Utshovসর্গ 16
16.1
ততো নারায়ণো দেবো বিষুণুঃ নিয়ুক্তঃ সুর সত্তমৈঃ ।
জানন্ অপি সুরান্ এবম্ শ্লক্ষ্ণম্ বচনম্ অব্রবীৎ ॥১-১৬-১॥
16.2
উপায়ঃ কো বধে তস্য রাক্ষ্সাধিপতেঃ সুরাঃ ।
যম্ অহম্ তম্ সমাস্থায় নিহন্যাম্ ঋষি কণ্টকম্ ॥১-১৬-২॥
16.3
এবম্ উক্তাঃ সুরাঃ সর্বে প্রত্যূচুঃ বিষ্ণুম্ অব্যয়ম্ ।
মানুষম্ রূপম্ আস্থায় রাবণম্ জহি সংয়ুগে ॥১-১৬-৩॥
16.4
স হি তেপে তপঃ তীব্রম্ দীর্ঘ কালম্ অরিংদম ।
যেন তুষ্টোঽভবৎ ব্রহ্মা লোক কৃৎ লোক পূর্বজঃ ॥১-১৬-৪॥
16.5
সন্তুষ্টঃ প্রদদৌ তস্মৈ রাক্ষসায় বরম্ প্রভুঃ ।
নানাবিধেভ্যো ভূতেভ্যো ভয়ম্ ন অন্যত্র মানুষাৎ ॥১-১৬-৫॥
16.6
অবজ্ঞাতাঃ পুরা তেন বরদানে হি মানবাঃ ।
এবম্ পিতামহাৎ তস্মাৎ বরদানেন গর্বিতঃ ॥১-১৬-৬॥
16.7
উত্সাদয়তি লোকান্ ত্রীঈন্ স্ত্রিয়ঃ চ অপি অপকর্ষতি ।
তস্মাৎ তস্য বধো দৃষ্টো মানুষেভ্যঃ পরন্তপ ॥১-১৬-৭॥
16.8
ইতি এতৎ বচনম্ শ্রুত্বা সুরাণাম্ বিষ্ণুঃ আত্মবান্ ।
পিতরম্ রোচয়ামাস তদা দশরথম্ নৃপম্ ॥১-১৬-৮॥
16.9
স চ অপি অপুত্রো নৃপতিঃ তস্মিন্ কালে মহাদ্যুতিঃ ।
অয়জৎ পুত্রিয়াম্ ইষ্টিম্ পুত্রেপ্সুঃ অরিসূদনঃ ॥১-১৬-৯॥
16.10
স কৃত্বা নিশ্চয়ম্ বিষ্ণুঃ আমন্ত্র্য চ পিতামহম্ ।
অন্তর্ধানম্ গতো দেবৈঃ পূজ্য মানো মহর্ষিভিঃ ॥১-১৬-১০॥
16.11
ততো বৈ যজমানস্য পাবকাৎ অতুল প্রভম্ ।
প্রাদুর্ভূতম্ মহদ্ভূতম্ মহাবীর্যম্ মহাবলম্ ॥১-১৬-১১॥
16.12
কৃষ্ণম্ রক্তাম্বর ধরম্ রক্তাঅস্যম্ দুন্দুভি স্বনম্ ।
স্নিগ্ধ হর্যক্ষ তনুজ শ্মশ্রু প্রবরম্ ঊর্ধজম্ ॥১-১৬-১২॥
16.13
শুভ লক্ষণ সংপন্নম্ দিব্য আভরণ ভূষিতম্ ।
শৈল শৃঙ্গ সমুত্সেধম্ দৃপ্ত শার্দূল বিক্রমম্ ॥১-১৬-১৩॥
16.14
দিবাকর সমাঅকারম্ দীপ্ত অনল শিখোপমম্ ।
তপ্ত জাম্বূনদময়ীম্ রাজতান্ত পরিচ্ছদাম্ ॥১-১৬-১৪॥
16.15
দিব্য পায়স সংপূর্ণাম্ পাত্রীম্ পত্নীম্ ইব প্রিয়াম্ ।
প্রগৃহ্য বিপুলাম্ দোর্ভ্যাম্ স্বয়ম্ মায়াময়ীম্ ইব ॥১-১৬-১৫॥
16.16
সমবেক্ষ্য অব্রবীৎ বাক্যম্ ইদম্ দশরথম্ নৃপম্ ।
প্রাজাপত্যম্ নরম্ বিদ্ধি মাম্ ইহ অভ্যাগতম্ নৃপ ॥১-১৬-১৬॥
16.17
ততঃ পরম্ তদা রাজা প্রতি উবাচ কৃত অংজলিঃ ।
ভগবন্ স্বাগতম্ তেঽস্তু কিমহম্ করবাণি তে ॥১-১৬-১৭॥
16.18
অথো পুনঃ ইদম্ বাক্যম্ প্রাজাপত্যো নরোঽব্রবীৎ ।
রাজন্ অর্চয়তা দেবান্ অদ্য প্রাপ্তম্ ইদম্ ত্বয়া ॥১-১৬-১৮॥
16.19
ইদম্ তু নৃপ শার্দূল পায়সম্ দেব নির্মিতম্ ।
প্রজা করম্ গৃহাণ ত্বম্ ধন্যম্ আরোগ্য বর্ধনম্ ॥১-১৬-১৯॥
16.20
ভার্যাণাম্ অনুরূপাণাম্ অশ্নীত ইতি প্রয়চ্ছ বৈ ।
তাসু ত্বম্ লপ্স্যসে পুত্রান্ যদর্থম্ যজসে নৃপ ॥১-১৬-২০॥
16.21
তথা ইতি নৃপতিঃ প্রীতঃ শিরসা প্রতি গৃহ্য তাম্ ।
পাত্রীম্ দেব অন্ন সংপূর্ণাম্ দেব দত্তাম্ হিরণ্ময়ীম্ ॥১-১৬-২১॥
16.22
অভিবাদ্য চ তৎ ভূতম্ অদ্ভুতম্ প্রিয় দর্শনম্ ।
মুদা পরময়া যুক্তঃ চকার অভিপ্রদক্ষিণম্ ॥১-১৬-২২॥
16.23
ততো দশরথঃ প্রাপ্য পায়সম্ দেব নির্মিতম্ ।
বভূব পরম প্রীতঃ প্রাপ্য বিত্তম্ ইব অধনঃ ॥১-১৬-২৩॥
16.24
ততঃ তৎ অদ্ভুত প্রখ্যম্ ভূতম্ পরম ভাস্বরম্ ।
সংবর্তয়িত্বা তৎ কর্ম তত্র এব অন্তরধীয়ত ॥১-১৬-২৪॥
16.25
হর্ষ রশ্মিভিঃ উদ্দ্যোতম্ তস্য অন্তঃপুরম্ আবভৌ ।
শারদস্য অভিরামস্য চংদ্রস্য ইব নভঃ অংশুভিঃ ॥১-১৬-২৫॥
16.26
সঃ অন্তঃপুরম্ প্রবিশ্য এব কৌসল্যাম্ ইদম্ অব্রবীৎ ।
পায়সম্ প্রতিগৃহ্ণীষ্ব পুত্রীয়ম্ তু ইদম্ আত্মনঃ ॥১-১৬-২৬॥
16.27
কৌসল্যায়ৈ নরপতিঃ পায়স অর্ধম্ দদৌ তদা ।
অর্ধাৎ অর্ধম্ দদৌ চ অপি সুমিত্রায়ৈ নরাধিপঃ ॥১-১৬-২৭॥
16.28
কৈকেয্যৈ চ অবশিষ্ট অর্ধম্ দদৌ পুত্রার্থ কারণাৎ ।
প্রদদৌ চ অবশিষ্ট অর্ধম্ পায়সস্য অমৃত উপমম্ ॥১-১৬-২৮॥
16.29
অনুচিন্ত্য সুমিত্রায়ৈ পুনঃ এব মহীপতিঃ ।
এবম্ তাসাম্ দদৌ রাজা ভার্যাণাম্ পায়সম্ পৃথক্ ॥১-১৬-২৯॥
16.30
তাঃ চ এবম্ পায়সম্ প্রাপ্য নরেন্দ্রস্য উত্তমাঃ স্ত্রিয়ঃ ।
সম্মানম্ মেনিরে সর্বাঃ প্রহর্ষ উদিত চেতসঃ ॥১-১৬-৩০॥
16.31
ততস্তু তাঃ প্রাশ্য তদ্ উত্তম স্ত্রিয়োমহীপতেঃ উত্তম পায়সম্ পৃথক্ ।
হুতাশন আদিত্য সমান তেজসঃঅচিরেণ গর্ভান্ প্রতিপেদিরে তদা ॥১-১৬-৩১॥
16.32
ততস্তু রাজা প্রতিবীক্ষ্য তাঃ স্ত্রিয়ঃপ্ররূঢ গর্ভাঃ প্রতি লব্ধ মানসঃ ।
বভূব হৃষ্টঃ ত্রিদিবে যথা হরিঃসুরেন্দ্র সিদ্ধ ঋষি গণাভিপূজিতঃ ॥১-১৬-৩২॥