সূক্ত 23

23.1

৭ কাশ্যপোঽসিতো দেবলো বা । পবমানঃ সোমঃ । গায়ত্রী ।

সোমা অসৃগ্রমাশবো মধোর্মদস্য ধারয়া । অভি বিশ্বানি কাব্যা ॥১॥

অনু প্রত্নাস আয়বঃ পদং নবীয়ো অক্রমুঃ । রুচে জনন্ত সূর্যম্ ॥২॥

আ পবমান নো ভরাঽর্যো অদাশুষো গয়ম্ । কৃধি প্রজাবতীরিষঃ ॥৩॥

অভি সোমাস আয়বঃ পবন্তে মদ্যং মদম্ । অভি কোশং মধুশ্চুতম্ ॥৪॥

সোমো অর্ষতি ধর্ণসির্দধান ইন্দ্রিয়ং রসম্ । সুবীরো অভিশস্তিপাঃ ॥৫॥

ইন্দ্রায় সোম পবসে দেবেভ্যঃ সধমাদ্যঃ । ইন্দো বাজং সিষাসসি ॥৬॥

অস্য পীত্বা মদানামিন্দ্রো বৃত্রাণ্যপ্রতি । জঘান জঘনচ্চ নু ॥৭॥