সূক্ত 29

29.1

দীর্ঘায়ুষ্যম্। ১-৭ অথর্বা। ১ অগ্নিঃ, সূর্যঃ, বৃহস্পতিঃ, ২ জাতবেদাঃ, সবিতা, ৩ ইন্দ্রঃ, ৪-৫ দ্যাবাপৃথিবী, বিশ্বে দেবাঃ, মরুতঃ, আপঃ, ৬ অশ্বিনৌ, ৭ ইন্দ্রঃ। ত্রিষ্টুপ্, ১ অনুষ্টুপ্, ৪ পরাবৃহতী নিচৃত্প্রস্তারপঙ্ক্তিঃ।

পার্থিবস্য রসে দেবা ভগস্য তন্বো৩ বলে ।
আয়ুষ্যঽমস্মা অগ্নিঃ সূর্যো বর্চ আ ধাদ্ বৃহস্পতিঃ ॥১॥

29.2

আয়ুরস্মৈ ধেহি জাতবেদঃ প্রজাং ত্বষ্টরধিনিধেহ্যস্মৈ।
রায়স্পোষং সবিতরা সুবাস্মৈ শতং জীবাতি শরদস্তবায়ম্ ॥২॥

29.3

আশীর্ণ ঊর্জমুত সৌপ্রজাস্ত্বং দক্ষং ধত্তং দ্রবিণং সচেতসৌ ।
জয়ং ক্ষেত্রাণি সহসায়মিন্দ্র কৃণ্বানো অন্যানধরান্ত্সপত্নান্ ॥৩॥

29.4

ইন্দ্রেণ দত্তো বরুণেন শিষ্টো মরুদ্ভিরুগ্রঃ প্রহিতো ন আগন্।
এষ বাং দ্যাবাপৃথিবী উপস্থে মা ক্ষুধন্মা তৃষৎ ॥৪॥

29.5

ঊর্জমস্মা ঊর্জস্বতী ধত্তং পয়ো অস্মৈ পয়স্বতী ধত্তম্।
ঊর্জমস্মৈ দ্যাবাপৃথিবী অধাতাং বিশ্বে দেবা মরুত ঊর্জমাপঃ ॥৫॥

29.6

শিবাভিষ্টে হৃদয়ং তর্পয়াম্যনমীবো মোদিষীষ্ঠাঃ সুবর্চাঃ ।
সবাসিনৌ পিবতাং মন্থমেতমশ্বিনো রূপং পরিধায় মায়াম্ ॥৬॥

29.7

ইন্দ্র এতাং সসৃজে বিদ্ধো অগ্র ঊর্জাং স্বধামজরাং সা ত এষা।
তয়া ত্বং জীব শরদঃ সুবর্চা মা ত আ সুস্রোদ্ ভিষজস্তে অক্রন্ ॥৭॥