Sukta 52

52.1

3 maitravarunirvasishthah, adityah, trishtup

आ॒दि॒त्यासो॒ अदि॑तयः स्याम॒ पूर्दे॑व॒त्रा व॑सवो मर्त्य॒त्रा ।
सने॑म मित्रावरुणा॒ सन॑न्तो॒ भवे॑म द्यावापृथिवी॒ भव॑न्तः ॥१॥

Adityaso aditayah syama purdevatra vasavo martyatra
Sanema mitravaruna sananto bhavema dyavaprithivi bhavantah

मि॒त्रस्तन्नो॒ वरु॑णो मामहन्त॒ शर्म॑ तो॒काय॒ तन॑याय गो॒पाः ।
मा वो॑ भुजेमा॒न्यजा॑त॒मेनो॒ मा तत्क॑र्म वसवो॒ यच्चय॑ध्वे ॥२॥

Mitrastanno varuno mamahanta sharma tokaya tanayaya gopah
Ma vo bhujemanyajatameno ma tatkarma vasavo yachchayadhve

तु॒र॒ण्यवोऽङ्गि॑रसो नक्षन्त॒ रत्नं॑ दे॒वस्य॑ सवि॒तुरि॑या॒नाः ।
पि॒ता च॒ तन्नो॑ म॒हान्यज॑त्रो॒ विश्वे॑ दे॒वाः सम॑नसो जुषन्त ॥३॥

Turanyavongiraso nakshanta ratnam devasya savituriyanah
Pita cha tanno mahanyajatro vishve devah samanaso jushanta