সূক্ত 54

54.1

৩ মৈত্রাবরুণির্বসিষ্ঠঃ। বাস্তোষ্পতিঃ। ত্রিষ্টুপ্ ।

বাস্তোষ্পতে প্রতি জানীহ্যস্মান্ত্স্বাবেশো অনমীবো ভবা নঃ ।
যত্ত্বেমহে প্রতি তন্নো জুষস্ব শং নো ভব দ্বিপদে শং চতুষ্পদে ॥১॥

54.2

বাস্তোষ্পতে প্রতরণো ন এধি গয়স্ফানো গোভিরশ্বেভিরিন্দো ।
অজরাসস্তে সখ্যে স্যাম পিতেব পুত্রান্প্রতি নো জুষস্ব ॥২॥

54.3

বাস্তোষ্পতে শগ্ময়া সংসদা তে সক্ষীমহি রণ্বয়া গাতুমত্যা ।
পাহি ক্ষেম উত যোগে বরং নো যূয়ং পাত স্বস্তিভিঃ সদা নঃ ॥৩॥