Sukta 30

30.1

Kaminimanobhimukhikaranam, 1-5 prajapatih, 1 manah, 2 ashvinau, 3-4 aushadhih, 5 dampati, anushtup, 1 pathyapanktih, 3 bhurik

यथे॒दं भूम्या॒ अधि॒ तृणं॒ वातो॑ मथा॒य॑ति ।
ए॒वा म॑थ्नामि ते मनो॒ यथा॒ मां का॒मिन्यसो॒ यथा॒ मन्नाप॑गा॒ असः॑ ॥१॥

Yathedam bhumya adhi trinam vato mathayati
Eva mathnami te mano yatha mam kaminyaso yatha mannapaga asah

30.2

सं चेन्नया॑थो अश्विना का॒मिना॒ सं च॒ वक्ष॑थः ।
सं वां॒ भगा॑सो अग्मत॒ सं चि॒त्तानि॒ समु॑ व्र॒ता ॥२॥

Sam chennayatho ashvina kamina sam cha vakshathah
Sam vam bhagaso agmata sam chittani samu vrata

30.3

यत् सु॑प॒र्णा वि॑व॒क्षवो॑ अनमी॒वा वि॑व॒क्षवः॑ ।
तत्र॑ मे गछता॒द्धवं॑ श॒ल्य इ॑व॒ कुल्म॑लं॒ यथा॑ ॥३॥

Yat suparna vivakshavo anamiva vivakshavah
Tatra me gachhataddhavam shalya iva kulmalam yatha

30.4

यदन्त॑रं॒ तद् बाह्यं॒ यद् बाह्यं॒ तदन्त॑रम्।
क॒न्याऽनां वि॒श्वरू॑पाणां॒ मनो॑ गृभायौषधे ॥४॥

Yadantaram tad bahyam yad bahyam tadantaram
Kanyanam vishvarupanam mano gribhayaushadhe

30.5

एयम॑ग॒न् पति॑कामा॒ जनि॑कामो॒ऽहमाग॑मम्।
अश्वः॒ कनि॑क्रद॒द् यथा॒ भगे॑ना॒हं स॒हाग॑मम् ॥५॥

Eyamagan patikama janikamohamagamam
Ashvah kanikradad yatha bhagenaham sahagamam