Utshovসর্গ 13
13.1
পুনঃ প্রাপ্তে বসন্তে তু পূর্ণঃ সংবত্সরোঽভবৎ ।
প্রসবার্থম্ গতো যষ্টুম্ হয়মেধেন বীর্যবান্ ॥১-১৩-১॥
13.2
অভিবাদ্য বসিষ্ঠম্ চ ন্যায়তঃ প্রতিপূজ্য চ ।
অব্রবীৎ প্রশ্রিতম্ বাক্যম্ প্রসবার্থম্ দ্বিজোত্তমম্ ॥১-১৩-২॥
13.3
যজ্ঞো মে ক্রিয়তাম্ ব্রহ্মন্ যথোক্তম্ মুনিপুঙ্গব ।
যথা ন বিঘ্নাঃ ক্রিয়ন্তে যজ্ঞাংগেষু বিধীয়তাম্ ॥১-১৩-৩॥
13.4
ভবান্ স্নিগ্ধঃ সুহৃন্ মহ্যম্ গুরুঃ চ পরমো মহান্ ।
বোঢব্যো ভবতা চ এব ভারো যজ্ঞস্য চ উদ্যতঃ ॥১-১৩-৪॥
13.5
তথা ইতি চ স রাজানম্ অব্রবীৎ দ্বিজসত্তমঃ ।
করিষ্যে সর্বম্ এব এতৎ ভবতা যৎ সমর্থিতম্ ॥১-১৩-৫॥
13.6
ততোঽব্রবীৎ দ্বিজান্ বৃদ্ধান্ যজ্ঞ কর্মসু নিষ্ঠিতান্ ।
স্থাপত্যে নিষ্ঠিতাম্ চ এব বৃদ্ধান্ পরম ধার্মিকান্ ॥১-১৩-৬॥
13.7
কর্ম অন্তিকান্ শিল্পকারান্ বর্ধকীন্ খনকান্ অপি ।
গণকান্ শিল্পিনঃ চ এব তথা এব নট নর্তকান্ ॥১-১৩-৭॥
13.8
তথা শুচীন্ শাস্ত্র বিদঃ পুরুষান্ সু বহু শ্রুতান্ ।
যজ্ঞ কর্ম সমীহন্তাম্ ভবন্তো রাজ শাসনাৎ ॥১-১৩-৮॥
13.9
ইষ্টকা বহু সাহস্রী শীঘ্রম্ আনীয়তাম্ ইতি ।
উপকার্যাঃ ক্রিয়ন্তাম্ চ রাজ্ঞো বহু গুণান্বিতাঃ ॥১-১৩-৯॥
13.10
ব্রাহ্মণ আবসথাঃ চৈব কর্তব্যাঃ শতশঃ শুভাঃ ।
ভক্ষ্য অন্ন পানৈঃ বহুভিঃ সমুপেতাঃ সুনিষ্ঠিতাঃ ॥১-১৩-১০॥
13.11
তথা পৌর জনস্য অপি কর্তব্যাঃ চ সুবিস্তরাঃ ।
আগতানাম্ সুদূরাৎ চ পার্থিবানাম্ পৃথক্ পৃথক্ ॥১-১৩-১১॥
13.12
বাজিবারণ শলাঃ চ তথা শয্যা গৃহাণি চ ।
ভটানাম্ মহদাবাসম্ বৈদেশিক নিবাসিনাম্ ॥১-১৩-১২॥
13.13
আবাসা বহু ভক্ষ্যা বৈ সর্ব কামৈঃ উপস্থিতাঃ ।
তথা পৌরজন্স্য অপি জনস্য বহু শোভনম্ ॥১-১৩-১৩॥
13.14
দাতব্যম্ অন্নম্ বিধিবৎ সত্কৃত্য ন তু লীলয়া ।
সর্বে বর্ণা যথা পূজাম্ প্রাপ্নুবন্তি সুসত্কৃতাঃ ॥১-১৩-১৪॥
13.15
ন চ অবজ্ঞা প্রয়োক্তব্যা কাম ক্রোধ বশাৎ অপি ।
যজ্ঞ কর্মসু যে ব্যগ্রাঃ পুরুষাঃ শিল্পিনঃ তথা ॥১-১৩-১৫॥
13.16
তেষাম্ অপি বিশেষেণ পূজা কার্যা যথা ক্রমম্ ।
যে স্যুঃ সংপূজিতা সর্বে বসুভিঃ ভোজনেন চ ॥১-১৩-১৬॥
13.17
যথা সর্বম্ সুবিহিতম্ ন কিংচিৎ পরিহীয়তে ।
তথা ভবন্তঃ কুর্বন্তু প্রীতি যুক্তেন চেতসা ॥১-১৩-১৭॥
13.18
ততঃ সর্বে সমাগম্য বসিষ্ঠম্ ইদম্ অব্রুবন্ ।
যথেষ্টম্ তৎ সুবিহিতম্ ন কিংচিৎ পরিহীয়তে ॥১-১৩-১৮॥
13.19
যথোক্তম্ তৎ করিষ্যামো ন কিংচিৎ পরিহীয়তে ।
ততঃ সুমংত্রম্ আহূয় বসিষ্ঠো বাক্যম্ অব্রবীৎ ॥১-১৩-১৯॥
13.20
নিমংত্রয়স্ব নৃপতীন্ পৃথিব্যাম্ যে চ ধার্মিকাঃ ।
ব্রাহ্মণান্ ক্ষত্রিয়ান্ বৈশ্যান্ শূদ্রাম্ চ এব সহস্রশঃ ॥১-১৩-২০॥
13.21
সমানয়স্ব সত্কৃত্য সর্ব দেশেষু মানবান্ ।
মিথিলাধিপতিম্ শূরম্ জনকম্ সত্য বাদিনম্ ॥১-১৩-২১॥
13.22
তম্ আনয় মহাভাগম্ স্বয়ম্ এব সুসত্কৃতম্ ।
পূর্ব সংবন্ধিনম্ জ্ঞাত্বা ততঃ পূর্বম্ ব্রবীমি তে ॥১-১৩-২২॥
13.23
তথা কাশী পতিম্ স্নিগ্ধম্ সততম্ প্রিয় বাদিনম্ ।
সদ্ বৃত্তম্ দেবসংকাশম্ স্বয়ম্ এব অনয়স্ব হ ॥১-১৩-২৩॥
13.24
তথা কেকয় রাজানম্ বৃদ্ধম্ পরম ধার্মিকম্ ।
শ্বশুরম্ রাজ সিংহস্য সপুত্রম্ ত্বম্ ইহ আনয় ॥১-১৩-২৪॥
13.25
অঙ্গেশ্বরম্ মহেষ্বাসম্ রোমপাদম্ সু সত্কৃতম্ ।
বয়স্যম্ রাজ সিংহস্য সপুত্রম্ তম্ ইহ আনয় ॥১-১৩-২৫॥
13.26
তথা কোসল রাজানম্ ভানুমংতম্ সুসত্কৃতম্ ।
মগধ অধিপতিম্ শূরম্ সর্ব শাস্ত্র বিশারদম্ ॥১-১৩-২৬॥
13.27
প্রাপ্তিজ্ঞম্ পরমোদারম্ সুসত্কৃতম্ পুরুষর্ষভম্ ।
রাজ্ঞঃ শাসনম্ আদায় চোদয়স্ব নৃপর্ষভান্ ।প্রাচীনান্ সিন্ধু সৌবীরান্ সৌরাষ্ঠ্রেয়াম্ চ পার্থিবান্ ॥১-১৩-২৭॥
13.28
দাক্ষিণাত্যান্ নরেন্দ্রাম্ চ সমস্তান্ আনয়স্ব হ ।
সন্তি স্নিগ্ধাঃ চ যে চ অন্যে রাজানঃ পৃথিবী তলে ॥১-১৩-২৮॥
13.29
তান্ আনয় যথা ক্ষিপ্রম্ স অনুগান্ সহ বান্ধবান্ ।
এতান্ দূতৈঃ মহাভাগৈঃ আনয়স্ব নৃপ আজ্ঞ্যা ॥১-১৩-২৯॥
13.30
বসিষ্ঠ বাক্যম্ তৎ শ্রুত্বা সুমংত্রঃ ত্বরিতঃ তদা ।
ব্যাদিশৎ পুরুষান্ তত্র রাজ্ঞাম্ আনয়নে শুভান্ ॥১-১৩-৩০॥
13.31
স্বয়ম্ এব হি ধর্মাত্মা প্রয়াতো মুনি শাসনাৎ ।
সুমংত্রঃ ত্বরিতো ভূত্বা সমানেতুম্ মহামতিঃ ॥১-১৩-৩১॥
13.32
তে চ কর্মান্তিকাঃ সর্বে বসিষ্ঠায় চ মহর্ষয়ে ।
সর্বম্ নিবেদয়ন্তি স্ম যজ্ঞে যৎ উপকল্পিতম্ ॥১-১৩-৩২॥
13.33
ততঃ প্রীতো দ্বিজ শ্রেষ্ঠঃ তান্ সর্বান্ মুনির্ অব্রবীৎ ।
অবজ্ঞয়া ন দাতব্যম্ কস্য চিৎ লীলয়া অপি বা ॥১-১৩-৩৩॥
13.34
অবজ্ঞয়া কৃতম্ হন্যাৎ দাতারম্ ন অত্র সংশয়ঃ ।
ততঃ কৈশ্চিৎ অহো রাত্রৈঃ উপয়াতা মহীক্ষিতঃ ॥১-১৩-৩৪॥
13.35
বহূনি রত্নানি আদায় রাজ্ঞো দশরথস্য হ ।
ততো বসিষ্ঠঃ সুপ্রীতো রাজানম্ ইদম্ অব্রবীৎ ॥১-১৩-৩৫॥
13.36
উপয়াতা নর ব্যাঘ্র রাজানঃ তব শাসনাৎ ।
ময়া অপি সত্কৃতাঃ সর্বে যথা অর্হম্ রাজ সত্তম ॥১-১৩-৩৬॥
13.37
যজ্ঞীয়ম্ চ কৃতম্ সর্বম্ পুরুষৈঃ সুসমাহিতৈঃ ।
নির্যাতু চ ভবান্ যষ্টুম্ যজ্ঞ আয়তনম্ অন্তিকাৎ ॥১-১৩-৩৭॥
13.38
সর্বকামৈঃ উপহৃতৈঃ উপেতম্ বৈ সমন্ততঃ ।
দ্রষ্টুম্ অর্হসি রাজেন্দ্র মনসেব বিনির্মিতম্ ॥১-১৩-৩৮॥
13.39
তথা বসিষ্ঠ বচনাৎ ঋষ্যশৃন্গস্য চ উভয়োঃ ।
দিবসে শুভ নক্ষত্রে নির্যাতো জগতীপতিঃ ॥১-১৩-৩৯॥
13.40
ততো বসিষ্ঠ প্রমুখাঃ সর্ব এব দ্বিজোত্তমাঃ ।
ঋষ্যশৃন্গম্ পুরস্কৃত্য যজ্ঞ কর্ম আরভন্ তদা ॥১-১৩-৪০॥
13.41
যজ্ঞ বাটম্ গতাঃ সর্বে যথা শাস্ত্রম্ যথা বিধি ।
শ্রীমান্ চ সহ পত্নীভী রাজা দীক্ষাম্ উপাবিশৎ ॥১-১৩-৪১॥