Sukta 50

50.1

4 maitravarunirvasishthah, 1 mitravarunau, 2 agnih, 3 vishve devah, 4nadyah, jagati, 4 atijagati shakvvari va

आ मां मि॑त्रावरुणे॒ह र॑क्षतं कुला॒यय॑द्वि॒श्वय॒न्मा न॒ आ ग॑न् ।
अ॒ज॒का॒वं दु॒र्दृशी॑कं ति॒रो द॑धे॒ मा मां पद्ये॑न॒ रप॑सा विद॒त्त्सरु॑ः ॥१॥

A mam mitravaruneha rakshatam kulayayadvishvayanma na a gan
Ajakavam durdrishikam tiro dadhe ma mam padyena rapasa vidattsaruh

50.2

यद्वि॒जाम॒न्परु॑षि॒ वन्द॑नं॒ भुव॑दष्ठी॒वन्तौ॒ परि॑ कु॒ल्फौ च॒ देह॑त् ।
अ॒ग्निष्टच्छोच॒न्नप॑ बाधतामि॒तो मा मां पद्ये॑न॒ रप॑सा विद॒त्त्सरु॑ः ॥२॥

Yadvijamanparushi vandanam bhuvadashthivantau pari kulphau cha dehat
Agnishtachchhochannapa badhatamito ma mam padyena rapasa vidattsaruh

50.3

यच्छ॑ल्म॒लौ भव॑ति॒ यन्न॒दीषु॒ यदोष॑धीभ्य॒ः परि॒ जाय॑ते वि॒षम् ।
विश्वे॑ दे॒वा निरि॒तस्तत्सु॑वन्तु॒ मा मां पद्ये॑न॒ रप॑सा विद॒त्त्सरु॑ः ॥३॥

Yachchhalmalau bhavati yannadishu yadoshadhibhyah pari jayate visham
Vishve deva niritastatsuvantu ma mam padyena rapasa vidattsaruh

50.4

याः प्र॒वतो॑ नि॒वत॑ उ॒द्वत॑ उद॒न्वती॑रनुद॒काश्च॒ याः ।
ता अ॒स्मभ्यं॒ पय॑सा॒ पिन्व॑मानाः शि॒वा दे॒वीर॑शिप॒दा भ॑वन्तु॒ सर्वा॑ न॒द्यो॑ अशिमि॒दा भ॑वन्तु ॥४॥

Yah pravato nivata udvata udanvatiranudakashcha yah
Ta asmabhyam payasa pinvamanah shiva devirashipada bhavantu sarva nadyo ashimida bhavantu