Sukta 53

53.1

3 maitravarunirvasishthah, dyavaprithivi, trishtup

प्र द्यावा॑ य॒ज्ञैः पृ॑थि॒वी नमो॑भिः स॒बाध॑ ईळे बृह॒ती यज॑त्रे ।
ते चि॒द्धि पूर्वे॑ क॒वयो॑ गृ॒णन्त॑ः पु॒रो म॒ही द॑धि॒रे दे॒वपु॑त्रे ॥१॥

Pra dyava yagyaih prithivi namobhih sabadha ile brihati yajatre
Te chiddhi purve kavayo grinantah puro mahi dadhire devaputre

प्र पू॑र्व॒जे पि॒तरा॒ नव्य॑सीभिर्गी॒र्भिः कृ॑णुध्वं॒ सद॑ने ऋ॒तस्य॑ ।
आ नो॑ द्यावापृथिवी॒ दैव्ये॑न॒ जने॑न यातं॒ महि॑ वां॒ वरू॑थम् ॥२॥

Pra purvaje pitara navyasibhirgirbhih krinudhvam sadane ritasya
A no dyavaprithivi daivyena janena yatam mahi vam varutham

उ॒तो हि वां॑ रत्न॒धेया॑नि॒ सन्ति॑ पु॒रूणि॑ द्यावापृथिवी सु॒दासे॑ ।
अ॒स्मे ध॑त्तं॒ यदस॒दस्कृ॑धोयु यू॒यं पा॑त स्व॒स्तिभि॒ः सदा॑ नः ॥३॥

Uto hi vam ratnadheyani santi puruni dyavaprithivi sudase
Asme dhattam yadasadaskridhoyu yuyam pata svastibhih sada nah