সর্গ 9

9.1

এতৎ শ্রুত্বা রহঃ সূতো রাজানম্ ইদম্ অব্রবীৎ ।
শ্রূয়তাম্ তৎ পুরা বৃত্তম্ পুরাণে চ ময়া শ্রুতম্ ॥১-৯-১॥

ঋত্বিগ্ভিঃ উপদিষ্টোঽয়ম্ পুরা বৃত্তো ময়া শ্রুতঃ ।
সনত্কুমারো ভগবান্ পূর্বম্ কথিতবান্ কথাম্ ॥১-৯-২॥

ঋষীণাম্ সন্নিধৌ রাজন্ তব পুত্রাঅগমম্ প্রতি ।
কাশ্যপস্য চ পুত্রোঽস্তি বিভাণ্ডক ইতি শ্রুতঃ ॥১-৯-৩॥

ঋষ্যশৃঙ্গ ইতি খ্যাতঃ তস্য পুত্রো ভবিষ্যতি ।
স বনে নিত্য সংবৃদ্ধো মুনির্ বনচরঃ সদা ॥১-৯-৪॥

ন অন্যম্ জানাতি বিপ্রেন্দ্রো নিত্যম্ পিত্র অনুবর্তনাৎ ।
দ্বৈবিধ্যম্ ব্রহ্মচর্যস্য ভবিষ্যতি মহাত্মনঃ ॥১-৯-৫॥

লোকেষু প্রথিতম্ রাজন্ বিপ্রৈঃ চ কথিতম্ সদা ।
তস্য এবম্ বর্তমানস্য কালঃ সমভিবর্তত ॥১-৯-৬॥

অগ্নিম্ শুশ্রূষমাণস্য পিতরম্ চ যশস্বিনম্ ।
এতস্মিন্ এব কালে তু রোমপাদঃ প্রতাপবান্ ॥১-৯-৭॥

আঙ্গেষু প্রথিতো রাজা ভবিষ্যতি মহাবলঃ ।
তস্য ব্যতিক্রমাৎ রাজ্ঞো ভবিষ্যতি সুদারুণা ॥১-৯-৮॥

অনাবৃষ্টিঃ সুঘোরা বৈ সর্বলোক ভয়াঅবহা ।
অনাবৃষ্ট্যাম্ তু বৃত্তায়াম্ রাজা দুঃখ সমন্বিতঃ ॥১-৯-৯॥

ব্রাহ্মণান্ শ্রুত সংবৃদ্ধান্ চ সমানীয় প্রবক্ষ্যতি ।
ভবন্তঃ শ্রুত কর্মাণো লোক চারিত্র বেদিনঃ ॥১-৯-১০॥

সমাদিশন্তু নিয়মম্ প্রায়শ্চিত্তম্ যথা ভবেৎ ।
ইতি উক্তাঃ তে ততো রাজ্ঞা সর্বে ব্রাহ্মণ সত্তমাঃ ॥১-৯-১১॥

বক্ষ্যন্তি তে মহীপালম্ ব্রাহ্মণা বেদ পারগাঃ ।
বিভাণ্ডক সুতম্ রাজন্ সর্ব উপায়ৈঃ ইহ আনয় ॥১-৯-১২॥

আনায্য তু মহীপাল ঋশ্যশৃঙ্গম্ সুসত্কৃতম্ ।
বিভাণ্ডক সুতম্ রাজন্ ব্রাহ্মণম্ বেদ পারগম্ ।প্রয়চ্ছ কন্যাম্ শান্তাম্ বৈ বিধিনা সুসমাহিতঃ ॥১-৯-১৩॥

তেষাম্ তু বচনম্ শ্রুত্বা রাজা চিন্তাম্ প্রপত্স্যতে ।
কেন উপায়েন বৈ শক্যম্ ইহ আনেতুম্ স বীর্যবান্ ॥১-৯-১৪॥

ততো রাজা বিনিশ্চিত্য সহ মংত্রিভিঃ আত্মবান্ ।
পুরোহিতম্ অমাত্যাম্ চ প্রেষয়িষ্যতি সত্কৃতান্ ॥১-৯-১৫॥

তে তু রাজ্ঞো বচঃ শ্রুত্বা ব্যথিতা বিনত আননাঃ ।
ন গচ্ছেম ঋষেঃ ভীতা অনুনেষ্যন্তি তম্ নৃপম্ ॥১-৯-১৬॥

বক্ষ্ষ্যন্তি চিংতয়িত্বা তে তস্য উপায়াম্ চ তান্ ক্ষমান্ ।
আনেষ্যামো বয়ম্ বিপ্রম্ ন চ দোষো ভবিষ্যতি ॥১-৯-১৭॥

এবম্ অঙ্গাধিপেন এব গণিকাভিঃ ঋষেঃ সুতঃ ।
আনীতোঽবর্ষয়ৎ দেব শান্তা চ অস্মৈ প্রদীয়তে ॥১-৯-১৮॥

ঋষ্যশৃঙ্গঃ তু জামাতা পুত্রান্ তব বিধাস্যতি ।
সনত্কুমার কথিতম্ এতাবৎ ব্যাহৃতম্ ময়া ॥১-৯-১৯॥

অথ হৃষ্টো দশরথঃ সুমংত্রম্ প্রত্যভাষত ।
যথা ঋষ্যশৃঙ্গঃ তু আনীতো যেন উপায়েন স উচ্চতাম্ ॥১-৯-২০॥