Utshovসর্গ 17
17.1
পুত্রত্বম্ তু গতে বিষ্ণৌ রাজ্ঞঃ তস্য মহাত্মনঃ ।
উবাচ দেবতাঃ সর্বাঃ স্বয়ংভূঃ ভগবান্ ইদম্ ॥১-১৭-১॥
17.2
সত্য সংধস্য বীরস্য সর্বেষাম্ নো হিতৈষিণঃ ।
বিষ্ণোঃ সহায়ান্ বলিনঃ সৃজধ্বম্ কাম রূপিণঃ ॥১-১৭-২॥
17.3
মায়া বিদঃ চ শূরাম্ চ বায়ু বেগ সমান্ জবে ।
নয়জ্ঞান্ বুদ্ধি সংপন্নান্ বিষ্ণু তুল্য পরাক্রমান্ ॥১-১৭-৩॥
17.4
অসংহার্যান্ উপায়জ্ঞান্ দিব্য সংহনন অন্বিতান্ ।
সর্ব অস্ত্র গুণ সংপন্নানন্ অমৃত প্রাশনান্ ইব ॥১-১৭-৪॥
17.5
অপ্সরস্সু চ মুখ্যাসু গন্ধর্বাণাম্ তনূষু চ ।
যক্ষ পন্নগ কন্যাসু ঋক্ষ বিদ্যাধরীষু চ ॥১-১৭-৫॥
17.6
কিংনরীণাম্ চ গাত্রেষু বানরীনাম্ তনূসু চ ।
সৃজধ্বম্ হরি রূপেণ পুত্রান্ তুল্য পরাক্রমান্ ॥১-১৭-৬॥
17.7
পূর্বম্ এব ময়া সৃষ্টো জাংববান্ ঋক্ষ পুঙ্গবঃ ।
জৃংভমাণস্য সহসা মম বক্রাৎ অজায়ত ॥১-১৭-৭॥
17.8
তে তথা উক্তাঃ ভগবতা তৎ প্রতি শ্রুত্য শাসনম্ ।
জনয়ামাসুঃ এবম্ তে পুত্রান্ বানর রূপিণঃ ॥১-১৭-৮॥
17.9
ঋষয়ঃ চ মহাত্মানঃ সিদ্ধ বিদ্যাধর উরগাঃ ।
চারণাঃ চ সুতান্ বীরান্ সসৃজুঃ বন চারিণঃ ॥১-১৭-৯॥
17.10
বানরেন্দ্রম্ মহেন্দ্র আভম্ ইন্দ্রঃ বালিনম্ আত্মজম্ ।
সুগ্রীবম্ জনয়ামাস তপনঃ তপতাম্ বরঃ ॥১-১৭-১০॥
17.11
বৃহস্পতিঃ তু অজনয়ৎ তারম্ নাম মহা কপিম্ ।
সর্ব বানর মুখ্যানাম্ বুদ্ধিমন্তম্ অনুত্তমম্ ॥১-১৭-১১॥
17.12
ধনদস্য সুতঃ শ্রীমান্ বানরো গন্ধমাদনঃ ।
বিশ্বকর্মা তু অজনয়ন্ নলম্ নাম মহা কপিম্ ॥১-১৭-১২॥
17.13
পাবকস্য সুতঃ শ্রীমান্ নীলঃ অগ্নি সদৃশ প্রভঃ ।
তেজসা যশসা বীর্যাৎ অত্যরিচ্যত বীর্যবান্ ॥১-১৭-১৩॥
17.14
রূপ দ্রবিণ সংপন্নৌ অশ্বিনৌ রূপসংমতৌ ।
মৈন্দম্ চ দ্বিবিদম্ চ এব জনয়ামাসতুঃ স্বয়ম্ ॥১-১৭-১৪॥
17.15
বরুণো জনয়ামাস সুষেণম্ নাম বানরম্ ।
শরভম্ জনয়ামাস পর্জন্যঃ তু মহাবলঃ ॥১-১৭-১৫॥
17.16
মারুতস্য ঔরসঃ শ্রীমান্ হনুমান্ নাম বানরঃ ।
বজ্র সংহননোপেতো বৈনতেয় সমঃ জবে ॥১-১৭-১৬॥
17.17
সর্ব বানর মুখ্যেষু বুদ্ধিমান্ বলবান্ অপি ।
তে সৃষ্টা বহু সাহস্রা দশগ্রীব বধে উদ্যতাঃ ॥১-১৭-১৭॥
17.18
অপ্রমেয় বলা বীরা বিক্রান্তাঃ কাম রূপিণঃ ।
তে গজ অচল সংকাশা বপুষ্মংতো মহাবলাঃ ॥১-১৭-১৮॥
17.19
ঋক্ষ বানর গোপুচ্ছাঃ ক্ষিপ্রম্ এব অভিজজ্ঞিরে ।
যস্য দেবস্য যদ্ রূপম্ বেষো যঃ চ পরাক্রমঃ ॥১-১৭-১৯॥
17.20
অজায়ত সমম্ তেন তস্য তস্য পৃথক্ পৃথক্ ।
গোলান্গূলেষু চ উত্পন্নাঃ কিংচিদ্ উন্নত বিক্রমাঃ ॥১-১৭-২০॥
17.21
ঋক্ষীষু চ তথা জাতা বানরাঃ কিংনরীষু চ ।
দেবা মহর্ষি গন্ধর্বাঃ তার্ক্ষ্য যক্ষা যশস্বিনঃ ॥১-১৭-২১॥
17.22
নাগাঃ কিম্পুরুষাঃ চ এব সিদ্ধ বিদ্যাধর উরগাঃ ।
বহবো জনয়ামাসুঃ হৃষ্টাঃ তত্র সহস্রশঃ ॥১-১৭-২২॥
17.23
চারণাঃ চ সুতান্ বীরান্ সসৃজুঃ বন চারিণঃ ।
বানরান্ সু মহাকায়ান্ সর্বান্ বৈ বন চারিণঃ ॥১-১৭-২৩॥
17.24
অপ্সরস্সু চ মুখ্যাসু তদা বিদ্যধরীষু চ ।
নাগ কন্যাসু চ তদা গন্ধর্বীণাম্ তনূষু চ ।কাম রূপ বলোপেতা যথা কাম বিচারিণঃ ॥১-১৭-২৪॥
17.25
সিংহ শার্দূল সদৃশা দর্পেণ চ বলেন চ ।
শিলা প্রহরণাঃ সর্বে সর্বে পর্বত যোধিনঃ ॥১-১৭-২৫॥
17.26
নখ দন্ষ্ট্র আয়ুধাঃ সর্বে সর্বে সর্ব অস্ত্র কোবিদাঃ ।
বিচাল যেয়ুঃ শৈলেন্দ্রান্ ভেদ যেয়ুঃ স্থিরান্ দ্রুমান্ ॥১-১৭-২৬॥
17.27
ক্ষোভ যেয়ুঃ চ বেগেন সমুদ্রম্ সরিতাম্ পতিম্ ।
দার যেয়ুঃ ক্ষিতিম্ পদ্ভ্যাম্ আপ্লবেয়ুঃ মহা অর্ণবন্ ॥১-১৭-২৭॥
17.28
নভস্থলম্ বিশেয়ুর্ চ গৃহ্ণীয়ুর্ অপি তোয়দান্ ।
গৃহ্ণীয়ুর্ অপি মাতংগান্ মত্তান্ প্রব্রজতো বনে ॥১-১৭-২৮॥
17.29
নর্দমানাঃ চ নাদেন পাত যেয়ুঃ বিহংগমান্ ।
ঈদৃশানাম্ প্রসূতানি হরীণাম্ কাম রূপিণাম্ ॥১-১৭-২৯॥
17.30
শতম্ শত সহস্রাণি যূথপানাম্ মহাত্মনাম্ ।
তে প্রধানেষু যূথেষু হরীণাম্ হরিয়ূথপাঃ ॥১-১৭-৩০॥
17.31
বভূবুর্ যূথপ শ্রেষ্ঠান্ বীরাম্ চ অজনয়ন্ হরীন্ ।
অন্যে ঋক্ষবতঃ প্রস্থান্ উপতস্থুঃ সহস্রশঃ ॥১-১৭-৩১॥
17.32
অন্যে নানা বিধান্ শৈলান্ কাননানি চ ভেজিরে ।
সূর্য পুত্রম্ চ সুগ্রীবম্ শক্র পুত্রম্ চ বালিনম্ ॥১-১৭-৩২॥
17.33
ভ্রাতরৌ উপতস্থুঃ তে সর্বে চ হরি যূথপাঅঃ ।
নলম্ নীলম্ হনূমন্তম্ অন্যাংশ্চ হরি যূথপান্ ॥১-১৭-৩৩॥
17.34
তে তার্ক্ষ্য বল সংপন্নাঃ সর্বে যুদ্ধ বিশারদাঃ ।
বিচরন্তোঽর্দয়ন্ সর্বান্ সিংহ ব্যাঘ্র মহোরগান্ ॥১-১৭-৩৪॥
17.35
মহাবলো মহাবাহুঃ বালী বিপুল বিক্রমঃ ।
জুগোপ ভুজ বীর্যেণ ঋক্ষ গোপুচ্ছ বানরান্ ॥১-১৭-৩৫॥
17.36
তৈঃ ইয়ম্ পৃধ্বী শূরৈঃ সপর্বত বন অর্ণবা ।
কীর্ণা বিবিধ সংস্থানৈঃ নানা ব্যংজন লক্ষণৈঃ ॥১-১৭-৩৬॥
17.37
তৈঃ মেঘ বৃন্দাচল কূট সংনিভৈঃমহাবলৈঃ বানর যূথপ অধিপৈঃ ।
বভূব ভূঃ ভীম শরীর রূপৈঃসমাবৃতা রাম সহায় হেতোঃ ॥১-১৭-৩৭॥