সূক্ত 33

33.1

যক্ষ্মবিবর্হণম্। ১-৭ ব্রহ্মা। যক্ষ্মবিবর্হণং, চন্দ্রমাঃ, আয়ুষ্যম্। অনুষ্টুপ্, ৩ ককুম্মতী, ৪ চতুষ্পদা ভুরিগুষ্ণিক্, ৫ উপরিষ্টাদ্বিরাড্বৃহতী, ৬ উষ্ণিগ্গর্ভা নিচৃদনুষ্টুপ্, ৭ পথ্যাপঙ্ক্তিঃ।

অক্ষীভ্যাং তে নাসিকাভ্যাং কর্ণাভ্যাং ছুবুকাদধি ।
যক্ষ্মং শীর্ষণ্যং ঽ মস্তিষ্কাজ্জিহ্বায়া বি বৃহামি তে ॥১॥

33.2

গ্রীবাভ্যস্ত উষ্ণিহাভ্যঃ কীকসাভ্যো অনূক্যাঽৎ।
যক্ষ্মং দোষণ্য১মংসাভ্যাং বাহুভ্যাং বি বৃহামি তে ॥২॥

33.3

হৃদয়াৎ তে পরি ক্লোম্নো হলীক্ষ্ণাৎ পার্শ্বাভ্যাম্।
যক্ষ্মং মতস্নাভ্যাং প্লীহ্নো যক্নস্তে বি বৃহামসি ॥৩॥

33.4

আন্ত্রেভ্যস্তে গুদাভ্যো বনিষ্ঠোরুদরাদধি ।
যক্ষ্মং কুক্ষিভ্যাং প্লাশের্নাভ্যা বি বৃহামি তে ॥৪॥

33.5

ঊরুভ্যাং তে অষ্ঠীবদ্ভ্যাং পার্ষ্ণিভ্যাং প্রপদাভ্যাম্।
যক্ষ্মং ভসদ্যং১ শ্রোণিভ্যাং ভাসদং ভংসসো বি বৃহামি তে ॥৫॥

33.6

অস্থিভ্যস্তে মজ্জভ্যঃ স্নাবভ্যো ধমনিভ্যঃ ।
যক্ষ্মং পাণিভ্যামঙ্গুলিভ্যো নখেভ্যো বি বৃহামি তে ॥৬॥

33.7

অঙ্গেঅঙ্গে লোম্নিলোম্নি যস্তে পর্বণিপর্বণি ।
যক্ষ্মং ত্বচস্য ঽ তে বয়ং কশ্যপস্য বীবর্হেণ বিষ্বঞ্চং বি বৃহামসি ॥৭॥