Utshovসর্গ 3
3.1
শ্রুত্বা বস্তু সমগ্রম্ তৎ ধর্ম অর্ধ সহিতম্ হিতম্ ।
ব্যক্তম্ অন্বেষতে ভূয়ো যদ্বৃত্তম্ তস্য ধীমতঃ ॥১-৩-১॥
3.2
উপস্পৃস্য উদকম্ সম্যক্ মুনিঃ স্থিত্বা কৃতাঞ্জলিঃ ।
প্রাচীন অগ্রেষু দর্ভেষু ধর্মেণ অন্বেষতে গতিম্ ॥১-৩-২॥
3.3
রাম লক্ষ্মণ সীতাভিঃ রাজ্ঞা দশরথেন চ ।
স ভার্যেণ স রাষ্ট্রেণ যৎ প্রাপ্তম্ তত্র তত্ত্বতঃ ॥১-৩-৩॥
3.4
হসিতম্ ভাষিতম্ চ এব গতির্যায়ৎ চ চেষ্টিতম্ ।
তৎ সর্বম্ ধর্ম বীর্যেণ যথাবৎ সংপ্রপশ্যতি ॥১-৩-৪॥
3.5
স্ত্রী তৃতীয়েন চ তথা যৎ প্রাপ্তম্ চরতা বনে ।
সত্যসন্ধেন রামেণ তত্সর্বম্ চ অন্ববেক্ষত ॥১-৩-৫॥
3.6
ততঃ পশ্যতি ধর্মাত্মা তৎ সর্বম্ যোগমাস্থিতঃ ।
পুরা যৎ তত্র নির্বৃত্তম্ পাণাব আমলকম্ যথা ॥১-৩-৬॥
3.7
তৎ সর্বম্ তাত্ত্বতো দৃশ্ট্বা ধর্মেণ স মহামতিঃঅভিরামস্য রামস্য তৎ সর্বম্ কর্তুম্ উদ্যতঃ ॥১-৩-৭॥
3.8
কামার্থ গুণ সংয়ুক্তম্ ধর্মার্থ গুণ বিস্তরম্ ।
সমুদ্রম্ ইব রত্নাঢ্যম্ সর্ব শ্রুতি মনোহরম্ ॥১-৩-৮॥
3.9
স যথা কথিতম্ পূর্বম্ নারদেন মহাত্মনা ।
রঘু বংশস্য চরিতম্ চকার ভগবান্ মুনিঃ ॥১-৩-৯॥
3.10
জন্ম রামস্য সুমহদ্ বীর্যম্ সর্বানুকূলতাম্ ।
লোকস্য প্রিয়তাম্ ক্ষান্তিম্ সৌম্যতাম্ সত্য শীলতাম্ ॥১-৩-১০॥
3.11
নানা চিত্র কথাঃ চ অন্যাঃ বিশ্বামিত্র সহায়েন ।
জানক্যাঃ চ বিবাহম্ চ ধনুষঃ চ বিভেদনম্ ॥১-৩-১১॥
3.12
রাম রাম বিবাদম্ চ গুণান্ দাশরথেঃ তথা ।
তথঽভিষেকম্ রামস্য কৈকেয্যা দুষ্ট ভাবতাম্ ॥১-৩-১২॥
3.13
বিঘাতম্ চ অভিষেকস্য রাঘবস্য বিবাসনম্ ।
রাজ্ঞঃ শোকম্ বিলাপম্ চ পর লোকস্য চ আশ্রয়ম্ ॥১-৩-১৩॥
3.14
প্রকৃতীনাম্ বিষাদম্ চ প্রকৃতীনাম্ বিসর্জনম্ ।
নিষাদ অধিপ সংবাদম্ সূতোপাবর্তনম্ তথা ॥১-৩-১৪॥
3.15
গঙ্গায়াঃ চ অপি সংতারম্ ভরদ্বাজস্য দর্শনম্ ।
ভরদ্বাজ অভ্যনুজ্ঞাৎ চিত্রকূটস্য দর্শনম্ ॥১-৩-১৫॥
3.16
বাস্তু কর্ম নিবেশম্ চ ভরত অগমনম্ তথা ।
প্রসাদনম্ চ রামস্য পিতুঃ চ সলিল ক্রিয়াম্ ॥১-৩-১৬॥
3.17
পাদুকা অগ্র্য অভিষেকম্ চ নন্দি গ্রাম নিবাসনম্ ।
দণ্ডকারণ্য গমনম্ বিরাধস্য বধম্ তথা ॥১-৩-১৭॥
3.18
দর্শনম্ শরভঙ্গস্য সুতীক্ষ্ণেন সমাগমম্ ।
অনসূয়া সমাখ্যা চ অঙ্গরাগ্স্য চ অর্পণম্ ॥১-৩-১৮॥
3.19
দর্শনম্ চ অপি অগস্ত্যস্য ধনুষো গ্রহণম্ তথা ।
শূর্পণখাঃ চ সংবাদম্ বিরূপকরণম্ তথা ॥১-৩-১৯॥
3.20
বধম্ খরঃ ত্রিশিরসঃ উত্থানম্ রাবণস্য চ ।
মারীচস্য বধম্ চ এব বৈদেহ্যা হরণম্ তথা ॥১-৩-২০॥
3.21
রাঘবস্য বিলাপম্ চ গৃধ্র রাজ নিবর্হণম্ ।
কবন্ধ দর্শনম্ চ এব পম্পায়াঃ চ অপি দর্শনম্ ॥১-৩-২১॥
3.22
শবরী দর্শনম্ চ এব ফল মূল অশনম্ তথা ।
প্রলাপম্ চ এব পম্পায়ম্ হনুমদ্ দর্শনম্ ॥১-৩-২২॥
3.23
ঋষ্যমূকস্য গমনম্ সুগ্রীবেণ সমাগমম্ ।
প্রত্যয়োত্পাদনম্ সখ্যম্ বালি সুগ্রীব বিগ্রহম্ ॥১-৩-২৩॥
3.24
বালি প্রমথনম্ চ এব সুগীব প্রতিপাদনম্ ।
তারা বিলাপম্ সময়ম্ বর্ষ রাত্র নিবাসনম্ ॥১-৩-২৪॥
3.25
কোপম্ রাঘব সিংহস্য বলানাম্ উপসংগ্রহম্ ।
দিশঃ প্রস্থাপনম্ চ এব পৃথিব্যাঃ চ নিবেদনম্ ॥১-৩-২৫॥
3.26
অঙ্গুলীয়ক দানম্ চ ঋক্ষ্স্য বিল দর্শনম্ ।
প্রায়োপবেশনম্ চ অপি সংপাতেঃ চ অপি দর্শনম্ ॥১-৩-২৬॥
3.27
পর্বত আরোহণম্ চ অপি সাগর্স্য অপি লঙ্ঘনম্ ।
সমুদ্র বচনাৎ চ এব মৈনাকস্য চ দর্শনম্ ॥১-৩-২৭॥
3.28
রাক্ষসী তর্জনম্ চ এব ছায়া গ্রাহস্য দর্শনম্ ।
সিংহিকায়াঃ চ নিধনম্ লঙ্কা মলয় দর্শনম্ ॥১-৩-২৮॥
3.29
রাত্রৌ লংকা প্রবেশম্ চ একস্য অপি বিচিংতনম্ ।
আপান ভূমি গমনম্ অবরোধস্য দর্শনম্ ॥১-৩-২৯॥
3.30
দর্শনম্ রাবণস্য অপি পুষ্পকস্য চ দর্শনম্ ।
অশোক বনিকায়ানম্ সীতায়াঃ চ অপি দর্শনম্ ॥১-৩-৩০॥
3.31
অভিজ্ঞন প্রদানম্ চ সীতায়াঃ চ অপি ভাষণম্ ।
রাক্ষসী তর্জনম্ চ এব ত্রিজটা স্বপ্ন দর্শনম্ ॥১-৩-৩১॥
3.32
মণি প্রদানম্ সীতায়াঃ বৃক্ষ ভংগম্ তথ এব চ ।
রাক্ষসী বিদ্রবম্ চৈব কিংকরাণাম্ নিবর্হণম্ ॥১-৩-৩২॥
3.33
গ্রহণম্ বায়ু সূনোশ্চ লংকা দাহ অভিগর্জনম্ ।
প্রতি প্লবনম্ এব অথ মধূনাম্ হরণম্ তথা ॥১-৩-৩৩॥
3.34
রাঘব আস্বাসনম্ চৈব মণি নির্যাতনম্ তথা ।
সংগমম্ চ সমুদ্রেণ নল সেতোঃ চ বন্ধনম্ ॥১-৩-৩৪॥
3.35
প্রতারম্ চ সমুদ্রস্য রাত্রৌ লংকা অবরোধনম্ ।
বিভীষণেন সংসর্গম্ বধোপায় নিবেদনম্ ॥১-৩-৩৫॥
3.36
কুম্ভকর্ণস্য নিধনম্ মেঘনাদ নিবর্হণম্ ।
রাবণস্য বিনাশম্ চ সীতাবাপ্তিম্ অরেঃ পুরে ॥১-৩-৩৬॥
3.37
বিভীষণ অভিষেকম্ চ পুষ্পকস্য চ দর্শনম্ ।
অয়োধ্যায়াঃ চ গমনম্ ভরদ্বাজ সমাগমম্ ॥১-৩-৩৭॥
3.38
প্রেষণম্ বায়ু পুত্রস্য ভরতেন সমাগমম্ ।
রাম অভিষেক অভ্যুদয়ম্ সর্ব সৈন্য বিসর্জনম্ ।স্ব রাষ্ট্র রংজনম্ চ এব বৈদেহ্যাঃ চ বিসর্জনম্ ॥১-৩-৩৮॥
3.39
অনাগতম্ চ যৎ কিংচিদ্ রামস্য বসুধা তলে ।
তৎ চকার উত্তরে কাব্যে বাল্মীকিঃ ভগবান্ ঋষিঃ ॥১-৩-৩৯॥