Sukta 170

170.1

(5) 1, 3, 4 indrah, (4agastyo va, ) 2, 5 agastyo maitravarunih, indrah, 1brihati, 2-4 anushtup, 5 trishtup

न नू॒नमस्ति॒ नो श्वः कस्तद् वे॑द॒ यदद्भु॑तम् ।
अ॒न्यस्य॑ चि॒त्तम॒भि सं॑च॒रेण्य॑मु॒ताधी॑तं॒ वि न॑श्यति ॥१॥

Na nunamasti no shvah kastad veda yadadbhutam
Anyasya chittamabhi sancharenyamutadhitam vi nashyati

किं न॑ इन्द्र जिघांससि॒ भ्रात॑रो म॒रुत॒स्तव॑ ।
तेभि॑ः कल्पस्व साधु॒या मा न॑ः स॒मर॑णे वधीः ॥२॥

Kim na indra jighansasi bhrataro marutastava
Tebhih kalpasva sadhuya ma nah samarane vadhih

किं नो॑ भ्रातरगस्त्य॒ सखा॒ सन्नति॑ मन्यसे ।
वि॒द्मा हि ते॒ यथा॒ मनो॒ ऽस्मभ्य॒मिन्न दि॑त्ससि ॥३॥

Kim no bhrataragastya sakha sannati manyase
Vidma hi te yatha mano smabhyaminna ditsasi

अरं॑ कृण्वन्तु॒ वेदिं॒ सम॒ग्निमि॑न्धतां पु॒रः ।
तत्रा॒मृत॑स्य॒ चेत॑नं य॒ज्ञं ते॑ तनवावहै ॥४॥

Aram krinvantu vedim samagnimindhatam purah
Tatramritasya chetanam yagyam te tanavavahai

त्वमी॑शिषे वसुपते॒ वसू॑नां॒ त्वं मि॒त्राणां॑ मित्रपते॒ धेष्ठ॑ः ।
इन्द्र॒ त्वं म॒रुद्भि॒ः सं व॑द॒स्वाध॒ प्राशा॑न ऋतु॒था ह॒वींषि॑ ॥५॥

Tvamishishe vasupate vasunam tvam mitranam mitrapate dheshthah
Indra tvam marudbhih sam vadasvadha prashana ritutha havinshi