সূক্ত 30

30.1

কামিনীমনোঽভিমুখীকরণম্। ১-৫ প্রজাপতিঃ। ১ মনঃ, ২ অশ্বিনৌ, ৩-৪ ঔষধিঃ, ৫ দম্পতী। অনুষ্টুপ্, ১ পথ্যাপঙ্ক্তিঃ, ৩ ভুরিক্।

যথেদং ভূম্যা অধি তৃণং বাতো মথায়তি ।
এবা মথ্নামি তে মনো যথা মাং কামিন্যসো যথা মন্নাপগা অসঃ ॥১॥

30.2

সং চেন্নয়াথো অশ্বিনা কামিনা সং চ বক্ষথঃ ।
সং বাং ভগাসো অগ্মত সং চিত্তানি সমু ব্রতা ॥২॥

30.3

যৎ সুপর্ণা বিবক্ষবো অনমীবা বিবক্ষবঃ ।
তত্র মে গছতাদ্ধবং শল্য ইব কুল্মলং যথা ॥৩॥

30.4

যদন্তরং তদ্ বাহ্যং যদ্ বাহ্যং তদন্তরম্।
কন্যাঽনাং বিশ্বরূপাণাং মনো গৃভায়ৌষধে ॥৪॥

30.5

এয়মগন্ পতিকামা জনিকামোঽহমাগমম্।
অশ্বঃ কনিক্রদদ্ যথা ভগেনাহং সহাগমম্ ॥৫॥