Sukta 20

20.1

7 kashyaposito devalo va, pavamanah somah, gayatri

प्र क॒विर्दे॒ववी॑त॒येऽव्यो॒ वारे॑भिरर्षति । सा॒ह्वान्विश्वा॑ अ॒भि स्पृध॑ः ॥१॥

Pra kavirdevavitayevyo varebhirarshati, sahvanvishva abhi spridhah

स हि ष्मा॑ जरि॒तृभ्य॒ आ वाजं॒ गोम॑न्त॒मिन्व॑ति । पव॑मानः सह॒स्रिण॑म् ॥२॥

Sa hi shma jaritribhya a vajam gomantaminvati, pavamanah sahasrinam

परि॒ विश्वा॑नि॒ चेत॑सा मृ॒शसे॒ पव॑से म॒ती । स न॑ः सोम॒ श्रवो॑ विदः ॥३॥

Pari vishvani chetasa mrishase pavase mati, sa nah soma shravo vidah

अ॒भ्य॑र्ष बृ॒हद्यशो॑ म॒घव॑द्भ्यो ध्रु॒वं र॒यिम् । इषं॑ स्तो॒तृभ्य॒ आ भ॑र ॥४॥

Abhyarsha brihadyasho maghavadbhyo dhruvam rayim, isham stotribhya a bhara

त्वं राजे॑व सुव्र॒तो गिर॑ः सो॒मा वि॑वेशिथ । पु॒ना॒नो व॑ह्ने अद्भुत ॥५॥

Tvam rajeva suvrato girah soma viveshitha, punano vahne adbhuta

स वह्नि॑र॒प्सु दु॒ष्टरो॑ मृ॒ज्यमा॑नो॒ गभ॑स्त्योः । सोम॑श्च॒मूषु॑ सीदति ॥६॥

Sa vahnirapsu dushtaro mrijyamano gabhastyoh, somashchamushu sidati

क्री॒ळुर्म॒खो न मं॑ह॒युः प॒वित्रं॑ सोम गच्छसि । दध॑त्स्तो॒त्रे सु॒वीर्य॑म् ॥७॥

Krilurmakho na manhayuh pavitram soma gachchhasi, dadhatstotre suviryam