সূক্ত 56

56.1

২৫ মৈত্রাবরুণির্বসিষ্ঠঃ। মরুতঃ । ত্রিষ্টুপ্ , ১-১১ দ্বিপদা বিরাট্ ।

ক ঈং ব্যক্তা নরঃ সনীলা রুদ্রস্য মর্যা অধ স্বশ্বাঃ ১
নকির্হ্যেষাং জনূংষি বেদ তে অঙ্গ বিদ্রে মিথো জনিত্রম্ ॥১॥

56.2

অভি স্বপূভির্মিথো বপন্ত বাতস্বনসঃ শ্যেনা অস্পৃধ্রন্ ৩
এতানি ধীরো নিণ্যা চিকেত পৃশ্নির্যদূধো মহী জভার ॥২॥

56.3

সা বিট্ সুবীরা মরুদ্ভিরস্তু সনাত্সহন্তী পুষ্যন্তী নৃম্ণম্ ৫
যামং যেষ্ঠাঃ শুভা শোভিষ্ঠাঃ শ্রিয়া সম্মিশ্লা ওজোভিরুগ্রাঃ ॥৩॥

56.4

উগ্রং ব ওজঃ স্থিরা শবাংস্যধা মরুদ্ভির্গণস্তুবিষ্মান্ ৭
শুভ্রো বঃ শুষ্মঃ ক্রুধ্মী মনাংসি ধুনির্মুনিরিব শর্ধস্য ধৃষ্ণোঃ ॥৪॥

56.5

সনেম্যস্মদ্যুয়োত দিদ্যুং মা বো দুর্মতিরিহ প্রণঙ্নঃ ৯
প্রিয়া বো নাম হুবে তুরাণামা যত্তৃপন্মরুতো বাবশানাঃ ॥৫॥

56.6

স্বায়ুধাস ইষ্মিণঃ সুনিষ্কা উত স্বয়ং তন্ব১ঃ শুম্ভমানাঃ ॥৬॥

56.7

শুচী বো হব্যা মরুতঃ শুচীনাং শুচিং হিনোম্যধ্বরং শুচিভ্যঃ ।
ঋতেন সত্যমৃতসাপ আয়ঞ্ছুচিজন্মানঃ শুচয়ঃ পাবকাঃ ॥১২॥

56.8

অংসেষ্বা মরুতঃ খাদয়ো বো বক্ষঃসু রুক্মা উপশিশ্রিয়াণাঃ ।
বি বিদ্যুতো ন বৃষ্টিভী রুচানা অনু স্বধামায়ুধৈর্যচ্ছমানাঃ ॥১৩॥

56.9

প্র বুধ্ন্যা ব ঈরতে মহাংসি প্র নামানি প্রয়জ্যবস্তিরধ্বম্ ।
সহস্রিয়ং দম্যং ভাগমেতং গৃহমেধীয়ং মরুতো জুষধ্বম্ ॥১৪॥

56.10

যদি স্তুতস্য মরুতো অধীথেত্থা বিপ্রস্য বাজিনো হবীমন্ ।
মক্ষূ রায়ঃ সুবীর্যস্য দাত নূ চিদ্যমন্য আদভদরাবা ॥১৫॥

56.11

অত্যাসো ন যে মরুতঃ স্বঞ্চো যক্ষদৃশো ন শুভয়ন্ত মর্যাঃ ।
তে হর্ম্যেষ্ঠাঃ শিশবো ন শুভ্রা বত্সাসো ন প্রক্রীলিনঃ পয়োধাঃ ॥১৬॥

56.12

দশস্যন্তো নো মরুতো মৃলন্তু বরিবস্যন্তো রোদসী সুমেকে ।
আরে গোহা নৃহা বধো বো অস্তু সুম্নেভিরস্মে বসবো নমধ্বম্ ॥১৭॥

56.13

আ বো হোতা জোহবীতি সত্তঃ সত্রাচীং রাতিং মরুতো গৃণানঃ ।
য ঈবতো বৃষণো অস্তি গোপাঃ সো অদ্বয়াবী হবতে ব উক্থৈঃ ॥১৮॥

56.14

ইমে তুরং মরুতো রাময়ন্তীমে সহঃ সহস আ নমন্তি ।
ইমে শংসং বনুষ্যতো নি পান্তি গুরু দ্বেষো অররুষে দধন্তি ॥১৯॥

56.15

ইমে রধ্রং চিন্মরুতো জুনন্তি ভৃমিং চিদ্যথা বসবো জুষন্ত ।
অপ বাধধ্বং বৃষণস্তমাংসি ধত্ত বিশ্বং তনয়ং তোকমস্মে ॥২০॥

56.16

মা বো দাত্রান্মরুতো নিররাম মা পশ্চাদ্দঘ্ম রথ্যো বিভাগে ।
আ নঃ স্পার্হে ভজতনা বসব্যে৩ যদীং সুজাতং বৃষণো বো অস্তি ॥২১॥

56.17

সং যদ্ধনন্ত মন্যুভির্জনাসঃ শূরা যহ্বীষ্বোষধীষু বিক্ষু ।
অধ স্মা নো মরুতো রুদ্রিয়াসস্ত্রাতারো ভূত পৃতনাস্বর্যঃ ॥২২॥

56.18

ভূরি চক্র মরুতঃ পিত্র্যাণ্যুক্থানি যা বঃ শস্যন্তে পুরা চিৎ ।
মরুদ্ভিরুগ্রঃ পৃতনাসু সাল্হা মরুদ্ভিরিত্সনিতা বাজমর্বা ॥২৩॥

56.19

অস্মে বীরো মরুতঃ শুষ্ম্যস্তু জনানাং যো অসুরো বিধর্তা ।
অপো যেন সুক্ষিতয়ে তরেমাঽধ স্বমোকো অভি বঃ স্যাম ॥২৪॥

56.20

তন্ন ইন্দ্রো বরুণো মিত্রো অগ্নিরাপ ওষধীর্বনিনো জুষন্ত ।
শর্মন্ত্স্যাম মরুতামুপস্থে যূয়ং পাত স্বস্তিভিঃ সদা নঃ ॥২৫॥