম্ করোমি কিমু হর্ষিতঃ ॥১-১৮-৫২॥
18.53
পাত্র ভূতোঽসি মে ব্রহ্মন্ দিষ্ট্যা প্রাপ্তোঽসি মানদ ।
অদ্য মে সফলম্ জন্ম জীবিতম্ চ সু জীবিতম্ ॥১-১৮-৫৩॥
18.54
যস্মাদ্ বিপ্রেন্দ্রম্ অদ্রাক্ষম্ সুপ্রভাতা নিশা মম ।
পূর্বম্ রাজর্ষি শব্দেন তপসা দ্যোতিত প্রভঃ ॥১-১৮-৫৪॥
18.55
ব্রহ্মর্ষিত্বম্ অনুপ্রাপ্তঃ পূজ্যোঅসি বহুধা ময়া ।
তৎ অদ্ভুতম্ অভূৎ বিপ্র পবিত্রম্ পরমম্ মম ॥১-১৮-৫৫॥
18.56
শুভ ক্ষেত্র গতঃ চ অহম্ তব সংদর্শনাৎ প্রভো ।
ব্রূহি যৎ প্রার্থিতম্ তুভ্যম্ কার্যম্ আগমনম্ প্রতি ॥১-১৮-৫৬॥
18.57
ইচ্ছাম্ অনুগৃহীতো অহম্ ত্বদর্থম্ পরিবৃদ্ধয়ে ।
কার্যস্য ন বিমর্শম্ চ গংতুম্ অর্হসি সুব্রত ॥১-১৮-৫৭॥
18.58
কর্তা চ অহম্ অশেষেণ দৈবতম্ হি ভবান্ মম ।
মম চ অয়ম্ অনুপ্রাপ্তো মহান্ অভ্যুদয়ো দ্বিজ ।তব আগমন জঃ কৃত্স্নো ধর্মঃ চ অনুত্তমো দ্বিজ ॥১-১৮-৫৮॥
18.59
ইতি হৃদয় সুখম্ নিশম্য বাক্যম্শ্রুতি সুখম্ আত্মবতা বিনীতম্ উক্তম্ ।
প্রথিত গুণ যশা গুণৈঃ বিশিষ্টঃপরম ঋষিঃ পরমম্ জগাম হর্ষম্ ॥১-১৮-৫৯॥