Utshovসর্গ 8
8.1
তস্য চ এবম্ প্রভাবস্য ধর্মজ্ঞস্য মহাত্মনঃ ।
সুতার্থম্ তপ্য মানস্য ন অসীৎ বংশকরঃ সুতঃ ॥১-৮-১॥
8.2
চিন্তয়ানস্য তস্য এবম্ বুদ্ধিঃ আসীন্ মহাত্মনঃ ।
সুতার্থম্ বাজিমেধেন কিম্ অর্থম্ ন যজামি অহম্ ॥১-৮-২॥
8.3
স নিশ্চিতাম্ মতিম্ কৃত্বা যষ্টব্যম্ ইতি বুদ্ধিমান্ ।
মংত্রিভিঃ সহ ধর্মাত্মা সর্বৈঃ অপি কৃত আত্মভিঃ ॥১-৮-৩॥
8.4
ততোঽব্রবীৎ মহাতেজাঃ সুমংত্রম্ মংত্রি সত্তমম্ ।
শীঘ্রম্ আনয় মে সর্বান্ গুরূন্ তান্ স পুরোহিতান্ ॥১-৮-৪॥
8.5
ততঃ সুমংত্রঃ ত্বরিতম্ গত্বা ত্বরিত বিক্রমঃ ।
সম্ আনয়ৎ স তান্ সর্বান্ সমস্তান্ বেদ পারগান্ ॥১-৮-৫॥
8.6
সুয়জ্ঞম্ বামদেবম্ চ জাবালিম্ অথ কাশ্যপম্ ।
পুরোহিতম্ বশিষ্ঠম্ চ যে চ অপি অন্যে দ্বিজোত্তমাঃ ॥১-৮-৬॥
8.7
তান্ পূজয়িত্বা ধর্মাত্মা রাজা দশরথঃ তদা ।
ইদম্ ধর্ম অর্থ সহিতম্ শ্লক্ষ্ণম্ বচনম্ অব্রবীৎ ॥১-৮-৭॥
8.8
মম লালস্য মানস্য সুতার্থম্ নাস্তি বৈ সুখম্ ।
তদর্থম্ হয়মেধেন যক্ষ্হ্যামি ইতি মতির্ মম ॥১-৮-৮॥
8.9
তৎ অহম্ যষ্টুম্ ইচ্ছমি শাস্ত্র দৃষ্টেন কর্মণা ।
কথম্ প্রাপ্স্যামি অহম্ কামম্ বুদ্ধিঃ অত্র বিচিন্ত্যতাম্ ॥১-৮-৯॥
8.10
ততঃ সাধু ইতি তদ্বাক্যম্ ব্রাহ্মণাঃ প্রত্যপূজয়ন্ ।
বশিষ্ঠ প্রমুখাঃ সর্বে পার্থিবস্য মুখেরিতম্ ॥১-৮-১০॥
8.11
ঊচুঃ চ পরম প্রীতাঃ সর্বে দশরথম্ বচঃ ।
সংভারাঃ সংভ্রিয়ংতাম্ তে তুরগঃ চ বিমুচ্যতাম্ ॥১-৮-১১॥
8.12
সরয্বাঃ চ উত্তরে তীরে যজ্ঞ ভূমির্ বিধীয়তাম্ ।
সর্বথা প্রাপ্স্যসে পুত্রান্ অভিপ্রেতান্ চ পার্থিব ॥১-৮-১২॥
8.13
যস্য তে ধর্মিকী বুদ্ধিঃ ইয়ম্ পুত্রার্থম্ আগতা ।
ততঃ তুষ্টোঽভবৎ রাজা শ্রুত্বা তদ্ দ্বিজ ভাষিতম্ ॥১-৮-১৩॥
8.14
অমাত্যান্ অব্রবীৎ রাজা হর্ষ পর্যাকুল লোচন ।
সংভারাঃ সংভ্রিয়ংতাম্ মে গুরূণাম্ বচনাৎ ইহ ॥১-৮-১৪॥
8.15
সমর্থ অধিষ্ঠিতঃ চ অশ্বঃ সঃ উপাধ্যায়ো বিমুচ্যতাম্ ।
সরয্বাঃ চ উত্তরে তীরে যজ্ঞ ভূমির্ বিধীয়তাম্ ॥১-৮-১৫॥
8.16
শান্তয়ঃ চ অপি বর্ধন্তাম্ যথা কল্পম্ যথা বিধি ।
শক্যঃ প্রাপ্তুম্ অয়ম্ যজ্ঞঃ সর্বেণ অপি মহীক্ষিতা ॥১-৮-১৬॥
8.17
ন অপরাথো ভবেৎ কষ্টো যদি অস্মিন্ ক্রতু সত্তমে ।
চ্ছিদ্রম্ হি মৃগয়ন্তে স্ম বিদ্বাংসো ব্রহ্ম রাক্ষসাঃ ॥১-৮-১৭॥
8.18
বিধি হীনস্য যজ্ঞস্য সদ্যঃ কর্তা বিনশ্যতি ।
তদ্যথা বিধি পূর্বম্ মে ক্রতুরেষ সমাপ্যতে ॥১-৮-১৮॥
8.19
তথা বিধানম্ ক্রিয়তাম্ সমর্থাঃ সাধনেষু ইতি ।
তথা ইতি চ অব্রুবন্ সর্বে মংত্রিণঃ প্রতিপূজিতা ॥১-৮-১৯॥
8.20
পার্থিবেন্দ্রস্য তদ্ বাক্যম্ যথা পূর্বম্ নিশম্য তে ।
তথা দ্বিজাঃ তে ধর্মজ্ঞা বর্থয়তো নৃপোত্তমম্ ॥১-৮-২০॥
8.21
অনুজ্ঞাতাঃ ততঃ সর্বে পুনর্ জগ্মুর্ যথা আগতম্ ।
বিসর্জয়িত্বা তান্ বিপ্রান্ সচিবান্ ইদম্ অব্রবীৎ ॥১-৮-২১॥
8.22
ঋত্বিগ্ভিঃ উপসংদিষ্টো যথাবৎ ক্রতুর্ আপ্যতাম্ ।
ইতি উক্ত্বা নৃপ শার্দূলঃ সচিবান্ সমুপস্থিতান্ ॥১-৮-২২॥
8.23
বিসর্জয়িত্বা স্বম্ বেশ্ম প্রবিবেশ মহামতিঃ ।
ততঃ স গত্বা তাঃ পত্নীর্ নরেন্দ্রো হৃদয়ংগমাঃ ॥১-৮-২৩॥
8.24
উবাচ দীক্ষাম্ বিশত যক্ষেঽহম্ সুত কারণাৎ ।
তাসাম্ তেন অতি কান্তেন বচনেন সুবর্চসাম্ ।মুখ পদ্মান্ অশোভন্ত পদ্মানীব হিমাত্যয়ে ॥১-৮-২৪॥