সূক্ত 51

51.1

৩ মৈত্রাবরুণির্বসিষ্ঠঃ। আদিত্যাঃ । ত্রিষ্টুপ্ ।

আদিত্যানামবসা নূতনেন সক্ষীমহি শর্মণা শংতমেন ।
অনাগাস্ত্বে অদিতিত্বে তুরাস ইমং যজ্ঞং দধতু শ্রোষমাণাঃ ॥১॥

51.2

আদিত্যাসো অদিতির্মাদয়ন্তাং মিত্রো অর্যমা বরুণো রজিষ্ঠাঃ ।
অস্মাকং সন্তু ভুবনস্য গোপাঃ পিবন্তু সোমমবসে নো অদ্য ॥২॥

51.3

আদিত্যা বিশ্বে মরুতশ্চ বিশ্বে দেবাশ্চ বিশ্ব ঋভবশ্চ বিশ্বে ।
ইন্দ্রো অগ্নিরশ্বিনা তুষ্টুবানা যূয়ং পাত স্বস্তিভিঃ সদা নঃ ॥৩॥