Utshovসর্গ 2
2.1
নারদস্য তু তদ্বাক্যম্ শ্রুত্বা বাক্য বিশারদঃ ।
পূজয়ামাস ধর্মাত্মা সহ শিষ্যো মহামুনিঃ ॥১-২-১॥
2.2
যথাবৎ পূজিতঃ তেন দেবর্ষিঃ নারদঃ তথা ।
আপৃচ্ছৈব অভ্যনুজ্ঞাতঃ স জগাম বিহায়সম্ ॥১-২-২॥
2.3
স মুহূর্তং গতে তস্মিন্ দেবলোকম্ মুনিঃ তদা ।
জগাম তমসা তীরম্ জাহ্নব্যাৎ অবিদূরতঃ ॥১-২-৩॥
2.4
স তু তীরম্ সমাসাদ্য তমসায়া মুনিঃ তদা ।
শিষ্যম্ আহ স্থিতম্ পার্শ্বে দৃষ্ট্বা তীর্থম্ অকর্দমম্ ॥১-২-৪॥
2.5
অকর্দমম্ ইদম্ তীর্থম্ ভরদ্বাজ নিশাময় ।
রমণীয়ম্ প্রসন্ন অম্বু সন্ মনুষ্য মনো যথা ॥১-২-৫॥
2.6
ন্যস্যতাম্ কলশঃ তাত দীয়তাম্ বল্কলম্ মম ।
ইদম্ এব অবগাহিষ্যে তমসা তীর্থম্ উত্তমম্ ॥১-২-৬॥
2.7
এবম্ উক্তো ভরদ্বাজো বাল্মীকেন মহাত্মনা ।
প্রয়চ্ছত মুনেঃ তস্য বল্কলম্ নিয়তঃ গুরোঃ ॥১-২-৭॥
2.8
স শিষ্য হস্তাৎ আদায় বল্কলম্ নিয়তেন্দ্রিয়ঃ ।
বিচচার হ পশ্যন্ তৎ সর্বতো বিপুলম্ বনম্ ॥১-২-৮॥
2.9
তস্য অভ্যাশে তু মিথুনম্ চরন্তম্ অনপায়িনম্ ।
দদর্শ ভগবান্ তত্র ক্রৌঙ্চয়োঃ চারু নিস্বনম্ ॥১-২-৯॥
2.10
তস্মাৎ তু মিথুনাৎ একম্ পুমাংসম্ পাপ নিশ্চয়ঃ ।
জঘান বৈরনিলয়ো নিষাদঃ তস্য পশ্যতঃ ॥১-২-১০॥
2.11
তম্ শোণিত পরীতাঙ্গম্ চেষ্টমানম্ মহীতলে ।
ভার্যা তু নিহতম্ দৃষ্ট্বা রুরাব করুণাম্ গিরম্ ॥১-২-১১॥
2.12
বিয়ুক্তা পতিনা তেন দ্বিজেন সহচারিণা ।
তাম্র শীর্ষেণ মত্তেন পত্রিণা সহিতেন বৈ ॥১-২-১২॥
2.13
তথা বিধিম্ দ্বিজম্ দৃষ্ট্বা নিষাদেন নিপাতিতম্ ।
ঋশেঃ ধর্মাত্মানঃ তস্য কারুণ্যম্ সমপদ্যত ॥১-২-১৩॥
2.14
ততঃ করুণ বেদিত্বাৎ অধর্মো অয়ম্ ইতি দ্বিজঃ ।
নিশাম্য রুদতীম্ ক্রৌন্চীম্ ইদম্ বচনম্ অব্রৈইৎ ॥১-২-১৪॥
2.15
মা নিষাদ প্রতিষ্ঠাম্ত্ব ।
মগমঃ শাশ্বতীঃ সমাঃ ।যৎ ক্রৌঙ্চ মিথুনাৎ এক ।মবধীঃ কাম মোহিতম্ ॥১-২-১৫॥
2.16
তস্য এবম্ ব্রুবতঃ চিন্তা বভূব হৃদি বীক্ষতঃ ।
শোকার্তেন অস্য শকুনেঃ কিম্ ইদম্ ব্যাহৃতম্ ময়া ॥১-২-১৬॥
2.17
চিন্তয়ন্ স মহাপ্রাজ্ঞঃ চকার মতিমান্ মতিম্ ।
শিশ্যম্ চ এব অব্রবীৎ বাক্যম্ ইদম্ স মুনিপুঙ্গবঃ ॥১-২-১৭॥
2.18
পাদ বদ্ধঃ অক্ষর সমঃ তন্ত্রী লয় সমন্বিতঃ ।
শোকার্তস্য প্রবৃত্তো মে শ্লোকো ভবতু ন অন্যথা ॥১-২-১৮॥
2.19
শিষ্যঃ তু তস্য ব্রুবতো মুনের্ বাক্যম্ অনুত্তমম্ ।
প্রতি জগ্রাহ সংতুষ্টঃ তস্য তুষ্টোঅঃ অভবৎ মুনিঃ ॥১-২-১৯॥
2.20
সোঽভিষেকম্ ততঃ কৃত্বা তীর্থে তস্মিন্ যথাবিধি ।
তম্ এব চিন্তয়ন্ অর্থম্ উপাবর্তত বৈ মুনিঃ ॥১-২-২০॥
2.21
ভরদ্বাজঃ ততঃ শিষ্যো বিনীতঃ শ্রুতবান্ গুরোঃ ।
কলশম্ পূর্ণমাদায় পৃষ্ঠতঃ অনুজগাম হ ॥১-২-২১॥
2.22
স প্রবিশ্য আশ্রম পদম্ শিষ্যেণ সহ ধর্মবিৎ ।
উপবিষ্টঃ কথাঃ চ অন্যাঃ চকার ধ্যানমাস্থিতঃ ॥১-২-২২॥
2.23
আজগাম ততঃ ব্রহ্মো লোককর্তা স্বয়ম্ প্রভুঃ ।
চতুর্ মুখো মহাতেজা দ্রষ্টুম্ তম্ মুনিপুঙ্গবম্ ॥১-২-২৩॥
2.24
বাল্মীকিঃ অথ তম্ দৃষ্ট্বা সহসা উত্থায় বাগ্যতঃ ।
প্রান্জলিঃ প্রয়তো ভূত্বা তস্থৌ পরম বিস্মিতঃ ॥১-২-২৪॥
2.25
পূজয়ামাস তম্ দেবম্ পাদ্য অর্ঘ্য আসন বন্দনৈঃ ।
প্রণম্য বিধিবৎ চ এনম্ পৃষ্ট্বা চ এব নিরাময়ম্ ॥১-২-২৫॥
2.26
অথ উপবিশ্য ভগবান্ আসনে পরম অর্চিতে ।
বাল্মীকয়ে চ ঋষয়ে সন্দিদেশ আসনম্ ততঃ ॥১-২-২৬॥
2.27
ব্রহ্মণা সমনুজ্ঞাতঃ সোঽপি উপাবিশৎ আসনে ।
উপবিষ্টে তদা তস্মিন্ সাক্ষাৎ লোক পিতামহে ॥১-২-২৭॥
2.28
তৎ গতেন এব মনসা বাল্মীকিঃ ধ্যানম্ আস্থিতঃ।
পাপাত্মনা কৃতম্ কষ্টম্ বৈর গ্রহণ বুদ্ধিনা ॥১-২-২৮॥
2.29
যৎ তাদৃশম্ চারুরবম্ ক্রৌন্চম্ হন্যাৎ অকারণাৎ।
শোচন্ এব পুনঃ ক্রৌন্চীম্ উপ শ্লোকম্ ইমম্ জগৌ ॥১-২-২৯॥
2.30
পুনর্ অন্তর্গত মনা ভূত্বা শোক পরায়ণঃ।
তম্ উবাচ ততো ব্রহ্মা প্রহসন্ মুনিপুংগবম্ ॥১-২-৩০॥
2.31
শ্লোক এবাস্ত্বয়াম্ বদ্ধো ন অত্র কার্যা বিচারণা।
মৎ চ্ছন্দাৎ এব তে ব্রহ্মন্ প্রবৃত্তে অয়ম্ সরস্বতী ॥১-২-৩১॥
2.32
রামস্য চরিতম্ কৃত্স্নম্ কুরু ত্বম্ ঋষিসত্তম ।
ধর্মাত্মনো ভগবতো লোকে রামস্য ধীমতঃ ॥১-২-৩২॥
2.33
বৃত্তম্ কথয় ধীরস্য যথা তে নারদাৎ শ্রুতম্ ।
রহস্যম্ চ প্রকাশম্ চ যদ্ বৃত্তম্ তস্য ধীমতঃ ॥১-২-৩৩॥
2.34
রামস্য সহ সৌমিত্রে রাক্ষসানাম্ চ সর্বশঃ ।
বৈদেহ্যাঃ চ এব যদ্ বৃত্তম্ প্রকাশম্ যদি বা রহঃ ॥১-২-৩৪॥
2.35
তৎ চ অপি অবিদিতম্ সর্বম্ বিদিতম্ তে ভবিষ্যতি ।
ন তে বাক্ অনৃতা কাব্যে কাচিৎ অত্র ভবিষ্যতি ॥১-২-৩৫॥
2.36
কুরু রাম কথাম্ পুণ্যাম্ শ্লোক বদ্ধাম্ মনোরমাম্ ।
যাবৎ স্থাস্যন্তি গিরয়ঃ সরিতঃ চ মহীতলে ॥১-২-৩৬॥
2.37
তাবৎ রামায়ণ কথা লোকেষু প্রচরিষ্যতি ।
যাবৎ রামস্য চ কথা ত্বৎ কৃতা প্রচরিষ্যতি ॥১-২-৩৭॥
2.38
তাবৎ ঊর্ধ্বম্ অধঃ চ ত্বম্ মৎ লোকেষু নিবত্স্যসি ।
ইতি উক্ত্বা ভগবান্ ব্রহ্মা তত্র এব অন্তরধীয়ত ।ততঃ স শিষ্যো ভগবান্ মুনিঃ বিস্ময়ম্ আয়য়ৌ ॥১-২-৩৮॥
2.39
তস্য শিষ্যাঃ ততঃ সর্বে জগুঃ শ্লোকম্ ইমম্ পুনঃ ।
মুহুর্ মুহুঃ প্রীয়মাণাঃ প্রাহুঃ চ ভৃশ বিস্মিতাঃ ॥১-২-৩৯॥
2.40
সমাক্ষরৈঃ চতুর্ভিঃ যঃ পাদৈঃ গীতো মহর্ষিণা ।
সঃ অনুব্যাহরণাৎ ভূয়ঃ শোকঃ শ্লোকত্বম্ আগতঃ ॥১-২-৪০॥
2.41
তস্য বুদ্ধিঃ ইয়ম্ জাতা মহর্ষেঃ ভাবিতাত্মনঃ ।
কৃত্স্নম্ রামায়ণম্ কাব্যম্ ঈদৃশৈঃ করবাণ্যহম্ ॥১-২-৪১॥
2.42
উদার বৃত্ত অর্থ পদৈঃ মনোরমৈঃতদা অস্য রামস্য চকার কীর্তিমান্ ।
সম অক্ষরৈঃ শ্লোক শতৈঃ যশস্বিনোয়শস্করম্ কাব্যম্ উদার দর্শনঃ ॥১-২-৪২॥
2.43
তদ্ উপগত সমাস সন্ধি যোগম্সম মধুরোপনত অর্থ বাক্য বদ্ধম্ ।
রঘুবর চরিতম্ মুনিপ্রণীতম্দশ শিরসঃ চ বধম্ নিশাময় অধ্বম্ ॥১-২-৪৩॥