সূক্ত 22

22.1

৭ কাশ্যপোঽসিতো দেবলো বা । পবমানঃ সোমঃ । গায়ত্রী ।

এতে সোমাস আশবো রথা ইব প্র বাজিনঃ । সর্গাঃ সৃষ্টা অহেষত ॥১॥

এতে বাতা ইবোরবঃ পর্জন্যস্যেব বৃষ্টয়ঃ । অগ্নেরিব ভ্রমা বৃথা ॥২॥

এতে পূতা বিপশ্চিতঃ সোমাসো দধ্যাশিরঃ । বিপা ব্যানশুর্ধিয়ঃ ॥৩॥

এতে মৃষ্টা অমর্ত্যাঃ সসৃবাংসো ন শশ্রমুঃ । ইয়ক্ষন্তঃ পথো রজঃ ॥৪॥

এতে পৃষ্ঠানি রোদসোর্বিপ্রয়ন্তো ব্যানশুঃ । উতেদমুত্তমং রজঃ ॥৫॥

তন্তুং তন্বানমুত্তমমনু প্রবত আশত । উতেদমুত্তমায্যম্ ॥৬॥

ত্বং সোম পণিভ্য আ বসু গব্যানি ধারয়ঃ । ততং তন্তুমচিক্রদঃ ॥৭॥