সূক্ত 52

52.1

৩ মৈত্রাবরুণির্বসিষ্ঠঃ। আদিত্যাঃ । ত্রিষ্টুপ্ ।

আদিত্যাসো অদিতয়ঃ স্যাম পূর্দেবত্রা বসবো মর্ত্যত্রা ।
সনেম মিত্রাবরুণা সনন্তো ভবেম দ্যাবাপৃথিবী ভবন্তঃ ॥১॥

52.2

মিত্রস্তন্নো বরুণো মামহন্ত শর্ম তোকায় তনয়ায় গোপাঃ ।
মা বো ভুজেমান্যজাতমেনো মা তত্কর্ম বসবো যচ্চয়ধ্বে ॥২॥

52.3

তুরণ্যবোঽঙ্গিরসো নক্ষন্ত রত্নং দেবস্য সবিতুরিয়ানাঃ ।
পিতা চ তন্নো মহান্যজত্রো বিশ্বে দেবাঃ সমনসো জুষন্ত ॥৩॥