সূক্ত 21

21.1

৭ কাশ্যপোঽসিতো দেবলো বা । পবমানঃ সোমঃ । গায়ত্রী ।

এতে ধাবন্তীন্দবঃ সোমা ইন্দ্রায় ঘৃষ্বয়ঃ । মত্সরাসঃ স্বর্বিদঃ ॥১॥

21.2

প্রবৃণ্বন্তো অভিয়ুজঃ সুষ্বয়ে বরিবোবিদঃ । স্বয়ং স্তোত্রে বয়স্কৃতঃ ॥২॥

21.3

বৃথা ক্রীলন্ত ইন্দবঃ সধস্থমভ্যেকমিৎ । সিন্ধোরূর্মা ব্যক্ষরন্ ॥৩॥

21.4

এতে বিশ্বানি বার্যা পবমানাস আশত । হিতা ন সপ্তয়ো রথে ॥৪॥

21.5

আস্মিন্পিশঙ্গমিন্দবো দধাতা বেনমাদিশে । যো অস্মভ্যমরাবা ॥৫॥

21.6

ঋভুর্ন রথ্যং নবং দধাতা কেতমাদিশে । শুক্রাঃ পবধ্বমর্ণসা ॥৬॥

21.7

এত উ ত্যে অবীবশন্কাষ্ঠাং বাজিনো অক্রত । সতঃ প্রাসাবিষুর্মতিম্ ॥৭॥