সূক্ত 170

170.1

(৫) ১,৩,৪ ইন্দ্রঃ, (৪অগস্ত্যো বা,) ২,৫ অগস্ত্যো মৈত্রাবরুণিঃ । ইন্দ্রঃ। ১বৃহতী, ২-৪ অনুষ্টুপ্, ৫ ত্রিষ্টুপ্।

ন নূনমস্তি নো শ্বঃ কস্তদ্ বেদ যদদ্ভুতম্ ।
অন্যস্য চিত্তমভি সংচরেণ্যমুতাধীতং বি নশ্যতি ॥১॥

170.2

কিং ন ইন্দ্র জিঘাংসসি ভ্রাতরো মরুতস্তব ।
তেভিঃ কল্পস্ব সাধুয়া মা নঃ সমরণে বধীঃ ॥২॥

170.3

কিং নো ভ্রাতরগস্ত্য সখা সন্নতি মন্যসে ।
বিদ্মা হি তে যথা মনো ঽস্মভ্যমিন্ন দিত্সসি ॥৩॥

170.4

অরং কৃণ্বন্তু বেদিং সমগ্নিমিন্ধতাং পুরঃ ।
তত্রামৃতস্য চেতনং যজ্ঞং তে তনবাবহৈ ॥৪॥

170.5

ত্বমীশিষে বসুপতে বসূনাং ত্বং মিত্রাণাং মিত্রপতে ধেষ্ঠঃ ।
ইন্দ্র ত্বং মরুদ্ভিঃ সং বদস্বাধ প্রাশান ঋতুথা হবীংষি ॥৫॥