Sukta 48

48.1

4 maitravarunirvasishthah, ribhavah, 4 vishve deva va, trishtup

ऋभु॑क्षणो वाजा मा॒दय॑ध्वम॒स्मे न॑रो मघवानः सु॒तस्य॑ ।
आ वो॒ऽर्वाच॒ः क्रत॑वो॒ न या॒तां विभ्वो॒ रथं॒ नर्यं॑ वर्तयन्तु ॥१॥

Ribhukshano vaja madayadhvamasme naro maghavanah sutasya
A vorvachah kratavo na yatam vibhvo ratham naryam vartayantu

48.2

ऋ॒भुॠ॒भुभि॑र॒भि व॑ः स्याम॒ विभ्वो॑ वि॒भुभि॒ः शव॑सा॒ शवां॑सि ।
वाजो॑ अ॒स्माँ अ॑वतु॒ वाज॑साता॒विन्द्रे॑ण यु॒जा त॑रुषेम वृ॒त्रम् ॥२॥

Ribhuribhubhirabhi vah syama vibhvo vibhubhih shavasa shavansi
Vajo asmam avatu vajasatavindrena yuja tarushema vritram

48.3

ते चि॒द्धि पू॒र्वीर॒भि सन्ति॑ शा॒सा विश्वाँ॑ अ॒र्य उ॑प॒रता॑ति वन्वन् । इ
न्द्रो॒ विभ्वाँ॑ ऋभु॒क्षा वाजो॑ अ॒र्यः शत्रो॑र्मिथ॒त्या कृ॑णव॒न्वि नृ॒म्णम् ॥३॥

Te chiddhi purvirabhi santi shasa vishvam arya uparatati vanvan, i
Ndro vibhvam ribhuksha vajo aryah shatrormithatya krinavanvi nrimnam

48.4

नू दे॑वासो॒ वरि॑वः कर्तना नो भू॒त नो॒ विश्वेऽव॑से स॒जोषा॑ः ।
सम॒स्मे इषं॒ वस॑वो ददीरन्यू॒यं पा॑त स्व॒स्तिभि॒ः सदा॑ नः ॥४॥

Nu devaso varivah kartana no bhuta no vishvevase sajoshah
Samasme isham vasavo dadiranyuyam pata svastibhih sada nah