Sukta 49

49.1

4 maitravarunirvasishthah, apah, trishtup

स॒मु॒द्रज्ये॑ष्ठाः सलि॒लस्य॒ मध्या॑त्पुना॒ना य॒न्त्यनि॑विशमानाः ।
इन्द्रो॒ या व॒ज्री वृ॑ष॒भो र॒राद॒ ता आपो॑ दे॒वीरि॒ह माम॑वन्तु ॥१॥

Samudrajyeshthah salilasya madhyatpunana yantyanivishamanah
Indro ya vajri vrishabho rarada ta apo deviriha mamavantu

या आपो॑ दि॒व्या उ॒त वा॒ स्रव॑न्ति ख॒नित्रि॑मा उ॒त वा॒ याः स्व॑यं॒जाः ।
स॒मु॒द्रार्था॒ याः शुच॑यः पाव॒कास्ता आपो॑ दे॒वीरि॒ह माम॑वन्तु ॥२॥

Ya apo divya uta va sravanti khanitrima uta va yah svayanjah
Samudrartha yah shuchayah pavakasta apo deviriha mamavantu

यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒ञ्जना॑नाम् ।
म॒धु॒श्चुत॒ः शुच॑यो॒ याः पा॑व॒कास्ता आपो॑ दे॒वीरि॒ह माम॑वन्तु ॥३॥

Yasam raja varuno yati madhye satyanrite avapashyanjananam
Madhushchutah shuchayo yah pavakasta apo deviriha mamavantu

यासु॒ राजा॒ वरु॑णो॒ यासु॒ सोमो॒ विश्वे॑ दे॒वा यासूर्जं॒ मद॑न्ति ।
वै॒श्वा॒न॒रो यास्व॒ग्निः प्रवि॑ष्ट॒स्ता आपो॑ दे॒वीरि॒ह माम॑वन्तु ॥४॥

Yasu raja varuno yasu somo vishve deva yasurjam madanti
Vaishvanaro yasvagnih pravishtasta apo deviriha mamavantu