Sukta 23

23.1

7 kashyaposito devalo va, pavamanah somah, gayatri

सोमा॑ असृग्रमा॒शवो॒ मधो॒र्मद॑स्य॒ धार॑या । अ॒भि विश्वा॑नि॒ काव्या॑ ॥१॥

Soma asrigramashavo madhormadasya dharaya, abhi vishvani kavya

अनु॑ प्र॒त्नास॑ आ॒यव॑ः प॒दं नवी॑यो अक्रमुः । रु॒चे ज॑नन्त॒ सूर्य॑म् ॥२॥

Anu pratnasa ayavah padam naviyo akramuh, ruche jananta suryam

आ प॑वमान नो भरा॒ऽर्यो अदा॑शुषो॒ गय॑म् । कृ॒धि प्र॒जाव॑ती॒रिष॑ः ॥३॥

A pavamana no bhararyo adashusho gayam, kridhi prajavatirishah

अ॒भि सोमा॑स आ॒यव॒ः पव॑न्ते॒ मद्यं॒ मद॑म् । अ॒भि कोशं॑ मधु॒श्चुत॑म् ॥४॥

Abhi somasa ayavah pavante madyam madam, abhi kosham madhushchutam

सोमो॑ अर्षति धर्ण॒सिर्दधा॑न इन्द्रि॒यं रस॑म् । सु॒वीरो॑ अभिशस्ति॒पाः ॥५॥

Somo arshati dharnasirdadhana indriyam rasam, suviro abhishastipah

इन्द्रा॑य सोम पवसे दे॒वेभ्य॑ः सध॒माद्य॑ः । इन्दो॒ वाजं॑ सिषाससि ॥६॥

Indraya soma pavase devebhyah sadhamadyah, indo vajam sishasasi

अ॒स्य पी॒त्वा मदा॑ना॒मिन्द्रो॑ वृ॒त्राण्य॑प्र॒ति । ज॒घान॑ ज॒घन॑च्च॒ नु ॥७॥

Asya pitva madanamindro vritranyaprati, jaghana jaghanachcha nu