সূক্ত 171

171.1

৬ অগস্ত্যো মৈত্রাবরুণিঃ । মরুতঃ,৩-৬ মরুত্বানিন্দ্রঃ। ত্রিষ্টুপ্।

প্রতি ব এনা নমসাহমেমি সূক্তেন ভিক্ষে সুমতিং তুরাণাম্ ।
ররাণতা মরুতো বেদ্যাভির্নি হেলো ধত্ত বি মুচধ্বমশ্বান্ ॥১॥

171.2

এষ বঃ স্তোমো মরুতো নমস্বান্ হৃদা তষ্টো মনসা ধায়ি দেবাঃ ।
উপেমা যাত মনসা জুষাণা যূয়ং হি ষ্ঠা নমস ইদ্ বৃধাসঃ ॥২॥

171.3

স্তুতাসো নো মরুতো মৃলয়ন্তূত স্তুতো মঘবা শম্ভবিষ্ঠঃ ।
ঊর্ধ্বা নঃ সন্তু কোম্যা বনান্যহানি বিশ্বা মরুতো জিগীষা ॥৩॥

171.4

অস্মাদহং তবিষাদীষমাণ ইন্দ্রাদ্ ভিয়া মরুতো রেজমানঃ ।
যুষ্মভ্যং হব্যা নিশিতান্যাসন্ তান্যারে চকৃমা মৃলতা নঃ ॥৪॥

171.5

যেন মানাসশ্চিতয়ন্ত উস্রা ব্যুষ্টিষু শবসা শশ্বতীনাম্ ।
স নো মরুদ্ভির্বৃষভ শ্রবো ধা উগ্র উগ্রেভিঃ স্থবিরঃ সহোদাঃ ॥৫॥

171.6

ত্বং পাহীন্দ্র সহীয়সো নৄন্ ভবা মরুদ্ভিরবয়াতহেলাঃ ।
সুপ্রকেতেভিঃ সাসহির্দধানো বিদ্যামেষং বৃজনং জীরদানুম্ ॥৬॥