Utshovসর্গ 15
15.1
মেধাবী তু ততো ধ্যাত্বা স কিঙ্চিৎ ইদম্ উত্তরম্ ।
লব্ধ সঙ্জ্ঞঃ ততঃ তম্ তু বেদজ্ঞো নৃপম্ অব্রবীৎ ॥১-১৫-১॥
15.2
ইষ্টিম্ তেঽহম্ করিষ্যামি পুত্রীয়াম্ পুত্র কারণাৎ ।
অথর্ব সিরসি প্রোক্তৈঃ মন্ত্রৈঃ সিদ্ধাম্ বিধানতঃ ॥১-১৫-২॥
15.3
ততঃ প্রাক্রমৎ ইদম্ ইষ্টিম্ তাম্ পুত্রীয়াম্ পুত্র কারণাৎ ।
জুহাব অগ্নৌ চ তেজস্বী মন্ত্র দৃষ্টেন কর্মণা ॥১-১৫-৩॥
15.4
ততো দেবাঃ স গন্ধর্বাঃ সিদ্ধাঃ চ পরম ঋষয়ঃ ।
ভাগ প্রতিগ্রহার্থম্ বৈ সমবেতা যথাবিধি ॥১-১৫-৪॥
15.5
তাঃ সমেত্য যথা ন্যায়ম্ তস্মিন্ সদসি দেবতাঃ ।
অব্রুবন্ লোক কর্তারম্ ব্রহ্মাণম্ বচনম্ ততঃ ॥১-১৫-৫॥
15.6
ভগবন্ ত্বৎ প্রসাদেন রাবণো নাম রাক্ষসঃ ।
সর্বান্ নো বাধতে বীর্যাৎ শাসিতুম্ তম্ ন শক্নুমঃ ॥১-১৫-৬॥
15.7
ত্বয়া তস্মৈ বরো দত্তঃ প্রীতেন ভগবন্ তদা ।
মানয়ন্তঃ চ তম্ নিত্যম্ সর্বম্ তস্য ক্ষমামহে ॥১-১৫-৭॥
15.8
উদ্বেজয়তি লোকান্ ত্রীন্ উচ্ছ্রিতান্ দ্বেষ্টি দুর্মতিঃ ।
শক্রম্ ত্রিদশ রাজানম্ প্রধর্ষয়িতুম্ ইচ্ছতি ॥১-১৫-৮॥
15.9
ঋষীন্ যক্ষান্ স গন্ধর্বান্ অসুরান্ ব্রাহ্মণান্ তথা ।
অতিক্রামতি দুর্ধর্ষো বর দানেন মোহিতঃ ॥১-১৫-৯॥
15.10
নৈনম্ সূর্যঃ প্রতপতি পার্শ্বে বাতি ন মারুতঃ ।
চলোর্মিমালী তম্ দৃষ্ট্বা সমুদ্রোঽপি ন কম্পতে ॥১-১৫-১০॥
15.11
তন্ মহন্নো ভয়ম্ তস্মাৎ রাক্ষসাৎ ঘোর দর্শনাৎ ।
বধার্থম্ তস্য ভগবন্ উপায়ম্ কর্তুম্ অর্হসি ॥১-১৫-১১॥
15.12
এবম্ উক্তঃ সুরৈঃ সর্বৈঃ চিন্তয়িত্বা ততোঽব্রবীৎ ।
হন্তা অয়ম্ বিদিতঃ তস্য বধোপায়ো দুরাত্মনঃ ॥১-১৫-১২॥
15.13
তেন গন্ধর্ব যক্ষাণাম্ দেবতানাম্ চ রক্ষসাম্ ।
অবধ্যোঽস্মি ইতি বাগুক্তা তথেতি উক্তম্ চ তন্ ময়া ॥১-১৫-১৩॥
15.14
ন অকীর্তয়ৎ অবজ্ঞানাৎ তৎ রক্ষো মানুষাম্ তদা ।
তস্মাৎ স মানুষাৎ বধ্যো মৃত্যুঃ ন অন্যোঽস্য বিদ্যতে ॥১-১৫-১৪॥
15.15
এতৎ শ্রুত্বা প্রিয়ম্ বাক্যম্ ব্রহ্মণা সমুদাহৃতম্ ।
দেবা মহর্ষয়ঃ সর্বে প্রহৃষ্টাঃ তে অভবন্ তদা ॥১-১৫-১৫॥
15.16
এতস্মিন্ অনন্তরে বিষ্ণুঃ উপয়াতো মহাদ্যুতিঃ ।
শ্ঙ্খ চক্র গদা পাণিঃ পীত বাসা জগত্পতিঃ ॥১-১৫-১৬॥
15.17
বৈনতেয়ম্ সমারূহ্য ভাস্কর তোয়দম্ যথা ।
তপ্ত হাটক কেয়ূরো বন্দ্যমানঃ সুরোত্তমৈঃ ॥১-১৫-১৭॥
15.18
ব্রহ্মণা চ সমাগম্য তত্র তস্থৌ সমাহিতঃ ।
তম্ অব্রুবন্ সুরাঃ সর্বে সমভিষ্টূয় সংনতাঃ ॥১-১৫-১৮॥
15.19
ত্বাম্ নিয়োক্ষ্যামহে বিষ্ণো লোকানাম্ হিত কাম্যয়া ।
রাজ্ঞো দশরথস্য ত্বম্ অয়োধ্য অধিপতেঃ বিভোঃ ॥১-১৫-১৯॥
15.20
ধর্মজ্ঞস্য বদান্যস্য মহর্ষি সম তেজসঃ ।
অস্য ভার্যাসু তিসৃষু হ্রী শ্রী কীর্তি উপমাসু চ ॥১-১৫-২০॥
15.21
বিষ্ণো পুত্রত্বম্ আগচ্ছ কৃত্বা আত্মানম্ চতুর্বিধম্ ।
তত্র ত্বম্ মানুষো ভূত্বা প্রবৃদ্ধম্ লোক কণ্টকম্ ॥১-১৫-২১॥
15.22
অবধ্যম্ দৈবতৈঃ বিষ্ণো সমরে জহি রাবণম্ ।
স হি দেবান্ স গন্ধর্বান্ সিদ্ধান্ চ ঋষি সত্তমান্ ॥১-১৫-২২॥
15.23
রাক্ষসো রাবণো মূর্খো বীর্য উদ্রেকেণ বাধতে ।
ঋষয়ঃ চ ততঃ তেন গন্ধর্বা অপ্সরসঃ তথা ॥১-১৫-২৩॥
15.24
ক্রীডয়ন্তো নন্দন বনে রৈউদ্রেণ বিনিপাতিতাঃ ।
বধার্থম্ বয়ম্ আয়াতাঃ তস্য বৈ মুনিভিঃ সহ ॥১-১৫-২৪॥
15.25
সিদ্ধ গন্ধর্ব যক্ষাঃ চ ততঃ ত্বাম্ শ্ররণম্ গতাঃ ।
ত্বম্ গতিঃ পরমা দেব সর্বেষাম্ নঃ পরংতপঃ ॥১-১৫-২৫॥
15.26
বধায় দেব শতৄণাম্ নৃণাম্ লোকে মনঃ কুরু ।
এবম্ স্তুতস্তু দেবেশো বিষ্ণুঃ ত্রিদশঃ পুংগবঃ ॥১-১৫-২৬॥
15.27
পিতামহ পুরোগান্ তান্ সর্ব লোক নমস্কৃতঃঅব্রবীৎ ত্রিদশান্ সর্বান্ সমেতান্ ধর্ম সংহিতান্ ॥১-১৫-২৭॥
15.28
ভয়ম্ ত্যজত ভদ্রম্ বো হিতার্থম্ যুধি রাবণম্ ।
স পুত্র পৌত্রম্ স অমাত্যম্ স মিত্র জ্ঞাতি বান্ধবম্ ॥১-১৫-২৮॥
15.29
হত্বা ক্রূরম্ দুরাধর্ষম্ দেব ঋষীণাম্ ভয়াবহম্ ।
দশ বর্ষ সহস্রাণি দশ বর্ষ শতানি চ ॥১-১৫-২৯॥
15.30
বত্স্যামি মানুষে লোকে পালয়ন্ পৃধ্বীম্ ইমাম্ ।
এবম্ দত্বা বরম্ দেবো দেবানাম্ বিষ্ণুঃ আত্মবান্ ॥১-১৫-৩০॥
15.31
মানুষে চিন্তয়ামাস জন্মভূমিম্ অথ আত্মনঃ ।
ততঃ পদ্ম পলাশাক্ষঃ কৃত্বা আত্মানম্ চতুর্বিধম্ ॥১-১৫-৩১॥
15.32
পিতরম্ রোচয়ামাস তদা দশরথম্ নৃপম্ ।
তদা দেব ঋষি গন্ধর্বাঃ স রুদ্রাঃ স অপ্সরো গণাঃ ।স্তুতিভিঃ দিব্য রূপাভিঃ তুষ্টুবুঃ মধুসূদনম্ ॥১-১৫-৩২॥
15.33
তম্ উদ্ধতম্ রাবণম্ উগ্র তেজসম্প্রবৃদ্ধ দর্পম্ ত্রিদশেশ্বর বর দ্বিষম্ ।
বিরাবণম্ সাধু তপস্বি কণ্টকম্তপস্বিনাম্ উদ্ধর তম্ ভয়াঅবহম্ ॥১-১৫-৩৩॥
15.34
তমেব হত্বা স বলম্ স বান্ধবম্বিরাবণম্ রাবণম্ উগ্র পৌরুষম্ ।
স্বর্ লোকম্ আগচ্ছ গত জ্বরঃ চিরম্সুরেন্দ্র গুপ্তম্ গত দোষ কল্মষম্ ॥১-১৫-৩৪॥