Utshovসর্গ 7
7.1
তস্য অমাত্যা গুণৈর্ আসন্ ইক্ষ্হ্বকোস্তু মহাত্মনঃ ।
মংত্রজ্ঞাঃ চ ইঙ্গিতজ্ঞাঃ চ নিত্যম্ প্রিয় হিতে রতাঃ ॥১-৭-১॥
7.2
অষ্টৌ বভূবুঃ বীরস্য তস্য অমাত্যা যশস্বিনঃ ।
শুচয়ঃ চ অনুরক্তাঃ চ রাজকৃত্যেষু নিত্যশঃ ॥১-৭-২॥
7.3
ধৃষ্টির্ জয়ন্তো বিজয়ো সুরাষ্ট্রো রাষ্ট্র বর্ধনঃ ।
অকোপো ধর্মপালঃ চ সুমংত্রঃ চ অষ্টমো অর্থবিৎ ॥১-৭-৩॥
7.4
ঋত্বিজৌ দ্বৌ অভিমতৌ তস্যাঃ তাম্ ঋষি সত্তমৌ ।
বশিষ্ঠো বামদেবঃ চ মংত্রিণঃ চ তথা অপরে ॥১-৭-৪॥
7.5
সুয়জ্ঞো অপি অথ জাবালিঃ কাশয্পো অপি অথ গৌতমঃ ।
মার্কণ্ডেয়ঃ তু দীর্ঘায়ুঃ তথা কাত্যায়নো দ্বিজঃ ॥১-৭-৫॥
7.6
এতৈঃ ব্রহ্মর্ষিভির্ নিত্যম্ ঋত্বিজঃ তস্য পৌর্বকাঃ ।
বিদ্যা বিনীতা হ্রীমংতঃ কুশলা নিয়তেন্দ্রিয়াঃ ॥১-৭-৬॥
7.7
শ্রীমন্তঃ চ মহাত্মনঃ শাস্ত্রজ্ঞা ধৃঢ বিক্রমাঃ ।
কীর্তিমন্তঃ প্রণিহিতা যথা বচন কারিণঃ ॥১-৭-৭॥
7.8
তেজঃ ক্ষমা যশঃ প্রাপ্তাঃ স্মিত পূর্ব অভিভাষিণঃ ।
ক্রোধাৎ কাম অর্থ হেতোর্ বা ন ব্রূয়ুর্ অনৃতম্ বচঃ ॥১-৭-৮॥
7.9
তেষাম্ অবিদিতম্ কিংচৎ শ্বেষু নাস্তি পরেষু বা ।
ক্রিয়মাণম্ কৃতম্ বা অপি চারেণ অপি চিকীর্ষিতম্ ॥১-৭-৯॥
7.10
কুশলা ব্য্বহারেষু সৌহৃদেষু পরীক্ষিতাঃ ।
প্রাপ্ত কালম্ যথা দণ্ডম্ ধারয়েয়ুঃ সুতেষু অপি ॥১-৭-১০॥
7.11
কোশ সংগ্রহণে যুক্তা বলস্য চ পরিগ্রহে ।
অহিতম্ চ অপি পুরুষম্ ন হিংস্যুর্ অবিদূষকম্ ॥১-৭-১১॥
7.12
বীরাঃ চ নিয়তোত্সাহা রাজ শাস্ত্রম্ অনুষ্ঠিতাঃ ।
শুচীনাম্ রক্ষিতারঃ চ নিত্যম্ বিষয় বাসিনাম্ ॥১-৭-১২॥
7.13
ব্রহ্ম ক্ষত্রম্ অহিংসন্তঃ তে কোশম্ সমপূরয়ন্ ।
সুতীক্ষ্ণ দণ্ডাঃ সংপ্রেক্ষ্য পুরুষস্য বলাবলম্ ॥১-৭-১৩॥
7.14
শুচীনাম্ এক বুদ্ধীনাম্ সর্বেষাম্ সংপ্রজানতাম্ ।
ন আসীৎ পুরে বা রাষ্ট্রে বা মৃষা বাদী নরঃ ক্বচিৎ ॥১-৭-১৪॥
7.15
কশ্চিন্ ন দুষ্টঃ তত্র আসীৎ পর দার রতির্ নরঃ ।
প্রশাংতম্ সর্বম্ এব অসীৎ রাষ্ট্রম্ পুরবরম্ চ তৎ ॥১-৭-১৫॥
7.16
সু বাসস সু বেষাঃ চ তে চ সর্বে শুচিব্রতাঃ ।
হিতার্থঃ চ নরেন্দ্রস্য জাগ্রতো নয় চক্ষুষা ॥১-৭-১৬॥
7.17
গুরোর্ গুণ গৃহীতাঃ চ প্রখ্যাতাঃ চ পরাক্রমে ।
বিদেশেষু অপি বিজ্ঞাতা সর্বতো বুদ্ধি নিশ্চয়াঃ ॥১-৭-১৭॥
7.18
অভিতো গুণবন্তঃ চ ন চ আসন্ গুণ বর্জিতাঃ ।
সন্ধি বিগ্রহ তত্বজ্ঞাঃ প্রকৃত্যা সংপদান্বিতাঃ ॥১-৭-১৮॥
7.19
মংত্র সংবরণে শক্তাঃ শক্তাঃ সূক্ষ্মাসু বুদ্ধিষু ।
নীতি শাস্ত্র বিশেষজ্ঞাঃ সততম্ প্রিয় বাদিনঃ ॥১-৭-১৯॥
7.20
ঈদৃশৈঃ তৈঃ অমাত্যৈঃ চ রাজা দশরথোঽনঘঃ ।
উপপন্নো গুণোপেতৈঃ অন্বশাসদ্ বসুংধরাম্ ॥১-৭-২০॥
7.21
অবেক্ষমাণঃ চারেণ প্রজা ধর্মেণ রক্ষয়ন্ ।
প্রজানাম্ পালনম্ কুর্বন্ অধর্মম্ পরিবর্জয়ন্ ॥১-৭-২১॥
7.22
বিশ্রুতঃ ত্রিষু লোকেষু বদান্যঃ সত্য সংগরঃ ।
স তত্র পুরুষব্যাঘ্রঃ শশাস পৃথ্বীম্ ইমাম্ ॥১-৭-২২॥
7.23
ন অধ্যগচ্ছৎ বিশিষ্টম্ বা তুল্যম্ বা শত্রুম্ আত্মনঃ ।
মিত্রবান্ নত সামন্তঃ প্রতাপ হত কণ্টকঃ ।স শশাস জগৎ রাজা দিবি দেব পতির্ যথা ॥১-৭-২৩॥
7.24
তৈঃ মংত্রিভিঃ মংত্র হিতেঃ নিবিষ্টৈঃবৃতোঽনুরক্তৈঃ কুশলৈঃ সমর্থৈঃ ।
স পার্থিবো দীপ্তিম্ অবাপ যুক্তঃতেজোময়ৈঃ গোভিঃ ইব উদিতঃ অর্কঃ ॥১-৭-২৪॥