সূক্ত 49

49.1

৪ মৈত্রাবরুণির্বসিষ্ঠঃ। আপঃ । ত্রিষ্টুপ্ ।

সমুদ্রজ্যেষ্ঠাঃ সলিলস্য মধ্যাত্পুনানা যন্ত্যনিবিশমানাঃ ।
ইন্দ্রো যা বজ্রী বৃষভো ররাদ তা আপো দেবীরিহ মামবন্তু ॥১॥

49.2

যা আপো দিব্যা উত বা স্রবন্তি খনিত্রিমা উত বা যাঃ স্বয়ংজাঃ ।
সমুদ্রার্থা যাঃ শুচয়ঃ পাবকাস্তা আপো দেবীরিহ মামবন্তু ॥২॥

49.3

যাসাং রাজা বরুণো যাতি মধ্যে সত্যানৃতে অবপশ্যঞ্জনানাম্ ।
মধুশ্চুতঃ শুচয়ো যাঃ পাবকাস্তা আপো দেবীরিহ মামবন্তু ॥৩॥

49.4

যাসু রাজা বরুণো যাসু সোমো বিশ্বে দেবা যাসূর্জং মদন্তি ।
বৈশ্বানরো যাস্বগ্নিঃ প্রবিষ্টস্তা আপো দেবীরিহ মামবন্তু ॥৪॥