Utshovসর্গ 11
11.1
ভূয় এব হি রাজেন্দ্র শৃণু মে বচনম্ হিতম্ ।
যথা স দেবপ্রবরঃ কথয়ামাস বুদ্ধিমান্ ॥১-১১-১॥
11.2
ইক্ষ্বাকূণাম্ কুলে জাতো ভবিষ্যতি সুধার্মিকঃ ।
নাম্না দশরথো রাজা শ্রীমান্ সত্য প্রতিশ্রবঃ ॥১-১১-২॥
11.3
অঙ্গ রাজেন সখ্যম্ চ তস্য রাজ্ঞো ভবিষ্যতি ।
কন্যা চ অস্য মহাভাগা শাংতা নাম ভবিষ্যতি ॥১-১১-৩॥
11.4
পুত্রস্তুঃ অঙ্গস্য রাজ্ঞঃ তু রোমপাদ ইতি শ্রুতঃ ।
তম্ স রাজা দশরথো গমিষ্যতি মহায়শাঃ ॥১-১১-৪॥
11.5
অনপত্যোঽস্মি ধর্মাত্মন্ শাংতা ভর্তা মম ক্রতুম্ ।
আহরেত ত্বয়া আজ্ঞপ্তঃ সংতানার্থম্ কুলস্য চ ॥১-১১-৫॥
11.6
শ্রুত্বা রাজ্ঞোঽথ তৎ বাক্যম্ মনসা স বিচিংত্য চ ।
প্রদাস্যতে পুত্রবন্তম্ শাংতা ভর্তারম্ আত্মবান্ ॥১-১১-৬॥
11.7
প্রতিগৃহ্যম্ চ তম্ বিপ্রম্ স রাজা বিগত জ্বরঃ ।
আহরিষ্যতি তম্ যজ্ঞম্ প্রহৃষ্টেন অংতরাত্মনা ॥১-১১-৭॥
11.8
তম্ চ রাজা দশরথো যশস্ কামঃ কৃতাংলিঃ ।
ঋষ্যশৃঙ্গম্ দ্বিজ শ্রেষ্ঠম্ বরয়িষ্যতি ধর্মবিৎ ॥১-১১-৮॥
11.9
যজ্ঞার্থম্ প্রসবার্থম্ চ স্বর্গার্থম্ চ নরেশ্বরঃ ।
লভতে চ স তম্ কামম্ দ্বিজ মুখ্যাৎ বিশাংপতিঃ ॥১-১১-৯॥
11.10
পুত্রাঃ চ অস্য ভবিষ্যন্তি চত্বারো অমিত বিক্রমাঃ ।
বংশ প্রতিষ্ঠানকরাঃ সর্ব বূতেষু বিশ্রুতাঃ ॥১-১১-১০॥
11.11
এবম্ স দেব প্রবরঃ পূর্বম্ কথিতবান্ কথাম্ ।
সনত্কুমারো ভগবান্ পুরা দেবয়ুগে প্রভুঃ ॥১-১১-১১॥
11.12
স ত্বম্ পুরুষ শার্দূল সমানয় সুসত্কৃতম্ ।
স্বয়ম্ এব মহারাজ গত্বা স বল বাহনঃ ॥১-১১-১২॥
11.13
সুমংত্রস্য বচঃ শ্রুত্বা হৃষ্টো দশরথোঽভবৎ ।
অনুমান্য বসিষ্ঠম্ চ সূতবাক্যম্ নিশাম্য চ ॥১-১১-১৩॥
11.14
স অন্তঃপুরঃ সহ অমাত্যঃ প্রয়য়ৌ যত্র স দ্বিজঃ ।
বনানি সরিতঃ চ এব ব্যতিক্রম্য শনৈঃ শনৈঃ ॥১-১১-১৪॥
11.15
অভিচক্রাম তম্ দেশম্ যত্র বৈ মুনিপুংগবঃ ।
আসাদ্য তম্ দ্বিজ শ্রেষ্ঠম্ রোমপাদ সমীপগম্ ॥১-১১-১৫॥
11.16
ঋষিপুত্রম্ দদর্শ অথো দীপ্যমানম্ ইব অনলম্ ।
ততো রাজা যথা যোগ্যম্ পূজাম্ চক্রে বিশেষতঃ ॥১-১১-১৬॥
11.17
সখিত্বাৎ তস্য বৈ রাজ্ঞঃ প্রহৃষ্টেন অংতরাত্মনা ।
রোমপাদেন চ আখ্যাতম্ ঋষিপুত্রায় ধীমতে ॥১-১১-১৭॥
11.18
সখ্যম্ সংবন্ধকম্ চৈব তদা তম্ প্রত্যপূজয়ৎ ।
এবম্ সুসত্কৃতঃ তেন সহোষিত্বা নরর্ষভঃ ॥১-১১-১৮॥
11.19
সপ্তাষ্ট দিবসান্ রাজা রাজানম্ ইদম্ অব্রবীৎ ।
শাংতা তব সুতা রাজন্ সহ ভর্ত্রা বিশাম্ পতে ॥১-১১-১৯॥
11.20
মদীয়ম্ নগরম্ যাতু কার্যম্ হি মহদুদ্যতম্ ।
তথা ইতি রাজা সংশ্রুত্য গমনম্ তস্য ধীমতঃ ॥১-১১-২০॥
11.21
উবাচ বচনম্ বিপ্রম্ গচ্ছ ত্বম্ সহ ভার্যয়া ।
ঋষিপুত্রঃ প্রতিশ্রুত্য তথা ইতি আহঃ নৃপম্ তদা ॥১-১১-২১॥
11.22
স নৃপেণ অভ্যনুজ্ঞাতঃ প্রয়য়ৌ সহ ভার্যয়া ।
তাব অন্যোন্য অংজলিম্ কৃত্বা স্নেহাৎ সংশ্লিষ্য চ উরসা ॥১-১১-২২॥
11.23
ননংদতুঃ দশরথো রোমপাদঃ চ বীর্যবান্ ।
ততঃ সুহৃদম্ আপৃচ্ছ্য প্রস্থিতো রঘুনন্দনঃ ॥১-১১-২৩॥
11.24
পৌরেষু প্রেষয়ামাস দূতান্ বৈ শীঘ্র গামিনঃ ।
ক্রিয়তাম্ নগরম্ সর্বম্ ক্ষিপ্রম্ এব স্বলংকৃতম্ ॥১-১১-২৪॥
11.25
ধূপিতম্ সিক্ত সম্মৃষ্টম্ পতাকাভিঃ অলংকৃতম্ ।
ততঃ প্রহৃষ্টাঃ পৌরাঃ তে শ্রুত্বা রাজানম্ আগতম্ ॥১-১১-২৫॥
11.26
তথা চক্রুঃ চ তৎ সর্বম্ রাজ্ঞা যৎ প্রেষিতম্ তদা ।
ততঃ স্বলংকৃতম্ রাজা নগরম্ প্রবিবেশ হ ॥১-১১-২৬॥
11.27
শঙ্খ দুন্দুভি নিহ্রার্দৈঃ পুরস্কৃত্বা দ্বিজর্ষভম্ ।
ততঃ প্রমুদিতাঃ সর্বে দৃষ্ট্বা তম্ নাগরা দ্বিজম্ ॥১-১১-২৭॥
11.28
প্রবেশ্যমানম্ সত্কৃত্য নরেন্দ্রেণ ইন্দ্র কর্মণা ।
যথা দিবি সুরেন্দ্রেণ সহস্রাক্ষেণ কাশ্যপম্ ॥১-১১-২৮॥
11.29
অন্তঃপুরম্ প্রবেশ্য এনম্ পূজাম্ কৃত্বা চ শাস্ত্রতঃ ।
কৃতকৃত্যম্ তদা আত্মানম্ মেনে তস্য উপবাহনাৎ ॥১-১১-২৯॥
11.30
অন্তঃপুরাণি সর্বাণি শাংতাম্ দৃষ্ট্বা তথা আগতাম্ ।
সহ ভর্ত্রা বিশালাক্ষীম্ প্রীত্যা আনংদম্ উপাগমন্ ॥১-১১-৩০॥
11.31
পূজ্যমানা তু তাভিঃ সা রাজ্ঞা চ এব বিশেষতঃ ।
উবাস তত্র সুখিতা কন্চিৎ কালম্ সহ দ্বিজা ॥১-১১-৩১॥