সূক্ত 57

57.1

৭ মৈত্রাবরুণির্বসিষ্ঠঃ।মরুতঃ। ত্রিষ্টুপ্ ।

মধ্বো বো নাম মারুতং যজত্রাঃ প্র যজ্ঞেষু শবসা মদন্তি ।
যে রেজয়ন্তি রোদসী চিদুর্বী পিন্বন্ত্যুত্সং যদয়াসুরুগ্রাঃ ॥১॥

নিচেতারো হি মরুতো গৃণন্তং প্রণেতারো যজমানস্য মন্ম ।
অস্মাকমদ্য বিদথেষু বর্হিরা বীতয়ে সদত পিপ্রিয়াণাঃ ॥২॥

নৈতাবদন্যে মরুতো যথেমে ভ্রাজন্তে রুক্মৈরায়ুধৈস্তনূভিঃ ।
আ রোদসী বিশ্বপিশঃ পিশানাঃ সমানমঞ্জ্যঞ্জতে শুভে কম্ ॥৩॥

ঋধক্সা বো মরুতো দিদ্যুদস্তু যদ্ব আগঃ পুরুষতা করাম ।
মা বস্তস্যামপি ভূমা যজত্রা অস্মে বো অস্তু সুমতিশ্চনিষ্ঠা ॥৪॥

কৃতে চিদত্র মরুতো রণন্তাঽনবদ্যাসঃ শুচয়ঃ পাবকাঃ ।
প্র ণোঽবত সুমতিভির্যজত্রাঃ প্র বাজেভিস্তিরত পুষ্যসে নঃ ॥৫॥

উত স্তুতাসো মরুতো ব্যন্তু বিশ্বেভির্নামভির্নরো হবীংষি । দ
দাত নো অমৃতস্য প্রজায়ৈ জিগৃত রায়ঃ সূনৃতা মঘানি ॥৬॥

আ স্তুতাসো মরুতো বিশ্ব ঊতী অচ্ছা সূরীন্ত্সর্বতাতা জিগাত ।
যে নস্ত্মনা শতিনো বর্ধয়ন্তি যূয়ং পাত স্বস্তিভিঃ সদা নঃ ॥৭॥