Sukta 54

54.1

3 maitravarunirvasishthah, vastoshpatih, trishtup

वास्तो॑ष्पते॒ प्रति॑ जानीह्य॒स्मान्त्स्वा॑वे॒शो अ॑नमी॒वो भ॑वा नः ।
यत्त्वेम॑हे॒ प्रति॒ तन्नो॑ जुषस्व॒ शं नो॑ भव द्वि॒पदे॒ शं चतु॑ष्पदे ॥१॥

Vastoshpate prati janihyasmantsvavesho anamivo bhava nah
Yattvemahe prati tanno jushasva sham no bhava dvipade sham chatushpade

वास्तो॑ष्पते प्र॒तर॑णो न एधि गय॒स्फानो॒ गोभि॒रश्वे॑भिरिन्दो ।
अ॒जरा॑सस्ते स॒ख्ये स्या॑म पि॒तेव॑ पु॒त्रान्प्रति॑ नो जुषस्व ॥२॥

Vastoshpate pratarano na edhi gayasphano gobhirashvebhirindo
Ajarasaste sakhye syama piteva putranprati no jushasva

वास्तो॑ष्पते श॒ग्मया॑ सं॒सदा॑ ते सक्षी॒महि॑ र॒ण्वया॑ गातु॒मत्या॑ ।
पा॒हि क्षेम॑ उ॒त योगे॒ वरं॑ नो यू॒यं पा॑त स्व॒स्तिभि॒ः सदा॑ नः ॥३॥

Vastoshpate shagmaya sansada te sakshimahi ranvaya gatumatya
Pahi kshema uta yoge varam no yuyam pata svastibhih sada nah