সর্গ 5

5.1

সর্বা পূর্বম্ ইয়ম্ যেষাম্ আসীৎ কৃত্স্না বসুংধরা ।
প্রজপতিম্ উপাদায় নৃপাণম্ জয় শালিনাম্ ॥১-৫-১॥

যেষাম্ স সগরো নাম সাগরো যেন খানিতঃ ।
ষষ্টিঃ পুত্র সহস্রাণি যম্ যান্তম্ পর্যবারয়ন্ ॥১-৫-২॥

ইক্ষ্বাকূণাম্ ইদম্ তেষাম্ রাজ্ঞাম্ বংশে মহাত্মনাম্ ।
মহদ্ উত্পন্নম্ আখ্যনম্ রামায়ণম্ ইতি শ্রুতম্ ॥১-৫-৩॥

তদিদম্ বর্তয়িষ্যাবঃ সর্বম্ নিখিলম্ আদিতঃ ।
ধর্ম কাম অর্থ সহিতম্ শ্রোতব্যম্ অনসূয়তা ॥১-৫-৪॥

কোসলো নাম মুদিতঃ স্ফীতো জনপদো মহান্ ।
নিবিষ্ট সরয়ূ তীরে প্রভূত ধন ধান্যবান্ ॥১-৫-৫॥

অয়োধ্যা নাম নগরী তত্র আসীৎ লোক বিশ্রুতা ।
মনুনা মানব ইন্দ্রেণ যা পুরী নির্মিতা স্বয়ম্ ॥১-৫-৬॥

আয়তা দশ চ দ্বে চ যোজনানি মহাপুরী ।
শ্রীমতী ত্রীণি বিস্তীর্ণা সু বিভক্তা মহাপথা ॥১-৫-৭॥

রাজ মার্গেণ মহতা সুবিভক্তেন শোভিতা ।
মুক্তা পুষ্প অবকীর্ণেন জল সিক্তেন নিত্যশঃ ॥১-৫-৮॥

তাম্ তু রাজা দশরথো মহারাষ্ট্র বিবর্ধনঃ ।
পুরীম্ আবাসয়ামাস দিবি দেবপতিঃ যথা ॥১-৫-৯॥

কপাট তোরণবর্তী সু বিভক্ত অন্তরাপণাম্ ।
সর্ব যংত্র অয়ুধবতীম্ উষিতাম্ সর্ব শিল্পিভিঃ ॥১-৫-১০॥

সূত মাগধ সংবাধাম্ শ্রীমতীম্ অতুল প্রভাম্ ।
উচ্চাট্টাল ধ্বজবতীম্ শতঘ্নী শত সংকুলাম্ ॥১-৫-১১॥

বধূ নাটক সন্ঘৈঃ চ সংয়ুক্তাম্ সর্বতঃ পুরীম্ ।
উদ্যান আম্র বণোপেতাম্ মহতীম্ সাল মেখলাম্ ॥১-৫-১২॥

দুর্গ গংভীর পরিখাম্ দুর্গাম্ অন্যৈঃ দুরাসদম্ ।
বাজীবারণ সংপূর্ণাম্ গোভিঃ উষ্ট্রৈঃ খরৈঃ তথা ॥১-৫-১৩॥

সামংত রাজ সন্ঘৈঃ চ বলি কর্মভিঃ আবৃতম্ ।
নানা দেশ নিবাসৈঃ চ বণিগ্ভিঃ উপশোভিতাম্ ॥১-৫-১৪॥

প্রাসাদৈ রত্ন বিকৃতৈঃ পর্বতৈঃ ইব শোভিতাম্ ।
কূটাগারৈঃ চ সংপূর্ণাম্ ইন্দ্রস্য ইব অমরাবতীম্ ॥১-৫-১৫॥

চিত্রম্ অষ্টাপদ আকারাম্ বর নারী গণৈর্ যুতাম্ ।
সর্ব রত্ন সমাকীর্ণাম্ বিমান গৃহ শোভিতাম্ ॥১-৫-১৬॥

গৃহ গাঢাম্ অবিচ্ছিদ্রাম্ সম ভূমৌ নিবেশিতাম্ ।
শালি তণ্ডুল সংপূর্ণাম্ ইক্ষু কাণ্ড রসঃ উদকাম্ ॥১-৫-১৭॥

দুন্দুভীভিঃ মৃদন্গৈঃ চ বীণাভিঃ পণবৈঃ তথা ।
নাদিতাম্ ভৃশম্ অত্যর্থম্ পৃথিব্যাম্ তাম্ অনুত্তমাম্ ॥১-৫-১৮॥

বিমানম্ ইব সিদ্ধানাম্ তপস অধিগতম্ দিবি ।
সু নিবেশিত বেশ্মান্তাম্ নরোত্তম সমাবৃতাম্ ॥১-৫-১৯॥

যে চ বাণৈঃ ন বিধ্যন্তি বিবিক্তম্ অপরা পরম্ ।
শব্দ বেধ্যম্ চ বিততম্ লঘু হস্তা বিশারদাঃ ॥১-৫-২০॥

সিংহ ব্যাঘ্র বরাহাণাম্ মত্তানাম্ নদতাম্ বনে ।
হন্তারো নিশিতৈঃ শস্ত্রৈঃ বলাৎ বাহু বলৈর্ অপি ॥১-৫-২১॥

তাদৃশানাম্ সহস্রৈঃ তাম্ অভি পূর্ণাম্ মহারথৈঃ ।
পুরীম্ আবসয়মাস রাজা দশরথঃ তদা ॥১-৫-২২॥

তাম্ অগ্নিমদ্ভিঃ গুণবদ্ভিঃ আবৃতাম্দ্বিজোত্তমৈঃ বেদ ষডঙ্গ পারগৈঃ ।
সহস্রদৈঃ সত্য রতৈঃ মহাত্মভিঃমহর্ষি কল্পৈঃ ঋষিভিঃ চ কেবলৈঃ ॥১-৫-২৩॥