সর্গ 12

12.1

ততঃ কালে বহু তিথে কস্মিন্ চিৎ সুমনোহরে ।
বসন্তে সমনুপ্রাপ্তে রাজ্ঞো যষ্টুম্ মনোঽভবৎ ॥১-১২-১॥

ততঃ প্রণম্য শিরসা তম্ বিপ্রম্ দেব বর্ণিনম্ ।
যজ্ঞায় বরয়ামাস সংতানার্থম্ কুলস্য চ ॥১-১২-২॥

তথেইতি চ স রাজানম্ উবাচ বসুধাধিপম্ ।
সংভারাঃ সংভ্রিয়ন্তাম্ তে তুরগশ্চ বিমুচ্যতাম্ ॥১-১২-৩॥

সরব্যাঃ চ উত্তরে তীরে যজ্ঞ ভূমিঃ বিধীয়তাম্ ।
ততো অব্রবীৎ নৃপঃ বাক্যম্ ব্রাহ্মণান্ বেদ পারগান্ ॥১-১২-৪॥

সুমংত্র আবাহয় ক্ষ্ষিপ্রম্ ঋত্বিজো ব্রহ্ম বাদিনঃ ।
সুয়জ্ঞম্ বামদেবম্ চ জাবালিম্ অথ কাশ্যপম্ ॥১-১২-৫॥

পুরোহিতম্ বসিষ্ঠম্ চ যে চ অন্যে দ্বিজ সত্তমাঃ ।
ততঃ সুমংত্রঃ ত্বরিতম্ গত্বা ত্বরিত বিক্রমঃ ॥১-১২-৬॥

সমানয়ৎ স তান্ সর্বান্ সমস্তান্ বেদ পারগান্ ।
তান্ পূজয়িত্বা ধর্মাত্মা রাজা দশরথঃ তদা ॥১-১২-৭॥

ধর্মার্থ সহিতম্ যুক্তম্ শ্লক্ষ্ণম্ বচনম্ অব্রবীৎ ।
মম তাতপ্য মানস্য পুত্রার্থম্ নাস্তি বৈ সুখম্ ॥১-১২-৮॥

পুত্রার্থম্ হয়মেধেন যক্ষয়ামি ইতি মতির্মম ।
তদহম্ যষ্টুম্ ইচ্ছামি হয়মেধেন কর্মণা ॥১-১২-৯॥

ঋষিপুত্র প্রভাবেণ কামান্ প্রাপ্স্যামি চ অপি অহম্ ।
ততঃ সাধু ইতি তদ্ বাক্যম্ ব্রাহ্মণাঃ প্রত্যপূজয়ন্ ॥১-১২-১০॥

বসিষ্ঠ প্রমুখাঃ সর্বে পার্থিবস্য মুখাৎ চ্যুতম্ ।
ঋষ্যশৃঙ্গ পুরোগাঃ চ প্রতি ঊচুঃ নৃপতিম্ তদা ॥১-১২-১১॥

সংভারাঃ সংভ্রিয়ম্তাম্ তে তুরগঃ চ বিমুচ্যতাম্ ।
সরব্যাঃ চ উত্তরে তীরে যজ্ঞ ভূমিঃ বিধীয়তাম্ ॥১-১২-১২॥

সর্বথা প্রাপ্যসে পুত্রাম্ চতুরো অমিত বিক্রমান্ ।
যস্য তে ধর্মিকী বুদ্ধিঃ ইয়ম্ পুত্রার্থম্ আগতা ॥১-১২-১৩॥

ততঃ প্রীতোঽভবৎ রাজা শ্রুত্বা তু দ্বিজ ভাষিতম্ ।
অমাত্যান্ অব্রবীৎ রাজা হর্ষেণ ইদম্ শুভ অক্ষরম্ ॥১-১২-১৪॥

গুরূণাম্ বচনাৎ শীঘ্রম্ সংভারাঃ সংভ্রিয়ন্তু মে ।
সমর্থ অধিষ্টিতঃ চ অশ্বঃ সঃ উপাধ্যায়ো বিমুচ্যতাম্ ॥১-১২-১৫॥

সরয়ব্যাঃ চ উত্তরে তীরে যজ্ঞ ভূমিঃ বিধীয়তাম্ ।
শাংতয়ঃ চ অভিবর্থন্তাম্ যথা কল্পম্ যথা বিধি ॥১-১২-১৬॥

শক্যঃ কর্তুম্ অয়ম্ যজ্ঞঃ সর্বেণ অপি মহীক্ষিতা ।
ন অপরাথো ভবেৎ কষ্টো যদ্য অস্মিন্ ক্রতু সত্তমে ॥১-১২-১৭॥

ছিদ্রম্ হি মৃগয়ন্ত এতে বিদ্বান্সো ব্রহ্ম রাক্ষসাঃ ।
বিধিহীনস্য যজ্ঞস্য সদ্যঃ কর্তা বিনশ্যতি ॥১-১২-১৮॥

তদ্ যথা বিধি পূর্বম্ ক্রতুঃ এষ সমাপ্যতে ।
তথা বিধানম্ ক্রিয়তাম্ সমর্থাঃ করণেষু ইহ ॥১-১২-১৯॥

তথা ইতি চ ততঃ সর্বে মংত্রিণঃ প্রত্যপূজয়ন্ ।
পার্থিব ইন্দ্রস্য তৎ বাক্যম্ যথা আজ্ঞপ্তম্ অকুর্বত ॥১-১২-২০॥

ততো দ্বিজাঃ তে ধর্মজ্ঞম্ অস্তুবন্ পার্থিবর্ষভম্ ।
অনুজ্ঞাতাঃ ততঃ সর্বে পুনঃ জগ্মুঃ যথা আগতম্ ॥১-১২-২১॥

গতেষু তেষু বিপ্রেষু মংত্রিণঃ তান্ নরাধিপঃ ।
বিসর্জয়িত্বা স্বম্ বেশ্ম প্রবিবেশ মহামতিঃ ॥১-১২-২২॥