Utshovসর্গ 10
10.1
সুমংত্রঃ চোদিতো রাজ্ঞা প্রোবাচ ইদম্ বচঃ তদা ।
যথা ঋষ্যশৃঙ্গঃ তু আনীতো যেন উপায়েন মংত্রিভিঃতন্মে নিগদিতম্ সর্বম্ শৃণু মে মংত্রিভিঃ সহ ॥১-১০-১॥
10.2
রোমপাদম্ উবাচ ইদম্ সহ অমাত্যঃ পুরোহিতঃ ।
উপায়ো নিরপায়ো অয়ম্ অস্মাভিঃ অভিচিন্তিতঃ ॥১-১০-২॥
10.3
ঋষ্যশৃঙ্গো বনচরঃ তপঃ স্বাধ্যায় সংয়ুতঃ ।
অনভিজ্ঞঃ তু নারীণাম্ বিষয়াণাম্ সুখস্য চ ॥১-১০-৩॥
10.4
ইন্দ্রিয়ার্থৈঃ অভিমতৈঃ নরচিত্ত প্রমাথিভি ।
পুরম্ আনায়য়িষ্যামঃ ক্ষিপ্রম্ চ অধ্যবসীয়তাম্ ॥১-১০-৪॥
10.5
গণিকাঃ তত্র গচ্ছন্তু রূপবত্যঃ স্বলংকৃতাঃ ।
প্রলোভ্য বিবিধ উপায়ৈঃ আনেষ্যন্তি ইহ সত্কৃতাঃ ॥১-১০-৫॥
10.6
শ্রুত্বা তথা ইতি রাজা চ প্রত্যুবাচ পুরোহিতম্ ।
পুরোহিতো মংত্রিণঃ চ তথা চক্রুঃ চ তে তথা ॥১-১০-৬॥
10.7
বারমুখ্যাঃ তু তৎ শ্রুত্বা বনম্ প্রবিবিশুঃ মহৎ ।
আশ্রমস্য অবিদূরে অস্মিন্ যত্নম্ কুর্বন্তি দর্শনে ॥১-১০-৭॥
10.8
ঋষেঃ পুত্রস্য ধীরস্য নিত্যম্ আশ্রম বাসিনঃ ।
পিতুঃ স নিত্য সংতুষ্টো ন অতিচক্রাম চ আশ্রমাৎ ॥১-১০-৮॥
10.9
ন তেন জন্ম প্রভৃতি দৃষ্ট পূর্বম্ তপস্বিনা ।
স্ত্রী বা পুমান্ বা যচ্চ অন্যৎ সত্ত্বম্ নগর রাষ্ট্রজম্ ॥১-১০-৯॥
10.10
ততঃ কদাচিৎ তম্ দেশম্ আজগাম যদৃচ্ছয়া ।
বিভাণ্ডক সুতঃ তত্র তাঃ চ অপশ্যৎ বরাংগনাঃ ॥১-১০-১০॥
10.11
তাঃ চিত্র বেষাঃ প্রমদা গায়ংত্যো মধুর স্বরম্ ।
ঋষি পুত্রম্ উপাগম্য সর্বা বচনম্ অব্রুবন্ ॥১-১০-১১॥
10.12
কঃ ত্বম্ কিম্ বর্তসে ব্রহ্মন্ জ্ঞাতুম্ ইচ্ছামহে বয়ম্ ।
একঃ ত্বম্ বিজনে দূরে বনে চরসি শংস নঃ ॥১-১০-১২॥
10.13
অদৃষ্ট রূপাঃ তাঃ তেন কাম্য রূপা বনে স্ত্রিয়ঃ ।
হার্দাৎ তস্য মতিঃ জাতা অখ্যাতুম্ পিতরম্ স্বকম্ ॥১-১০-১৩॥
10.14
পিতা বিভাণ্ডকো অস্মাকম্ তস্য অহম্ সুত ঔরসঃ ।
ঋষ্যশৃঙ্গ ইতি খ্যাতম্ নাম কর্ম চ মে ভুবি ॥১-১০-১৪॥
10.15
ইহ আশ্রম পদোঽস্মাকম্ সমীপে শুভ দর্শনাঃ ।
করিষ্যে বোঽত্র পূজাম্ বৈ সর্বেষাম্ বিধি পূর্বকম্ ॥১-১০-১৫॥
10.16
ঋষি পুত্র বচঃ শ্রুত্বা সর্বাসাম্ মতিরাস বৈ ।
তৎ আশ্রম পদম্ দ্রষ্টুম্ জগ্মুঃ সর্বাঃ ততো অংগনঃ ॥১-১০-১৬॥
10.17
গতানাম্ তু ততঃ পূজাম্ ঋষি পুত্রঃ চকার হ ।
ইদম্ অর্ঘ্যম্ ইদম্ পাদ্যম্ ইদম্ মূলম্ ফলম্ চ নঃ ॥১-১০-১৭॥
10.18
প্রতিগৃহ্য তু তাম্ পূজাম্ সর্বা এব সমুত্সুকাঃ ।
ঋষের্ ভীতাঃ চ শীঘ্রম্ তু গমনায় মতিম্ দধুঃ ॥১-১০-১৮॥
10.19
অস্মাকম্ অপি মুখ্যানি ফলানি ইমানি হে দ্বিজ ।
গৃহাণ বিপ্র ভদ্রম্ তে ভক্ষয়স্ব চ মা অচিরম্ ॥১-১০-১৯॥
10.20
ততঃ তাঃ তম্ সমালিংগ্য সর্বা হর্ষ সমন্বিতাঃ ।
মোদকান্ প্রদদুঃ তস্মৈ ভক্ষ্যাম্ চ বিবিধান্ শুভান্ ॥১-১০-২০॥
10.21
তানি চ আস্বাদ্য তেজস্বী ফলানি ইতি স্ম মন্যতে ।
অনাস্বাদিত পূর্বাণি বনে নিত্য নিবাসিনাম্ ॥১-১০-২১॥
10.22
আপৃচ্ছ্য চ তদা বিপ্রম্ ব্রত চর্যাম্ নিবেদ্য চ ।
গচ্ছন্তি স্ম অপদেশাৎ তা ভীতাঃ তস্য পিতুঃ স্ত্রিয়ঃ ॥১-১০-২২॥
10.23
গতাসু তাসু সর্বাসু কাশ্যপস্য আত্মজো দ্বিজঃ ।
অস্বস্থ হৃদয়ঃ চ আসীৎ দুঃখাৎ চ পরিবর্ততে ॥১-১০-২৩॥
10.24
ততোঽপরে দ্যুঃ তম্ দেশম্ আজগাম স বীর্যবান্ ।
বিভাণ্ডক সুতঃ শ্রীমান্ মনসা বিচিন্তয়ন্ মুহুঃ ॥১-১০-২৪॥
10.25
মনোজ্ঞা যত্র তা দৃষ্টা বারমুখ্যাঃ স্বলংকৃতাঃ ।
দৃষ্ট্বা এব চ ততো বিপ্রম্ আয়ান্তম্ হৃষ্ট মানসাঃ ॥১-১০-২৫॥
10.26
উপসৃত্য ততঃ সর্বাঃ তাঃ তম্ ঊচুর্ ইদম্ বচঃ ।
এহি আশ্রম পদম্ সৌম্য অস্মাকম্ ইতি চ অব্রুবন্ ॥১-১০-২৬॥
10.27
চিত্রাণি অত্র বহূনি স্যুঃ মূলানি চ ফলনি চ ।
তত্র অপি এষ বিশেষেণ বিধিঃ হি ভবিতা ধ্রুবম্ ॥১-১০-২৭॥
10.28
শ্রুত্বা তু বচনম্ তাসাম্ সর্বাসাম্ হৃদয়ম্ গমম্ ।
গমনায় মতিম্ চক্রে তম্ চ নিন্যুঃ তথা স্ত্রিয়ঃ ॥১-১০-২৮॥
10.29
তত্র চ আনীয়মানে তু বিপ্রে তস্মিন্ মহাত্মনি ।
ববর্ষ সহসা দেবো জগৎ প্রহ্লাদয়ন্ তদা ॥১-১০-২৯॥
10.30
বর্ষেণ এব আগতম্ বিপ্রম্ তাপসম্ স নরাধিপঃ ।
প্রতি উদ্গম্য মুনিম্ প্রহ্বঃ শিরসা চ মহীম্ গতঃ ॥১-১০-৩০॥
10.31
অর্ঘ্যম্ চ প্রদদৌ তস্মৈ ন্যায়তঃ সুসমাহিতঃ ।
বব্রে প্রসাদম্ বিপ্রেইন্দ্রাৎ মা বিপ্রম্ মন্যুঃ আবিশেৎ ॥১-১০-৩১॥
10.32
অন্তঃপুরম্ প্রবেশ্য অস্মৈ কন্যাম্ দত্ত্বা যথাবিধি ।
শাংতাম্ শান্তেন মনসা রাজা হর্ষম্ অবাপ সঃ ॥১-১০-৩২॥
10.33
এবম্ স ন্যবসৎ তত্র সর্ব কামৈঃ সুপূজিতঃ ।
ঋষ্যশ্R^ঙ্গো মহাতেজা শন্তায়া সহ ভার্যয়া ॥১-১০-৩৩॥