Utshovসর্গ 6
6.1
তস্যাম্ পুর্যাম্ অয়োধ্যায়াম্ বেদবিৎ সর্ব সংগ্রহঃ ।
দীর্ঘদর্শী মহাতেজাঃ পৌর জানপদ প্রিয়ঃ ॥১-৬-১॥
6.2
ইক্ষ্বাকূণম্ অতিরথো যজ্বা ধর্মপরো বশী ।
মহর্ষিকল্পো রাজর্ষিঃ ত্রিষু লোকেষু বিশ্রুতঃ ॥১-৬-২॥
6.3
বলবান্ নিহত অমিত্রো মিত্রবান্ বিজিত ইন্দ্রিয়ঃ ।
ধনৈঃ চ সংচয়ৈঃ চ অন্যৈঃ শক্র বৈশ্রবণ উপমঃ ॥১-৬-৩॥
6.4
যথা মনুর্ মহাতেজা লোকস্য পরিরক্ষিতা ।
তথা দশরথো রাজা লোকস্য পরিরক্ষিতা ॥১-৬-৪॥
6.5
তেন সত্যাভিসংধেন ত্রিবর্গম্ অনুষ্টিতা ।
পালিতা সা পুরী শ্রেষ্টা ইন্দ্রেণ ইব অমরাবতী ॥১-৬-৫॥
6.6
তস্মিন্ পুরবরে হৃষ্টা ধর্মাত্মনো বহুশ্রুতাঃ ।
নরাঃ তুষ্ঠাঃ ধনৈঃ স্বৈঃ স্বৈঃ অলুব্ধাঃ সত্যবাদিনঃ ॥১-৬-৬॥
6.7
ন অল্প সংনিচয়ঃ কশ্চিদ্ আসীৎ তস্মিন্ পুরোত্তমে ।
কুটুংবী যো হি অসিদ্ধর্থঃ অগবা অশ্ব ধন ধান্যবান্ ॥১-৬-৭॥
6.8
কামী বা ন কদর্যো বা নৃশংসঃ পুরুষঃ ক্বচিৎ ।
দ্রষ্টুম্ শক্যম্ অয়োধ্যায়াম্ ন অবিদ্বান্ ন চ নাস্তিকঃ ॥১-৬-৮॥
6.9
সর্বে নরাঃ চ নার্যঃ চ ধর্মশীলাঃ সু সংয়তাঃ ।
মুদিতাঃ শীল বৃত্তাভ্যাম্ মহর্ষয় ইব অমলাঃ ॥১-৬-৯॥
6.10
ন অকুণ্ডলী ন অমুকুটী ন অস্রগ্বী ন অল্পভোগবান্ ।
ন অমৃষ্টো ন অলিপ্তাঙ্গো ন অসুগন্ধঃ চ বিদ্যতে ॥১-৬-১০॥
6.11
ন অমৃষ্ট ভোজী ন অদাতা ন অপি অনঙ্দনিষ্কধৃক্ ।
ন অহস্তাভরণো বা অপি দৃশ্যতে ন অপি অনাত্মবান্ ॥১-৬-১১॥
6.12
ন অনাহিত অগ্নীঃ ন অয়জ্বা ন ক্ষুদ্রো বা ন তস্করঃ ।
কশ্চিৎ অসীৎ অয়োধ্যায়াম্ ন চ আবৃত্তো ন সংকরঃ ॥১-৬-১২॥
6.13
স্ব কর্ম নিরতা নিত্যম্ ব্রাহ্মণা বিজিতেন্দ্রিয়াঃ ।
দান অধ্যন শীলাঃ চ সংয়তাঃ চ প্রতিগ্রহে ॥১-৬-১৩॥
6.14
নাস্তিকো ন অনৃতী বা অপি ন কশ্চিৎ অবহুশ্রুতঃ ।
ন অসূয়কো ন চ অশক্তো ন অবিদ্বান্ বিদ্যতে ক্বচিৎ ॥১-৬-১৪॥
6.15
ন অষডংগ বিৎ ন অস্তি ন অব্রতো ন অসহস্রদঃ ।
ন দীনঃ ক্ষিপ্ত চিত্তও বা ব্যথিতো বা অপি কশ্চন ॥১-৬-১৫॥
6.16
কশ্চিন্ নরো বা নারী বা ন অশ্রীমান্ ন অপি অরূপবান্ ।
দ্রষ্টুম্ শক্যম্ অয়োধ্যায়াম্ ন অপি রাজন্য অভক্তিমান্ ॥১-৬-১৬॥
6.17
বর্ণেষু অগ্র্য চতুর্থেষু দেবতা অতিথি পূজকাঃ ।
কৃতজ্ঞাঃ চ বদান্যঃ চ শূরা বিক্রম সংয়ুতাঃ ॥১-৬-১৭॥
6.18
দীর্ঘ আয়ুষো নরাঃ সর্বে ধর্মম্ সত্যম্ চ সংশ্রিতাঃ ।
সহিতাঃ পুত্র পৌত্রৈঃ চ নিত্যম্ স্ত্রীভিঃ পুরোত্তমে ॥১-৬-১৮॥
6.19
ক্ষত্রম্ ব্রহ্মমুখম্ চ আসীৎ বৈশ্যাঃ ক্ষত্রম্ অনুব্রতাঃ ।
শূদ্রাঃ স্ব ধর্ম নিরতাঃ ত্রীন্ বর্ণান্ উপচারিণঃ ॥১-৬-১৯॥
6.20
সা তেন ইক্ষ্বাকু নাথেন পুরী সু পরিরক্ষিতা ।
যথা পুরস্তাৎ মনুনা মানবেন্দ্রেণ ধীমতা ॥১-৬-২০॥
6.21
যোধানাম্ অগ্নি কল্পানাম্ পেশলানাম্ অমর্ষিণাম্ ।
সংপূর্ণা কৃত বিদ্যানাম্ গুহা কেসরিণাম্ ইব ॥১-৬-২১॥
6.22
কাংভোজ বিষয়ে জাতৈঃ বাহ্লিকৈঃ চ হয় উত্তমৈঃ ।
বনায়ুজৈঃ নদীজৈঃ চ পূর্ণা হরিহয় উত্তমৈঃ ॥১-৬-২২॥
6.23
বিংধ্য পর্বতজৈঃ মত্তৈঃ পূর্ণা হৈমবতৈঃ অপি ।
মদান্বিতৈঃ অতিবলৈঃ মাতঙ্গৈঃ পর্বতোউপমৈঃ ॥১-৬-২৩॥
6.24
ইরাবত কুলীনৈঃ চ মহাপদ্ম কুলৈঃ তথা ।
অংজনাদপি নিষ্ক্রান্তৈঃ বামনাদপি চ দ্বিপৈঃ ॥১-৬-২৪॥
6.25
ভদ্রৈঃ মন্দ্রৈঃ মৃগৈঃ চ এব ভদ্র মন্দ্র মৃগৈঃ থথা ।
ভদ্র মন্দ্রৈঃ ভদ্র মৃগৈঃ মৃগ মন্দ্রৈঃ চ সা পুরী ॥১-৬-২৫॥
6.26
নিত্য মত্তৈঃ সদা পূর্ণা নাগৈঃ অচল সন্নিভৈঃ ।
সা যোজনে চ দ্বে ভূয়ঃ সত্যনামা প্রকাশতে ।যস্যাম্ দশরথো রাজা বসন্ জগৎ অপালয়ৎ ॥১-৬-২৬॥
6.27
তাম্ পুরীম্ স মহাতেজা রাজা দশরথো মহান্ ।
শশাস শমিত অমিত্রো নক্ষত্রাণীব চন্দ্রমাঃ ॥১-৬-২৭॥
6.28
তাম্ সত্য নামাম্ দৃঢ তোরণ অর্গলাম্গৃহৈঃ বিচিত্রৈঃ উপশোভিতাম্ শিবাম্ ।
পুরীম্ অয়োধ্যাম্ নৃ সহস্র সংকুলাম্শশাস বৈ শক্র সমো মহীপতিঃ ॥১-৬-২৮॥