সূক্ত 31

31.1

ক্রিমিজম্ভনম্। ১-৫ কণ্বঃ। মহী, চন্দ্রমাঃ। অনুষ্টুপ্, ২, ৪ উপরিষ্টাদ্বিরাড্বৃহতী, ৩, ৫ আর্ষী ত্রিষ্টুপ্।

ইন্দ্রস্য যা মহী দৃষৎ ক্রিমের্বিশ্বস্য তর্হণী ।
তয়া পিনষ্মি সং ক্রিমীন্ দৃষদা খল্বাঁ ইব ॥১॥

31.2

দৃষ্টমদৃষ্টমতৃহমথো কুরূরুমতৃহম্।
অল্গণ্ডূন্ত্সর্বান্ ছলুনান্ ক্রিমীন্ বচসা জম্ভয়ামসি ॥২॥

31.3

অল্গণ্ডূন্ হন্মি মহতা বধেন দূনা অদূনা অরসা অভূবন্।
শিষ্টানশিষ্টান্ নি তিরামি বাচা যথা ক্রিমীণাং নকিরুচ্ছিষাতৈ ॥৩॥

31.4

অন্বান্ত্র্যং শীর্ষণ্য১মথো পার্ষ্টেয়ং ক্রিমীন্।
অবস্কবং ব্যধ্বরং ক্রিমীন্ বচসা জম্ভয়ামসি ॥৪॥

31.5

যে ক্রিময়ঃ পর্বতেশু বনেষ্বোষধীষু পশুষ্বপ্স্ব১ন্তঃ ।
যে অস্মাকং তন্বঽমাবিবিশুঃ সর্বং তদ্ধন্মি জনিম ক্রিমীণাম্ ॥৫॥