Utshovসর্গ 4
4.1
প্রাপ্ত রাজ্যস্য রামস্য বাল্মীকির্ ভগবান্ ঋষিঃ ।
চকার চরিতম্ কৃত্স্নম্ বিচিত্র পদম্ অর্থবৎ ॥১-৪-১॥
4.2
চতুর্বিংশৎ সহস্রাণি শ্লোকানাম্ উক্তবান্ ঋষিঃ ।
তথা সর্গ শতান্ পংচ ষট্ কাণ্ডানি তথা উত্তরম্ ॥১-৪-২॥
4.3
কৃত্বা তু তন্ মহাপ্রাজ্ঞঃ স ভবিষ্যম্ সহ উত্তরম্ ।
চিন্তয়ামাস কোন্বেতৎ প্রয়ুংজীয়াদ্ ইতি প্রভুঃ ॥১-৪-৩॥
4.4
তস্য চিন্তয়ামানস্য মহর্ষের্ ভাবিতাত্মনঃ ।
অগৃহ্ণীতাম্ ততঃ পাদৌ মুনি বেষৌ কুশী লবৌ ॥১-৪-৪॥
4.5
কুশী লবৌ তু ধর্মজ্ঞৌ রাজ পুত্রৌ যশশ্বিনৌ ।
ভ্রাতরৌ স্বর সংপন্নৌ দদর্শ আশ্রম বাসিনৌ ॥১-৪-৫॥
4.6
স তু মেধাবিনৌ দৃষ্ট্বা বেদেষু পরিনিষ্টিতৌ ।
বেদোপবৃংহণার্থায় তৌ অগ্রাহয়ত প্রভুঃ ॥১-৪-৬॥
4.7
কাব্যম্ রামায়ণম্ কৃত্স্নম্ সীতায়াঃ চরিতম্ মহৎ ।
পৌলস্ত্য বধম্ ইতি এবম্ চকার চরিত ব্রতঃ ॥১-৪-৭॥
4.8
পাঠ্যে গেয়ে চ মথুরম্ প্রমাণৈঃ ত্রিভির্ অন্বিতম্ ।
জাতিভিঃ সপ্তভিঃ যুক্তম্ তন্ত্রী লয় সমন্বিতম্ ॥১-৪-৮॥
4.9
রসৈঃ শৃংগার করুণ হাস্য রৌদ্র ভয়ানকৈঃ ।
বিরাদিভী রসৈর্ যুক্তম্ কাব্যম্ এতৎ অগায়তাম্ ॥১-৪-৯॥
4.10
তৌ তু গান্ধর্ব তত্ত্বজ্ঞৌ স্থান মূর্চ্ছন কোবিদৌ ।
ভ্রাতরৌ স্বর সংপন্নৌ গন্ধর্বাঃ ইব রূপিণৌ ॥১-৪-১০॥
4.11
রূপ লক্ষণ সংপন্নৌ মধুর স্বর ভাষিণৌ ।
বিংবাৎ ইব উথীতৌ বিংবৌ রাম দেহাৎ তথা অপরৌ ॥১-৪-১১॥
4.12
তৌ রাজ পুত্রৌ কার্ত্স্ন্যেন ধর্ম্যম্ আখ্যানম্ উত্তমম্ ।
বাচো বিধেয়ম্ তৎ সর্বম্ কৃত্বা কাব্যম্ অনিন্দিতৌ ॥১-৪-১২॥
4.13
ঋষীণাম্ চ দ্বিজাতীনাম্ সাধূনাম্ চ সমাগমে ।
যথা উপদেশম্ তত্ত্বজ্ঞৌ জগতুঃ তৌ সমাহিতৌ ॥১-৪-১৩॥
4.14
মহাত্মনৌ মহাভাগৌ সর্ব লক্ষ্ণ লক্ষিতৌ ।
তৌ কদাচিৎ সমেতানাম্ ঋষীণাম্ ভবিত আত্মনাম্ ॥১-৪-১৪॥
4.15
মধ্যে সভম্ সমীপস্থৌ ইদম্ কাব্যম্ অগায়তাম্ ।
তৎ শ্রুত্বা মুনয়ঃ সর্বে বাষ্প পর্যাকুলেক্ষণাঃ ॥১-৪-১৫॥
4.16
সাধু সাধ্বিতি তা ঊচুঃ পরম্ বিস্ময়ম্ আগতাঃ ।
তে প্রীত মনসঃ সর্বে মুনয়ো ধর্ম বত্সলাঃ ॥১-৪-১৬॥
4.17
প্রশশংসুঃ প্রশস্তব্যৌ গায়মানৌ কুশী লবৌ ।
অহো গীতস্য মাধুর্যম্ শ্লোকানাম্ চ বিশেষতঃ ॥১-৪-১৭॥
4.18
চিরনির্বৃত্তম্ অপি এতৎ প্রত্যক্ষম্ ইব দর্শিতম্ ।
প্রবিশ্য তা উভৌ সুষ্ঠু তথা ভাবম্ অগায়তাম্ ॥১-৪-১৮॥
4.19
সহিতৌ মধুরম্ রক্তম্ সংপন্নম্ স্বর সংপদা ।
এবম্ প্রশস্যমানৌ তৌ তপঃ শ্লাঘ্যৈঃ মহর্ষিভিঃ ॥১-৪-১৯॥
4.20
সংরক্ততরম্ অত্যর্থম্ মধুরম্ তৌ অগায়তাম্ ।
প্রীতঃ কশ্চিন্ মুনিঃ তাভ্যাম্ সংস্থিতঃ কলশম্ দদৌ ॥১-৪-২০॥
4.21
প্রসন্নো বল্কলম্ কশ্চিদ্ দদৌ তাভ্যাম্ মহায়শাঃ ।
অন্যঃ কৃষ্ণাজিনম্ অদদ্ যজ্ঞ সূত্রম্ তথা অপরঃ ॥১-৪-২১॥
4.22
কশ্চিৎ কমণ্ডলুম্ প্রদান্ মৌঞ্জীম্ অন্যো মহামুনিঃ ।
ব্রুসীমন্যঃ তদা প্রাদৎ কৌপীনম্ অপরো মুনিঃ ॥১-৪-২২॥
4.23
তাভ্যাম্ দদৌ তদা হৃষ্টঃ কুঠারম্ অপরো মুনিঃ ।
কাষায়ম্ অপরো বস্ত্রম্ চীরম্ অন্যো দদৌ মুনিঃ ॥১-৪-২৩॥
4.24
জটাবন্ধনম্ অন্যঃ তু কাষ্ঠ রজ্জুম্ মুদান্বিতঃ ।
যজ্ঞ ভাণ্ডম্ ঋষিঃ কশ্চিৎ কাষ্ঠভারম্ তথা পরঃ ॥১-৪-২৪॥
4.25
ঔদুম্বরীম্ ব্রুসীম্ অন্যঃ স্বস্তি কেচিৎ তদা অবদন্ ।
আয়ুষ্যম্ অপরে প্রাহুর্ মুদা তত্র মহর্ষয়ঃ ॥১-৪-২৫॥
4.26
দদুঃ চ এবম্ বরান্ সর্বে মুনয়ঃ সত্যবাদিনঃ ।
আশ্চর্যম্ ইদম্ আখ্যানম্ মুনিনা সংপ্রকীর্তিতম্ ॥১-৪-২৬॥
4.27
পরম্ কবীনাম্ আধারম্ সমাপ্তম্ চ যথা ক্রমম্ ।
অভিগীতম্ ইদম্ গীতম্ সর্ব গীতেষু কোবিদৌ ॥১-৪-২৭॥
4.28
আয়ুষ্যম্ পুষ্টি জননম্ সর্ব শ্রুতি মনোহরম্ ।
প্রশস্যমানৌ সর্বত্র কদাচিৎ তত্র গায়কৌ ॥১-৪-২৮॥
4.29
রথ্যাসু রাজ মার্গেষু দদর্শ ভরতাগ্রজঃ ।
স্ব বেশ্ম চ আনীয় ততো ভ্রাতরৌ স কুশী লবৌ ॥১-৪-২৯॥
4.30
পূজয়ামাস পুজ অর্হৌ রামঃ শত্রুনিবর্হণঃ ।
আসীনঃ কাংচনে দিব্যে স চ সিংহাসনে প্রভুঃ ॥১-৪-৩০॥
4.31
উপোপবিষ্টৈঃ সচিবৈঃ ভ্রাতৃভিঃ চ সমন্বিত ।
দৃষ্ট্বা তু রূপ সংপন্নৌ বিনীতৌ ভ্রাতরৌ উভৌ ॥১-৪-৩১॥
4.32
উবাচ লক্ষ্মণম্ রামঃ শত্রুঘ্নম্ ভরতম্ তথা ।
শ্রূয়তাম্ এতদ্ আখ্যানম্ অনয়োঃ দেব বর্চসোঃ ॥১-৪-৩২॥
4.33
বিচিত্রার্থ পদম্ সম্যক্ গায়কৌ সমচোদয়ৎ ।
তৌ চ অপি মধুরম্ রক্তম্ স্বচিত্তায়ত নিঃস্বনম্ ॥১-৪-৩৩॥
4.34
তন্ত্রী লয়বৎ অত্যর্থম্ বিশ্রুতার্থম্ অগায়তাম্ ।
হ্লাদয়ৎ সর্ব গাত্রাণি মনাংসি হৃদয়ানি চ ।শ্রোত্রাশ্রয় সুখম্ গেয়ম্ তদ্ বভৌ জনসংসদি ॥১-৪-৩৪॥
4.35
ইমৌ মুনী পার্থিব লক্ষণান্বিতৌকুশী লবৌ চ এব মহাতপস্বিনৌ ।
মমা অপি তদ্ ভূতি করম্ প্রচক্ষতেমহানুভাবম্ চরিতম্ নিবোধত ॥১-৪-৩৫॥
4.36
ততঃ তু তৌ রাম বচঃ প্রচোদিতৌঅগায়তাম্ মার্গ বিধান সংপদা ।
স চ অপি রামঃ পরিষদ্ গতঃ শনৈর্বুভূষয় আসক্তমনা বভূব ॥১-৪-৩৬॥