Sukta 51

51.1

3 maitravarunirvasishthah, adityah, trishtup

आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन ।
अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः ॥१॥

Adityanamavasa nutanena sakshimahi sharmana shantamena
Anagastve adititve turasa imam yagyam dadhatu shroshamanah

आ॒दि॒त्यासो॒ अदि॑तिर्मादयन्तां मि॒त्रो अ॑र्य॒मा वरु॑णो॒ रजि॑ष्ठाः ।
अ॒स्माकं॑ सन्तु॒ भुव॑नस्य गो॒पाः पिब॑न्तु॒ सोम॒मव॑से नो अ॒द्य ॥२॥

Adityaso aditirmadayantam mitro aryama varuno rajishthah
Asmakam santu bhuvanasya gopah pibantu somamavase no adya

आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ ।
इन्द्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभि॒ः सदा॑ नः ॥३॥

Aditya vishve marutashcha vishve devashcha vishva ribhavashcha vishve
Indro agnirashvina tushtuvana yuyam pata svastibhih sada nah