Utshovসূক্ত 20
20.1
৭ কাশ্যপোঽসিতো দেবলো বা । পবমানঃ সোমঃ । গায়ত্রী ।
প্র কবির্দেববীতয়েঽব্যো বারেভিরর্ষতি । সাহ্বান্বিশ্বা অভি স্পৃধঃ ॥১॥
20.2
স হি ষ্মা জরিতৃভ্য আ বাজং গোমন্তমিন্বতি । পবমানঃ সহস্রিণম্ ॥২॥
20.3
পরি বিশ্বানি চেতসা মৃশসে পবসে মতী । স নঃ সোম শ্রবো বিদঃ ॥৩॥
20.4
অভ্যর্ষ বৃহদ্যশো মঘবদ্ভ্যো ধ্রুবং রয়িম্ । ইষং স্তোতৃভ্য আ ভর ॥৪॥
20.5
ত্বং রাজেব সুব্রতো গিরঃ সোমা বিবেশিথ । পুনানো বহ্নে অদ্ভুত ॥৫॥
20.6
স বহ্নিরপ্সু দুষ্টরো মৃজ্যমানো গভস্ত্যোঃ । সোমশ্চমূষু সীদতি ॥৬॥
20.7
ক্রীলুর্মখো ন মংহয়ুঃ পবিত্রং সোম গচ্ছসি । দধত্স্তোত্রে সুবীর্যম্ ॥৭॥