সূক্ত 55

55.1

৮ মৈত্রাবরুণির্বসিষ্ঠঃ। বাস্তোষ্পতিঃ, ২- ৮ ইন্দ্রঃ( ২-৮ প্রস্বাপিনী উপনিষদ্ ) ।১ গায়ত্রী, ২-৪ উপরিষ্টাদ্বৃহতী, ৫-৮ অনুষ্টুপ্ ।

অমীবহা বাস্তোষ্পতে বিশ্বা রূপাণ্যাবিশন্ । সখা সুশেব এধি নঃ ॥১॥

55.2

যদর্জুন সারমেয় দতঃ পিশঙ্গ যচ্ছসে । বীব ভ্রাজন্ত ঋষ্টয় উপ স্রক্বেষু বপ্সতো নি ষু স্বপ ॥২॥

55.3

স্তেনং রায় সারমেয় তস্করং বা পুনঃসর । স্তোতৄনিন্দ্রস্য রায়সি কিমস্মান্দুচ্ছুনায়সে নি ষু স্বপ ॥৩॥

55.4

ত্বং সূকরস্য দর্দৃহি তব দর্দর্তু সূকরঃ । স্তোতৄনিন্দ্রস্য রায়সি কিমস্মান্দুচ্ছুনায়সে নি ষু স্বপ ॥৪॥

55.5

সস্তু মাতা সস্তু পিতা সস্তু শ্বা সস্তু বিশ্পতিঃ । সসন্তু সর্বে জ্ঞাতয়ঃ সস্ত্বয়মভিতো জনঃ ॥৫॥

55.6

য আস্তে যশ্চ চরতি যশ্চ পশ্যতি নো জনঃ । তেষাং সং হন্মো অক্ষাণি যথেদং হর্ম্যং তথা ॥৬॥

55.7

সহস্রশৃঙ্গো বৃষভো যঃ সমুদ্রাদুদাচরৎ । তেনা সহস্যেনা বয়ং নি জনান্ত্স্বাপয়ামসি ॥৭॥

55.8

প্রোষ্ঠেশয়া বহ্যেশয়া নারীর্যাস্তল্পশীবরীঃ । স্ত্রিয়ো যাঃ পুণ্যগন্ধাস্তাঃ সর্বাঃ স্বাপয়ামসি ॥৮॥