সূক্ত 32

32.1

ক্রিমিনাশনম্। ১-৬ কণ্বঃ। আদিত্যঃ। অনুষ্টুপ্, ১ ত্রিপাদ্ভুরিগ্গায়ত্রী, ৬ চতুষ্পান্নিচৃদুষ্ণিক্।

উদ্যন্নাদিত্যঃ ক্রিমীন্ হন্তু নিম্রোচন্ হন্তু রশ্মিভিঃ ।
যে অন্তঃ ক্রিময়ো গবি ॥১॥

32.2

বিশ্বরূপং চতুরক্ষং ক্রিমিং সারঙ্গমর্জুনম্।
শৃণাম্যস্য পৃষ্টীরপি বৃশ্চামি যচ্ছিরঃ ॥২॥

32.3

অত্রিবদ্ বঃ ক্রিময়ো হন্মি কণ্ববজ্জমদগ্নিবৎ।
অগস্ত্যস্য ব্রহ্মণা সং পিনষ্ম্যহং ক্রিমীন্ ॥৩॥

32.4

হতো রাজা ক্রিমীণামুতৈষাং স্থপতির্হতঃ ।
হতো হতমাতা ক্রিমির্হতভ্রাতা হতস্বসা ॥৪॥

32.5

হতাসো অস্য বেশসো হতাসঃ পরিবেশসঃ ।
অথো যে ক্ষুল্লকা ইব সর্বে তে ক্রিময়ো হতাঃ ॥৫॥

32.6

প্র তে শৃণামি শৃঙ্গে যাভ্যাং বিতুদায়সি ।
ভিনাদ্মি তে কুষুম্ভং যস্তে বিষধানঃ ॥৬॥