সূক্ত 58

58.1

৬ মৈত্রাবরুণির্বসিষ্ঠঃ। মরুতঃ। ত্রিষ্টুপ্ ।

প্র সাকমুক্ষে অর্চতা গণায় যো দৈব্যস্য ধাম্নস্তুবিষ্মান্ ।
উত ক্ষোদন্তি রোদসী মহিত্বা নক্ষন্তে নাকং নিৠতেরবংশাৎ ॥১॥

জনূশ্চিদ্বো মরুতস্ত্বেষ্যেণ ভীমাসস্তুবিমন্যবোঽয়াসঃ ।
প্র যে মহোভিরোজসোত সন্তি বিশ্বো বো যামন্ভয়তে স্বর্দৃক্ ॥২॥

বৃহদ্বয়ো মঘবদ্ভ্যো দধাত জুজোষন্নিন্মরুতঃ সুষ্টুতিং নঃ ।
গতো নাধ্বা বি তিরাতি জন্তুং প্র ণঃ স্পার্হাভিরূতিভিস্তিরেত ॥৩॥

যুষ্মোতো বিপ্রো মরুতঃ শতস্বী যুষ্মোতো অর্বা সহুরিঃ সহস্রী ।
যুষ্মোতঃ সম্রালুত হন্তি বৃত্রং প্র তদ্বো অস্তু ধূতয়ো দেষ্ণম্ ॥৪॥

তাঁ আ রুদ্রস্য মীল্হুষো বিবাসে কুবিন্নংসন্তে মরুতঃ পুনর্নঃ ।
যত্সস্বর্তা জিহীলিরে যদাবিরব তদেন ঈমহে তুরাণাম্ ॥৫॥

প্র সা বাচি সুষ্টুতির্মঘোনামিদং সূক্তং মরুতো জুষন্ত ।
আরাচ্চিদ্দ্বেষো বৃষণো যুয়োত যূয়ং পাত স্বস্তিভিঃ সদা নঃ ॥৬॥