Utshovসর্গ 14
14.1
অথ সংবত্সরে পূর্ণে তস্মিন্ প্রাপ্তে তুরংগমে ।
সরয্বাঃ চ উত্তরে তীরে রাজ্ঞো যজ্ঞো অভ্যবর্তত ॥১-১৪-১॥
14.2
ঋষ্যশৃংগম্ পুরস্কৃত্য কর্ম চক্রুঃ দ্বিজর্ষভাঃ ।
অশ্বমেধে মহায়জ্ঞে রাজ্ঞোঽস্য সুমহাত্মনঃ ॥১-১৪-২॥
14.3
কর্ম কুর্বংতি বিধিবৎ যাজকা বেদপারগাঃ ।
যথা বিধি যথা ন্যায়ং পরিক্রামন্তি শাস্ত্রতঃ ॥১-১৪-৩॥
14.4
প্রবর্গ্যম্ শাস্ত্রতঃ কৃত্বা তথা এব উপসদম্ দ্বিজাঃ ।
চক্রুঃ চ বিধিবৎ সর্বম্ অধিকম্ কর্ম শাস্ত্রতঃ ॥১-১৪-৪॥
14.5
অভিপূজ্য তদা হৃষ্টাঃ সর্বে চক্রুঃ যথা বিধি ।
প্রাতঃ সবন পূর্বাণি কর্মাণি মুনিপুংগবাঃ ॥১-১৪-৫॥
14.6
ঐন্দ্রশ্চ বিধিবৎ দত্তো রাজা চ অভিষুতোঽনঘঃ ।
মধ্যংদিনম্ চ সবনম্ প্রাবর্তত যথা ক্রমম্ ॥১-১৪-৬॥
14.7
তৃতীয় সবনম্ চৈব রাজ্ঞোঽস্য সুমহাত্মনঃ ।
চক্রুঃ তে শাশ্ত্রতো দৃষ্ট্বা তথা ব্রাহ্মণ পুংগবাঃ ॥১-১৪-৭॥
14.8
আহ্বান্ চক্রিরে তত্র শক্রাদীন্ বিবুধোত্তমান্ ।
ঋষ্যশৃঙ্গাঅদৌ মন্ত্রৈঃ শিক্ষাক্ষর সমন্বিতৌ ॥১-১৪-৮॥
14.9
গীতিভিঃ মধুরৈঃ স্নিগ্ধৈঃ মন্ত্র আহ্বানৈঃ যথার্হতঃ ।
হোতারো দদুরাবাহ্য হবির্ভাগান্ দিবৌকসাম্ ॥১-১৪-৯॥
14.10
ন চ অহুতং আভূৎ তত্র স্খলিতম্ বা ন কিংচন ।
দৃশ্যতে ব্রহ্মবৎ সর্বম্ ক্ষেময়ুক্তম্ হি চক্রিরে ॥১-১৪-১০॥
14.11
ন তেষু অহস্সু শ্রান্তো বা ক্ষুধিতো বা ন দৃশ্যতে ।
ন অবিদ্বান্ ব্রাহ্মণঃ কশ্চিন্ ন অশত অনুচরঃ তথা ॥১-১৪-১১॥
14.12
ব্রাহ্মণা ভুংজতে নিত্যম্ নাথবন্তঃ চ ভুংজতে ।
তাপসা ভুংজতে চ অপি শ্রমণাঃ চৈব ভুংজতে ॥১-১৪-১২॥
14.13
বৃদ্ধাঃ চ ব্যাধিতাঃ চ এব স্ত্রী বালাঃ তথা এব চ ।
অনিশং ভুংজমানানাং ন তৃপ্তিঃ উপলভ্যতে ॥১-১৪-১৩॥
14.14
দীয়তাম্ দীয়তাম্ অন্নম্ বাসাংসি বিবিধানি চ ।
ইতি সংচোদিতাঃ তত্র তথা চক্রুঃ অনেকশঃ ॥১-১৪-১৪॥
14.15
অন্ন কূটাঃ চ দৃশ্যন্তে বহবঃ পর্বত উপমাঃ ।
দিবসে দিবসে তত্র সিদ্ধস্য বিধিবৎ তদা ॥১-১৪-১৫॥
14.16
নানা দেশাৎ অনুপ্রাপ্তাঃ পুরুষাঃ স্ত্রী গণাঃ তথা ।
অন্ন পানৈঃ সুবিহিতাঃ তস্মিন্ যজ্ঞে মহাত্মনঃ ॥১-১৪-১৬॥
14.17
অন্নম্ হি বিধিবৎ স্বাদু প্রশন্সন্তি দ্বিজর্ষভাঃ ।
অহো তৃপ্তাঃ স্ম ভদ্রম্ তে ইতি শুশ্রাব রাঘবঃ ॥১-১৪-১৭॥
14.18
স্বলংকৃতাঃ চ পুরুষা ব্রাহ্মণান্ পর্যবেষয়ন্ ।
উপাসন্তে চ তান্ অন্যে সুমৃষ্ট মণি কুণ্ডলাঃ ॥১-১৪-১৮॥
14.19
কর্মান্তরে তদা বিপ্রা হেতুবাদান্ বহূনপি ।
প্রাহুঃ সুবাগ্মিনো ধীরাঃ পরস্পর জিগীষয়া ॥১-১৪-১৯॥
14.20
দিবসে দিবসে তত্র সংস্তরে কুশলা দ্বিজাঃ ।
সর্ব কর্মাণি চক্রুঃ তে যথা শাস্ত্রং প্রচোদিতাঃ ॥১-১৪-২০॥
14.21
ন অষডঙ্গ বিৎ অত্র আসীৎ ন অব্রতো ন অবহুশ্রুতঃ ।
সদস্যঃ তস্য বৈ রাজ্ঞো ন অবাদ কুশলা দ্বিজাঃ ॥১-১৪-২১॥
14.22
প্রাপ্তে যূপঃ উচ্ছ্রয়ে তস্মিন্ ষড্ বৈল্বাঃ খাদিরাঃ তথা ।
তাবন্তো বিল্ব সহিতাঃ পর্ণিনঃ চ তথা অপরে ॥১-১৪-২২॥
14.23
শ্লেষ্মাতকময়ঃ দিষ্টো দেবদারুময়ঃ তথা ।
দ্বাবেব তত্র বিহিতৌ বাহু ব্যস্ত পরিগ্রহৌ ॥১-১৪-২৩॥
14.24
কারিতাঃ সর্ব এবৈতে শাস্ত্রজ্ঞৈঃ যজ্ঞকোবিদৈঃ ।
শোভাঅর্থম্ তস্য যজ্ঞস্য কাংচন অলংকৃত অভবন্ ॥১-১৪-২৪॥
14.25
এক বিংশতি যূপাঃ তে এক বিংশৎ অরত্নয়ঃ ।
বাসোভিঃ এক বিংশদ্ভিঃ একৈকম্ সমলংকৃতাঃ ॥১-১৪-২৫॥
14.26
বিন্যস্তা বিধিবৎ সর্বে শিল্পিভিঃ সুকৃতা দৃঢাঃ ।
অষ্ট আস্রয়ঃ সর্ব এব শ্লক্ষ্ণ রূপ সমন্বিতাঃ ॥১-১৪-২৬॥
14.27
আচ্ছাদিতাঃ তে বাসোভিঃ পুষ্পৈঃ গন্ধৈঃ চ পূজিতাঃ ।
সপ্ত ঋষয়ো দীপ্তিমন্তো বিরাজন্তে যথা দিবি ॥১-১৪-২৭॥
14.28
ইষ্টকাঃ চ যথা ন্যায়ম্ কারিতাঃ চ প্রমাণতঃ ।
চিতোঽগ্নিঃ ব্রাহ্মণৈঃ তত্র কুশলৈঃ শিপ্লকর্মণি ॥১-১৪-২৮॥
14.29
সচিত্যো রাজ সিংহস্য সংচিতঃ কুশলৈঃ দ্বিজৈঃ ।
গরুডো রুক্মপক্ষো বৈ ত্রিগুণো অষ্টা দশাত্মকঃ ॥১-১৪-২৯॥
14.30
নিয়ুক্তাঃ তত্র পশবঃ তৎ তৎ উদ্দিশ্য দৈবতম্ ।
উরগাঃ পক্ষিণঃ চ এব যথা শাস্ত্রম্ প্রচোদিতাঃ ॥১-১৪-৩০॥
14.31
শামিত্রে তু হয়ঃ তত্র তথা জলচরাঃ চ যে ।
ঋষিভিঃ সর্বম্ এবৈ তন্ নিয়ুক্তম্ শাস্ত্রতঃ তদা ॥১-১৪-৩১॥
14.32
পশূনাম্ ত্রিশতম্ তত্র যূপেষু নিয়তম্ তদা ।
অশ্ব রত্নঃ উত্তমম্ তস্য রাজ্ঞো দশরথস্য হ ॥১-১৪-৩২॥
14.33
কৌসল্যা তম্ হয়ম্ তত্র পরিচর্য সমংততঃ ।
কৃপাণৈঃ বিশশাসঃ এনম্ ত্রিভিঃ পরময়া মুদা ॥১-১৪-৩৩॥
14.34
পতত্রিণা তদা সার্ধম্ সুস্থিতেন চ চেতসা ।
অবসৎ রজনীম্ একাম্ কৌসল্যা ধর্ম কাম্যয়া ॥১-১৪-৩৪॥
14.35
হোতা অধ্বর্যুঃ তথ উদ্গাতা হস্তেন সময়োজয়ন্ ।
মহিষ্যা পরিবৃত্ত্যা অথ বাবাতাম্ অপরাম্ তথা ॥১-১৪-৩৫॥
14.36
পতত্রিণঃ তস্য বপাম্ উদ্ধৃত্য নিয়তেইন্দ্রিয়ঃ ।
ঋত্বিক্ পরম সংপন্নঃ শ্রপয়ামাস শাস্ত্রতঃ ॥১-১৪-৩৬॥
14.37
ধূম গন্ধম্ বপায়াঃ তু জিঘ্রতি স্ম নরাধিপঃ ।
যথা কালম্ যথা ন্যায়ম্ নির্ণুদন্ পাপম্ আত্মনঃ ॥১-১৪-৩৭॥
14.38
হয়স্য যানি চ অংগানি তানি সর্বাণি ব্রাহ্মণাঃ ।
অগ্নৌ প্রাস্যন্তি বিধিবৎ সমস্তাঃ ষোডশ ঋত্বিজঃ ॥১-১৪-৩৮॥
14.39
প্লক্ষ শাখাসু যজ্ঞানাম্ অন্যেষাম্ ক্রিয়তে হবিঃ ।
অশ্ব মেধস্য যজ্ঞস্য বৈতসো ভাগঃ ইষ্যতে ॥১-১৪-৩৯॥
14.40
ত্র্যহোঽশ্ব মেধঃ সংখ্যাতঃ কল্প সূত্রেণ ব্রাহ্মণৈঃ ।
চতুষ্টোমম্ অহঃ তস্য প্রথমম্ পরিকল্পিতম্ ॥১-১৪-৪০॥
14.41
উক্থ্যম্ দ্বিতীয়ম্ সংখ্যাতম্ অতিরাত্রম্ তথোত্তরম্ ।
কারিতাঃ তত্র বহবো বিহিতাঃ শাস্ত্র দর্শনাৎ ॥১-১৪-৪১॥
14.42
জ্যোতিষ্টোম আয়ুষী চ এবম্ অতিরাত্রৌ বিনির্মিতৌ ।
অভিজিৎ বিশ্বজিৎ চ এবম্ অপ্তোর্যামো মহাক্রতুঃ ॥১-১৪-৪২॥
14.43
প্রাচীম্ হোত্রে দদৌ রাজা দিশম্ স্বকুল বর্ধনঃঅধ্বর্যবে প্রতীচীম্ তু ব্রহ্মণে দক্ষিণাম্ দিশম্ ॥১-১৪-৪৩॥
14.44
উদ্গাত্রে চ তথা উদীচীম্ দক্ষিণৈএষা বিনির্মিতা ।
অশ্বমেধে মহায়জ্ঞে স্বয়ংভু বিহিতে পুরা ॥১-১৪-৪৪॥
14.45
ক্রতুং সমাপ্য তু তদা ন্যায়তঃ পুরুষর্ষভঃ ।
ঋত্বিগ্ভ্যো হি দদৌ রাজা ধরাম্ তাম্ কুলবর্ধনঃ ॥১-১৪-৪৫॥
14.46
এবম্ দত্ত্বা প্রহৃষ্টো অভূৎ শ্রীমান্ ইক্ষ্বাকু নন্দন ।
ঋত্বিজঃ তু অব্রুবন্ সর্বে রাজানম্ গত কিল্বিষম্ ॥১-১৪-৪৬॥
14.47
ভবান্ এব মহীম্ কৃত্স্নাম্ একো রক্ষিতুম্ অর্হতি ।
ন ভূম্যা কার্যম্ অস্মাকম্ ন হি শক্তাঃ স্ম পালনে ॥১-১৪-৪৭॥
14.48
রতাঃ স্বাধ্যায় করণে বয়ম্ নিত্যম্ হি ভূমিপ ।
নিষ্ক্রয়ম্ কিংচিৎ এব ইহ প্রয়চ্ছতু ভবান্ ইতি ॥১-১৪-৪৮॥
14.49
মণি রত্নম্ সুবর্ণম্ বা গাবো যদ্ বা সমুদ্যতম্ ।
তৎ প্রয়চ্ছ নরশ্রেষ্ট ধরণ্যা ন প্রয়োজনম্ ॥১-১৪-৪৯॥
14.50
এবম্ উক্তো নরপতিঃ ব্রাহ্মণৈঃ বেদ পারগৈঃ ।
গবাম্ শত সহস্রাণি দশ তেভ্যো দদৌ নৃপঃ ॥১-১৪-৫০॥
14.51
দশ কোটি সুবর্ণস্য রজতস্য চতুর্ গুণম্ ।
ঋত্বিজঃ চ ততঃ সর্বে প্রদদুঃ সহিতা বসু ॥১-১৪-৫১॥
14.52
ঋষ্যশৃন্গায় মুনয়ে বসিষ্ঠায় চ ধীমতে ।
ততঃ তে ন্যায়তঃ কৃত্বা প্রবিভাগম্ দ্বিজোত্তমাঃ ॥১-১৪-৫২॥
14.53
সুপ্রীত মনসঃ সর্বে প্রত্যূচুঃ মুদিতা ভৃশম্ ।
ততঃ প্রসর্পকেভ্যস্তু হিরণ্যম্ সুসমাহিতঃ ॥১-১৪-৫৩॥
14.54
জাংবূনদম্ কোওটি সংখ্যম্ ব্রাহ্মণেভ্যো দদৌ তদা ।
দরিদ্রায় দ্বিজায় অথ হস্ত আভরণম্ উত্তমম্ ॥১-১৪-৫৪॥
14.55
কস্মৈ চিৎ যাচমানায় দদৌ রাঘব নংদনঃ ।
ততঃ প্রীতেষু বিধিবৎ দ্বিজেষু দ্বিজ বত্সলঃ ॥১-১৪-৫৫॥
14.56
প্রণামম্ অকরোৎ তেষাম্ হর্ষ ব্যাকুলিত ইন্দ্রিয়ঃ ।
তস্য আশিষোঽথ বিবিধা ব্রাহ্মণৈঃ সমুদাহৃতাঃ ॥১-১৪-৫৬॥
14.57
উদারস্য নৃবীরস্য ধরণ্যাম্ পতিতস্য চ ।
ততঃ প্রীত মনা রজাঅ প্রাপ্য যজ্ঞম্ অনুত্তমম্ ॥১-১৪-৫৭॥
14.58
পাপ অপহম্ স্বর্ নয়নম্ দুস্তরম্ পার্থিবর্ষভৈঃ ।
ততোঽব্রবীৎ ঋশ্য্শৃংগম্ রাজা দশরথঃ তদা ॥১-১৪-৫৮॥
14.59
কুলস্য বর্ধনম্ ত্বম্ তু কর্তুম্ অর্হসি সুব্রত ।
তথেতি চ স রাজানম্ উবাচ দ্বিজসত্তমঃ ।ভবিষ্যন্তি সুতা রাজন্ চত্বারঃ তে কুলোদ্বহাঃ ॥১-১৪-৫৯॥
14.60
স তস্য বাক্যম্ মধুরম্ নিশম্যপ্রণম্য তস্মৈ প্রয়তো নৃপেন্দ্র ।
জগাম হর্ষম্ পরমম্ মহাত্মাতম্ ঋষ্যশ্R^ঙ্গম্ পুনরপি উবাচ ॥১-১৪-৬০॥